જોહાર ઘાટી (ખીણ)

મુનસ્યારી નજીક જોહાર ઘાટી તથા મધ્યમાં વહેતી ગોરી નદીનું દૃશ્ય

જોહાર ઘાટી, જેને મીલમ ઘાટી અથવા ગોરીગંગા ઘાટી પણ કહેવામાં આવે છે. ભારત દેશના ઉત્તરાખંડ રાજ્યના કુમાઉ મંડલના પિથોરાગઢ જિલ્લામાં સ્થિત હિમાલય પર્વતમાળામાં આ એક પ્રખ્યાત ખીણપ્રદેશ છે. ગોરી નદી આ જ ખીણમાં થઈને વહે છે. પહેલાંના સમયમાં આ ખીણમાંથી તિબેટ જવા માટેનો મહત્વપૂર્ણ વ્યાપારી માર્ગ પસાર થતો હતો. મીલમ અને મારતોલી આ ખીણમાં આવેલ અગ્રણી ગામો છે.

જોહાર ઘાટીમાં આવેલ ૧૨ ગામો મેલમ હિમનદી ખાતેથી નીકળતી ગોરી નદીના કિનારા પર વસેલાં છે. ગિરિમથક મુનસ્યારી ખાતેથી ૬ હજાર થી ૧૦ હજાર ફૂટ ઉંચાઈ પર વસવાટ કરતાં આ ગામો સુધી પહોંચવા માટે ૬૫ કિમી પગપાળા યાત્રા કરવી પડે છે.

આ પણ જુઓ

• કુમાઉ

સંદર્ભો

મુનસ્યારી ખાતેથી દૃશ્યમાન હિમાલય પર્વતમાળા