યુનિવર્સિટી ગ્રંથ નિર્માણ બોર્ડ

યુનિવર્સિટી ગ્રંથ નિર્માણ બોર્ડ

યુનિવર્સિટી ગ્રંથ નિર્માણ બોર્ડનું મકાન
સ્થાપના	૧૯૭૦
સ્થાપક	કેન્દ્ર સરકાર
પ્રકાર	સરકારી સંસ્થા
કાયદાકીય સ્થિતિ	સક્રિય
હેતુ	સંદર્ભ ગ્રંથોનું પ્રકાશન
સ્થાન	અમદાવાદ
અક્ષાંશ-રેખાંશ	23.0198948°N 72.5515242°E / 23.0198948; 72.5515242
માલિક	ગુજરાત સરકાર
અધ્યક્ષ	ભૂપેન્દ્રસિંહ ચૂડાસમા
ઉપાધ્યક્ષ	નાગરાજન એમ.
વેબસાઇટ	અધિકૃત વેબસાઇટ

યુનિવર્સિટી ગ્રંથ નિર્માણ બોર્ડ એ ગુજરાત રાજ્ય સરકાર દ્વારા ચાલતી અને વિવિધ સંદર્ભગ્રંથોનું પ્રકાશન કરતી સંસ્થા છે, જેની સ્થાપના ૧૯૭૦માં કરવામાં આવી હતી. આ સંસ્થા અમદાવાદ ખાતે આવેલી છે.

પ્રાદેશિક ભાષાને પ્રોત્સાહન આપવાની અને યુનિવર્સિટી કક્ષાએ શિક્ષણ પરિક્ષણના માધ્યમ તરીકે પ્રાદેશિક ભાષા પ્રસ્થાપિત કરવાની રાષ્ટ્રવ્યાપી યોજના અમલમાં મૂકાઈ એ દરમિયાન કેન્દ્ર સરકારે દરેક રાજ્યમાં 'ગ્રંથ નિર્માણ બોર્ડ' સ્થાપવાનો નિર્ણય કર્યો હતો. આ યોજના અનુસાર ગુજરાતમાં અમદાવાદ ખાતે ૧૯૭૦માં યુનિવર્સિટી ગ્રંથ નિર્માણ બોર્ડ સંસ્થાની સ્થાપના કરવામાં આવી. શરુઆતમાં આ સંસ્થાને પુસ્તક પ્રકાશન માટે કેન્દ્ર સરકાર તરફથી અનુદાન મળતું હતું, અને ૧૯૭૬થી ગુજરાત સરકાર આ સંસ્થાના સઘળા વહીવટીખર્ચની જવાબદારી સંભાળે છે.

આ સંસ્થા યુનિવર્સિટી કક્ષાએ ચાલતા વિવિધ કક્ષાના વિવિધ વિદ્યાશાખાના અભ્યાસક્રમોને અનુરૂપ સંદર્ભગ્રંથો તૈયાર કરવાનું કામ કરે છે. આ સંદર્ભગ્રંથો જે તે વિદ્યાશાખાના તજજ્ઞો દ્વારા તૈયાર કરવામાં આવે છે. આ ગ્રંથો વિદ્યાર્થીઓ માટે તૈયાર કરાતા હોઈ તેની કિંમત ઓછી રાખવામાં આવે છે.

ઈશ્વરભાઈ પટેલે આ સંસ્થાના પ્રમુખ તરીકે સેવાઓ આપી હતી.