સલોટા કિલ્લો

સલોટા કિલ્લો
સલોટા કિલ્લો, નાસિક
સાલ્હેર કિલ્લા પરથી દેખાતો સલોટા કિલ્લો
સલોટા કિલ્લો
અક્ષાંશ-રેખાંશ	20.722441°N 73.9536738°E / 20.722441; 73.9536738
ઊંચાઈ	૧૨૯૫ મીટર
સ્થળની માહિતી
આધિપત્ય	ભારત સરકાર
જાહેરજનતા માટે ખૂલ્લું	હા
સ્થિતિ	ખંડિત
સ્થળ ઈતિહાસ
બાંધકામ સામગ્રી	પથ્થર, ચૂનો અને સીસું
લડાઇ/યુદ્ધો	સાલ્હેરનું યુદ્ધ
ઘટનાઓ	બહાલોલ ખાનની હત્યા
સૈન્ય માહિતી
રહેવાસીઓ	શિવાજી, બ્રિટિશરો

સલોટા કિલ્લો એક પર્વતીય કિલ્લો છે, જે મહારાષ્ટ્ર, ભારત ખાતે નાસિક જિલ્લાના બાગલાણ ક્ષેત્રમાં સ્થિત છે. આ કિલ્લો સાલ્હેર નજીક આવેલ છે.

ઇતિહાસ

આ કિલ્લા માટે કોઈ અલગ ઇતિહાસ મળતો નથી. આ કિલ્લો નજીક આવેલ સાલ્હેર ફોર્ટનો એક ભાગ છે. આ ભાગ દુશ્મનોથી વધારાની સુરક્ષા પૂરી પાડવા માટે બનાવવામાં આવેલ છે.

કેવી રીતે જવાય

અહીંથી નજીકનું ગામ વાઘામ્બે છે. ત્યાંથી સતત ચડતાં સલોટા અને સાલ્હેર કિલ્લાની વચ્ચેના ભાગમાં પહોંચાય છે. વાઘામ્બેથી લગભગ દોઢ કલાક ચાલવાથી અહીં પહોંચાય છે. અહીંથી એક સાંકડી કેડી પશ્ચિમ તરફ સલોટા તરફ દોરી જાય છે. ગામના કોઈ વ્યક્તિને સ્થાનિક માર્ગદર્શન માટે સાથે લઈ જાવ તે વધુ સારું છે. આ કિલ્લા પર કોઈ સ્થળ એવું નથી કે આરામદાયક રોકાણ કરી શકાય. ઘણા ટ્રેકરો અહીં પોતાનો ભારે સામાન રાખી સલોટા શિખર પર ચડે છે, પછી ત્યાંથી અહીં સુધી ઉતરી સાલ્હેર ફોર્ટ પર રાત રહે છે.

જોવાલાયક સ્થાનો

આ કિલ્લા પર એક પછી એક ભાગ ચડતા પહોંચી શકાય છે. ત્યાં ત્રણ દરવાજા જે એક લાઈનમાં આવેલા છે, જે કિલ્લાના મુખ્ય ભાગ તરફ દોરી જાય છે. ત્યાં બે પથ્થરમાં કોતરાયેલ પાણીના ટાંકા આવેલ છે. આ કિલ્લાની ટોચ સુધી જવા પર્વતારોહણને લગતાં સાધનોની જરુર પડે છે.