શૂન્ય ભેદભાવ દિવસ

શૂન્ય ભેદભાવ દિવસ
ઉજવવામાં આવે છે	સંયુક્ત રાષ્ટ્રસંઘ (UN)
પ્રકાર	સાંસ્કૃતિક
તારીખ	૧ માર્ચ
આવૃત્તિ	વાર્ષિક
સંબંધિત	યુએનએઇડ્સ (UNAIDS), એલજીબીટી પ્રાઈડ

શૂન્ય ભેદભાવ દિવસ એ સંયુક્ત રાષ્ટ્ર (યુએન) અને અન્ય આંતરરાષ્ટ્રીય સંગઠનો દ્વારા દર વર્ષે ૧ માર્ચના રોજ ઉજવવામાં આવતો વાર્ષિક દિવસ છે. આ દિવસનો હેતુ યુએનના તમામ સભ્ય દેશોમાં કાયદા સમક્ષ અને વ્યવહારમાં સમાનતાને પ્રોત્સાહન આપવાનો છે. આ દિવસની સૌપ્રથમ ઉજવણી ૧ માર્ચ, ૨૦૧૪ના રોજ કરવામાં આવી હતી અને યુએનએઇડ્સ (UNAIDS – એચઆઇવી/એઇડ્સ પર સંયુક્ત રાષ્ટ્રનો સંયુક્ત કાર્યક્રમ)ના કાર્યકારી નિદેશક મિશેલ સિદિબેએ તે જ વર્ષે ૨૭મી ફેબ્રુઆરીએ બેઇજિંગમાં એક પ્રમુખ કાર્યક્રમ સાથે તેની શરૂઆત કરી હતી.

ફેબ્રુઆરી ૨૦૧૭માં, યુએનએઇડ્સે લોકોને "શૂન્ય ભેદભાવની આસપાસ અવાજ ઉઠાવવા, બોલવા અને મહત્વાકાંક્ષાઓ, લક્ષ્યો અને સપનાઓ પ્રાપ્ત કરવાના માર્ગમાં ઉભા રહેવાના માર્ગમાં ભેદભાવને અટકાવવા" હાકલ કરી હતી.

આ દિવસની વિશેષ કરીને યુએનએઇડ્સ જેવી સંસ્થાઓ દ્વારા નોંધ લેવામાં આવી છે જે એચઆઇવી/એઇડ્સ સાથે જીવી રહેલા લોકો સામે ભેદભાવનો સામનો કરે છે. લાઇબેરિયાના રાષ્ટ્રીય એઇડ્સ આયોગના અધ્યક્ષ ડૉ. ઇવાન એફ. કૈમેનોરના જણાવ્યા અનુસાર, "એચઆઇવી સંબંધિત લાંછન અને ભેદભાવ વ્યાપક છે અને આપણા લાઇબેરિયા સહિત વિશ્વના લગભગ દરેક ભાગમાં અસ્તિત્વમાં છે." સંયુક્ત રાષ્ટ્ર વિકાસ કાર્યક્રમ અંતર્ગત ૨૦૧૭માં આ ઉજવણી એચ.આઇ.વી /એઇડ્સથી સંક્રમિત એલજીબીટીઆઈ સમુદાયના લોકોને સમર્પિત કરવામાં આવી હતી, જેઓ ભેદભાવનો સામનો કરે છે.

ભારતમાં પ્રચારકોએ આ દિવસનો ઉપયોગ એલજીબીટીઆઈ સમુદાય સામે ભેદભાવને વધુ સંભવિત બનાવતા કાયદાઓ સામે અવાજ ઉઠાવવા માટે કર્યો છે, ખાસ કરીને દેશમાં સમલૈંગિકતાને અપરાધ તરીકે ગણાવતા કાયદા (ભારતીય દંડ સંહિતા, એસ ૩૭૭) ને રદ કરવાના અગાઉના અભિયાન દરમિયાન તેનો વિશેષ ઉપયોગ કરવામાં આવ્યો હતો.

૨૦૧૫માં, કેલિફોર્નિયામાં આર્મેનિયન અમેરિકનોએ આર્મેનિયન નરસંહારના પીડિતોને યાદ કરવા માટે શૂન્ય ભેદભાવ દિવસ પર ડાઇ-ઇન કાર્યક્રમ આયોજીત કર્યો હતો. આ કાર્યક્રમ અંતર્ગત લોકોના એક જૂથ જાણે કે તેઓ મૃત્યુ પામ્યા હોય તેમ જાહેર સ્થળે સૂઈ જઈ સામાન્ય પ્રવૃત્તિઓને અટકાવી દીધી હતી.

બાહ્ય કડીઓ

• યુએનએઇડ્સ દ્વારા શૂન્ય ભેદભાવ દિવસ