પંજાબ

ભારત દેશના નકશામાં પંજાબનું સ્થાન

પંજાબ (પંજાબી: ਪੰਜਾਬ) ભારત દેશના ઉત્તર ભાગમાં આવેલું એક રાજ્ય છે. તેનું પાટનગર ચંડીગઢ છે, જે પંજાબ રાજ્યની સીમાની બહાર આવેલું છે. પંજાબ રાજ્ય એ એક મોટા પંજાબ પ્રદેશનો એક ભાગ છે. આ રાજ્ય અને પાકિસ્તાનનું પંજાબ રાજ્ય ભેગા થઇને પંજાબ પ્રદેશ બને છે. "પંજાબ" શબ્દ બે ફારસી શબ્દો "પંજ"(પાંચ) અને "આબ"(પાણી) ભેગા થઇને બન્યા છે, જે આ પ્રદેશમાંથી વહેતી પાંચ નદીઓનું સુચન કરે છે. આ પાંચ નદીઓના કારણે પૂરતું પાણી મળવાને કારણે પંજાબ રાજ્ય ખેતીની બાબતમાં દેશભરમાં અવ્વલ નંબરે રહે છે. અહીં ઘઉં, શેરડી તેમ જ સરસવ મુખ્ય ખેત ઉત્પાદનો છે. આ ઉપરાંત આધુનિક ખેતીનાં ઉપકરણો વાપરવામાં તેમ જ આધુનિક ખેત-પદ્ધતિને અપનાવવામાં પણ પંજાબ દેશભરમાં મોખરાનું સ્થાન ધરાવે છે. આ રાજ્યની વહીવટી મુખ્ય ભાષા પંજાબી છે.

પંજાબ રાજ્યના જિલ્લાઓ

પંજાબ રાજ્યના જિલ્લાઓ તથા એનાં મુખ્ય મથકો

પંજાબ રાજ્યમાં ૨૦ જિલ્લાઓ આવેલા છે. આ જિલ્લાઓ નીચે મુજબ છે.

• અમૃતસર જિલ્લો
• કપૂરથલા જિલ્લો
• ગુરદાસપુર જિલ્લો
• જલંધર જિલ્લો
• તરન તારન સાહિબ જિલ્લો
• નવા શહર જિલ્લો
• પટિયાલા જિલ્લો
• ફતેહગઢ સાહિબ જિલ્લો
• ફરીદકોટ જિલ્લો
• ફિરોઝપુર જિલ્લો
• બરનાલા જિલ્લો
• ભટિન્ડા જિલ્લો
• માનસા જિલ્લો
• મોગા જિલ્લો
• મોહાલી જિલ્લો
• મુક્તસર જિલ્લો
• રુપનગર જિલ્લો
• લુધિયાણા જિલ્લો
• સંગરુર જિલ્લો
• હોશિયારપુર જિલ્લો

બાહ્ય કડીઓ

• પંજાબ રાજ્ય વિશે સામાન્ય જાણકારી
• પંજાબ રાજ્ય સરકારનું અધિકૃત જાળસ્થળ
• પંજાબનો ઇતિહાસ
• પંજાબ : ચિત્રદર્શન

વિકિટ્રાવેલ પર આ વિષયક વધુ માહિતી ઉપલબ્ધ છે:

પંજાબ