ભારતીય મુસ્લિમ મહિલા આંદોલન

ભારતીય મુસ્લિમ મહિલા આંદોલન અથવા BMMA એક સ્વાયત્ત, બિનસાંપ્રદાયિક, અને અધિકારો આધારિત સામાજીક સંસ્થા છે જેનું નેતૃત્વ ઝાકિયા સોમણ કરે છે, જે ભારતમાં મુસ્લિમ મહિલાઓના અધિકારો માટે લડે છે. મુંબઇ સ્થિત આ સંસ્થાની રચના જાન્યુઆરી ૨૦૦૭માં કરવામાં આવી હતી.

BMMA એ ૧૦ રાજ્યોમાં મુસ્લિમ પર્સનલ લૉમાં સુધારા અંગે મુસ્લિમ મહિલાઓના મંતવ્યોનો સર્વે - સીકિંગ જસ્ટિસ ઇન ધ ફેમિલીના નામે કર્યો હતો. સર્વેમાં ૪૦૦૦ મહિલાઓને આવરવામાં આવી હતી અને તેમાંથી એકેયના નામે કોઈ મિલકત નહોતી અને ૭૮% ગૃહિણીઓ હતી કે જેમની પોતાની કોઈ આવક નહોતી.

BMMA એ 'ટ્રિપલ તલાક' (મૌખિક છૂટાછેડા)ની પ્રથા પર પ્રતિબંધની માંગ કરી હતી. સંસ્થાએ મુસ્લિમ પર્સનલ લો પર ભારતના વડાપ્રધાન નરેન્દ્ર મોદીને પણ અરજી કરી હતી. BMMA એ હિન્દુ મહિલાઓનું શનિ શિંગણાપુર મંદિરમાં પ્રવેશના વિવાદમાં સમર્થન કર્યું છે. તેણે ૨૩ જૂન ૨૦૧૪ના રોજ 'મુસ્લિમ લગ્ન અને છૂટાછેડા અધિનિયમ'નો મુસદ્દો બહાર પાડ્યો હતો જેમાં ભારતના મુસ્લિમ પર્સનલ લૉમાં બહુપત્નીત્વને ગેરકાયદેસર બનાવવાની ભલામણ કરવામાં આવી હતી.