તૌરાત

તૌરાત (અરબી: توراة), એ ઇસ્લામ અને યહૂદી ધર્મનું ધર્મ પુસ્તક છે. તૌરાત શબ્દનો અર્થ અરબી ભાષામાં 'કાયદો' તેમ થાય છે, જ્યારે હિબ્રુ ભાષામાં (તોરાહ) તેનો અર્થ 'સુચનો' તેવો થાય છે. યહૂદી ધર્મ એ પયગંબર અને ધર્મ પુસ્તકોમાં આસ્થા ધરાવે છે. આ ધર્મ ઇશ્વર દ્વારા તેના પ્રિય પયગંબર મુસા (મોઝિઝ) મારફત લોકો સુધી પહોંચાડવામાં આવ્યો. આ ધર્મ પુસ્તકની વાતોનો કુરાનમાં ઉલ્લેખ કરવામાં આવ્યો છે. કુરાનમાં કુલ ચાર પુસ્તકોની વાત છે, સફૂહ એ ઈબ્રાહિમી, તૌરાત, જબૂર અને ઈંજીલ. મુસલમાનો તૌરાતને ઇશ્વર દ્વારા આપવામાં આવેલું ધર્મ પુસ્તક માને છે, કારણકે અલ્લાહે પોતેજ પયગંબર મુસા થકી આ પુસ્તક લખ્યું હોવાનું મનાય છે. તેમાં દશ આજ્ઞાઓ (Ten Commandments) છે, જે પયગંબર મુસાને અલ્લાહે તુર પહાડ (કોહે તુર) પર આપી હતી.

કુરાનમાં તૌરાત

કુરાનમાં તૌરાત શબ્દ અઢાર વખત અને પયગંબર મુસાનું નામ ૧૩૬ વખત ઉલ્લેખાયેલું છે.

બાહ્ય કડીઓ

• તૌરાતની ચર્ચાઓ
• તૌરાત સંબંધીત અભ્યાસ