ગતિના નિયમો

આઇઝેક ન્યુટન

ગતિના નિયમો સર આઇઝેક ન્યૂટને આપેલા, આ ત્રણેય નિયમો ગતિ વિષયક નિયમો છે. આ નિયમો ક્લાસિકલ મિકેનિક્સનો પાયો છે.સૌપ્રથમ આ નિયમો આઇઝેક ન્યૂટનના પુસ્તક ફિલોસોફી નચુરાલીસ પ્રિન્સિપીઆ મેથેમેટિકાલમાં નોધાયા હતા જેમાં તેઓએ આ નિયમોનો ઉપયોગ વિવિધ પદાથોની ગતિના અભ્યાસ માટે કર્યો. આ નિયમો પદાર્થનું દળ, તેના પર લાગતું બળ, અને તેની ગતિ વચ્ચેનો સંબંધ દર્શાવે છે.

નિયમો

ન્યુટને ગતિના કુલ ત્રણ નિયમો આપ્યા.જે નીચે મુજબ છે.

પહેલો નિયમ

પહેલો નિયમ કહે છે કે જ્યાંં સુધી કોઈ વસ્તુ પર બાહ્ય બળ(ફોર્સ) ન લગાડવામાં આવે ત્યાંં સુધી જે વસ્તુ ગતિમાં હોય એ ગતિમાં અને જે વસ્તુ સ્થિર હોય એ સ્થિર રહે છે.

બીજો નિયમ

કોઇપણ વસ્તુ પર લાગતુ બળ એ તેના કુલ દળ અને પ્રવેગના ગુણાકાર જેટલુ થાય છે,અને તે વેગમાનના સમય ની સાપેક્ષેના વિકલનના સમપ્રમાણમાં હોય છે.

ત્રીજો નિયમ

બે પદાર્થની આંતરવિશિષ્ઠ ક્રિયા દરમિયાન જ્યારે પહેલો પદાર્થ બીજા પદાર્થ પર બળ લગાડે છે ત્યારે બીજો પદાર્થ તત્કાલિન પહેલા પર બળ લગાડે છે. આ બળો સમાન મૂલ્યના અને પરસ્પર વિરુદ્ધ દિશામાં હોય છે

ઉપયોગ

આ ગતિના નિયમો અને ન્યુટનના ગુરૂત્વાકર્ષણના નિયમોથી કેપ્લરના નિયમો સમજાવી શકાય છે.