સામૂહિક વર્તન

સામૂહિક વર્તન એટલે કોઈ એક સમાન અસર કે ઉદ્દીપનના પ્રતિભાવ રૂપે કેટલાક લોકો દ્વારા કરવામાં આવતા વર્તનની ભાત કે પ્રતિક્રિયા, જે પરસ્પર સંકળાયેલ અને સરખી હોય છે. સામૂહિક વર્તન પૂર્વનિશ્ચિત કે કોઈ પરંપરાના આધારે નથી થતું, તેમજ તે વર્તનનાં સ્પષ્ટ ધોરણો મુજબ પણ નથી હોતું. મોટાભાગે આવા વર્તનને વ્યાખ્યાબદ્ધ કે સીમાબદ્ધ કરી શકાતું નથી. આ પ્રકારનું વર્તન જે તે ક્ષણે ઉપસ્થિત ઉદ્દીપનની સામેનો પ્રતિભાવ માત્ર હોય છે. અહિં વર્તન કરનારા લોકો કોઈ એક જ જૂથના સભ્ય તરીકે વર્તન કરતા હોય તેવું જરૂરી નથી હોતું.