સિંગાપુરી ચેરી

સિંગાપુરી ચેરી
વૈજ્ઞાનિક વર્ગીકરણ
Kingdom:	Plantae
(unranked):	Angiosperms
(unranked):	Eudicots
(unranked):	Rosids
Order:	Malvales
Family:	રુદ્રાક્ષ
Genus:	''Muntingia'' L.
Species:	''M. calabura''
દ્વિનામી નામ
Muntingia calabura L.

ભારતમાં હૈદ્રાબાદ ખાતે સિંગાપુરી ચેરીનું વૃક્ષ

સિંગાપુરી ચેરી અથવા જમૈકન ચેરી એ એક વૃક્ષ છે. આ વૃક્ષ રુદ્રાક્ષ કૂળનું, મધ્યમ કદની ઉંચાઈ ધરાવતું, મધ્ય અમેરિકાનું વતની છે. આ વૃક્ષ ઝડપથી અને નબળી જમીનમાં પણ આસાનીથી ઊગી શકે છે અને બે વર્ષના ટૂંકા ગાળામાં ૪-૬ મીટર જેટલું ઊંચું થઈ જાય છે. સદાહરિત રહેતા આ વૃક્ષને ઘર‌આંગણે, બાગ-બગીચામાં કે રસ્તાકિનારે વાવી શકાય છે. આ વૃક્ષને મરાઠી ભાષમાં પાંચારા (पांचारा), તમિલ ભાષામાં તેન્‌ પળ્‌મ (தேன் பழம்) તરીકે અને લેટીન ભાષામાં મન્ટીંજ્યા કેલબરા (Muntingia calabura) તરીકે ઓળખવામાં આવે છે.

ચણીબોર કરતાં સહેજ મોટાં તેનાં ફળ એક-દોઢ સેમી વ્યાસ ધરાવતાં હોય છે, જે અંજીરની માફક અનેક બીજથી ભરપૂર હોય છે. અને આ ફળો બારે માસ આવતાં હોય છે. આ ફળ અપરિપકવ અવસ્થામાં લીલા રંગના અને પરિપકવ અવસ્થામાં લાલ રંગનાં હોય છે. પાકાં ફળ અત્યંત મીઠાં, બુદ્ધિના બાલ (કોટન કેન્ડી) જેવા સ્વાદવાળાં લાગે છે. આ ફળો પક્ષીઓને ભાવતો આહાર હોઈ આ વૃક્ષ પર પક્ષીઓની અવરજવર વધુ રહે છે. પતંગિયાની ઘણી પ્રજાતિઓ આ ઝાડના પાન પર ઈંડા મૂકે છે.

સિંગાપુરી ચેરીનાં પર્ણો સામસામે વારાફરતી લાગેલાં લંબગોળાકાર, ટોચના છેડા પર અણીવાળાં હોય છે. તેનાં ફૂલ સફેદ રંગનાં હોય છે.

બાહ્ય કડીઓ

• જર્મપ્લાઝ્મ રિસોર્સ ઇમ્ફોર્મેશન નેટવર્ક : Muntingia calabura
• USDA Plants Profile: Muntingia calabura
• Aratiles
• જમૈકન ચેરી વૃક્ષ સંગ્રહિત ૨૦૧૩-૦૫-૦૬ ના રોજ વેબેક મશિન
• Pacific Island Ecosystems: Muntingia calabura સંગ્રહિત ૨૦૧૪-૧૨-૨૭ ના રોજ વેબેક મશિન
• Claude Lévi-Strauss: The use of wild plants in tropical South America