લાકડશી

લાકડશી અથવા મોતૈયા લાડુ અથવા મોતીયા લાડુએ બૂંદીને ખાંડીને બનાવવામાં આવતી એક મીઠી વાનગી છે. કચ્છના વાગડ પ્રાંતમાં મોતૈયા લાડુ ખુબ લોકપ્રિય છે. એક અન્ય મત અનુસાર કઠણ અને સ્વાદવગરના લાડવાને પણ લાકડશી કહે છે.

આ વાનગીને ચણાનો લોટ, ઘી, ખાંડ, કેસર, એલચી, દૂધ, બરાસ (ખાદ્ય કપૂર - ભીમસેન કપૂર) વાપરીને બનાવાય છે. આ વાનગીને સૌપ્રથમ ચણાના લોટની (લાકડી, શેરવા, ગાંઠીયા) પાડી તેને પીસીને બનાવાય છે. આ પરથી તેનું નામ લાકડશી પડ્યું હોવું જોઈએ. એક અન્ય મત પ્રમાણે આ લાડુ લાકડા જેવા કઠણ હોવાથી તેને લાકડશી કહે છે.