પ્રાણલાલ વ્યાસ

પ્રાણલાલ વ્યાસ
જન્મ	૧૯ મે ૧૯૪૧  જેતલસર (તા. જેતપુર)
મૃત્યુ	૩ ઓગસ્ટ ૨૦૧૧

ભજનિક શ્રી પ્રાણલાલ વ્યાસ માર્ગ, જૂનાગઢ

પ્રાણલાલ વ્યાસ (૧૯ મે ૧૯૪૧ - ૩ ઓગસ્ટ ૨૦૧૧) ભજનીક, ગુજરાતી ફીલ્મોના પાર્શ્વગાયક અને લોકગીતોના કલાકાર હતા.

પ્રારંભિક જીવન

એમનો જન્મ જેતલસરમાં માતા શાંતાબેન અને પિતા પ્રેમશંકર ભાઈના ઘરે થયો હતો.

કારકિર્દી

પ્રાણલાલ વ્યાસે પોતાની ગાવાની સફર જૂનાગઢના શિવરાત્રીના મેળાથી કરી હતી. અવિનાશ વ્યાસે એમને ૧૯૭૫માં ચલચિત્ર 'શેઠ સગાળશા'માં પાર્શ્વગાયક તરીકે તક આપી હતી. જેમાં તેઓ "ભાગુ તો મારી ભોમકા લાજે, ભોરીંગ જીલે ન ભાર, મેરૂ સરીખા ડોલવા લાગે, આકાશના આધાર" ગીત દ્વારા પ્રસિદ્ધ થયા હતા. એ પછી એમણે ૧૯૭૮માં 'ભગત ગોરા કુંભાર' નામના ગુજરાતી ચલચિત્રમાં ગાયેલું કવિ દાદ રચિત 'ઘડવૈયા મારે ઠાકોરજી નથી થાવું' ગીત પણ બહુ જ વખણાયેલું.

તેમની સ્મૃતિમાં ૨૦ ફેબ્રુઆરી ૨૦૨૦ના રોજ જૂનાગઢ શહેરના સોનાપુરથી ભવનાથ પ્રવેશદ્વાર સુધીના માર્ગનું "ભજનિક શ્રી પ્રાણલાલ વ્યાસ માર્ગ" તરીકે નામકરણ કરવામાં આવ્યું છે.