હેરિસન ફોર્ડ

વિકિપીડિયામાંથી
દિશાશોધન પર જાઓ શોધ પર જાઓ
હેરિસન ફોર્ડ
Harrison Ford by Gage Skidmore.jpg
જન્મ૧૩ જુલાઇ ૧૯૪૨ Edit this on Wikidata
અભ્યાસ સંસ્થા
  • Ripon College
  • Maine East High School Edit this on Wikidata
માતા-પિતા
  • Chris Ford Edit this on Wikidata
  • Dorothy Ford Edit this on Wikidata
કુટુંબTerence Ford Edit this on Wikidata
પુરસ્કારો
  • star on Hollywood Walk of Fame Edit this on Wikidata

હેરિસન ફોર્ડ (જન્મ 13 જુલાઈ, 1942) અમેરિકન ફિલ્મ અભિનેતા અને નિર્માતા છે. ફોર્ડ મૂળ સ્ટાર વોર્સ ના ત્રણ ભાગમાં હાન સોલો અને ઇન્ડિયાના જોન્સ ફિલ્મ સીરિઝના શીર્ષક પાત્રમાં અવિસ્મરણીય ભૂમિકા ભજવવા બદલ જાણીતો છે. તે બ્લેડ રનર માં રિક ડેકાર્ડની ભૂમિકામાં, વિટનેસ માં જોહન બુક અને પેટ્રિઓટ ગેમ્સ અને ક્લીઅર એન્ડ પ્રેઝન્ટ ડેન્જર માં જેક રયાનની યાદગાર ભૂમિકા ભજવવા બદલ પણ પ્રસિદ્ધ છે. તેની ચાર દાયકાની કારકિર્દીમાં પ્રીસ્યુમ્ડ ઇનોસન્ટ , ધ ફ્યુજીટિવ , એર ફોર્સ વન અને વ્હોટ લાઇસ બેનેથ સહિત હોલીવૂડની અન્ય કેટલીક બ્લોકબ્લસ્ટર ફિલ્મો સામેલ છે, જેમાં તેણે અભિનયના ઓજાસ પાથર્યા છે. એક સમયે બોક્સ-ઓફિસ પર પાંચ સર્વકાલિન હિટ ફિલ્મોમાંથી ચાર ફિલ્મો તેની હતી હતી.[૧] તેની પાંચ ફિલ્મને નેશનલ ફિલ્મ રજિસ્ટ્રીમાં સામેલ કરવામાં આવી છે.

વર્ષ 1997માં ફોર્ડને એમ્પાયરના "ધ ટોપ 100 મૂવી સ્ટાર્સ ઓફ ઓલ ટાઇમ"ની યાદીમાં પહેલું સ્થાન મળ્યું હતું. જુલાઈ, 2008 સુધીમાં અમેરિકાની સ્થાનિક બોક્સ ઓફિસે ફોર્ડની ફિલ્મોમાંથી લગભગ 3.4 અબજ $ની કમાણી કરી હતી,[૨] જ્યારે સમગ્ર વિશ્વમાં તેની ફિલ્મોની આવક છ અબજ ડોલરને આંબી ગઈ હતી, જેના પગલે ફોર્ડ અમેરિકાના સ્થાનિક બોક્સ-ઓફિસ પર ત્રીજો[૩] સૌથી વધુ કમાણી કરનાર સ્ટાર બની ગયો છે.

પ્રારંભિક જીવન[ફેરફાર કરો]

ફોર્ડનો જન્મ 13 જુલાઈ, 1942ના રોજ શિકાગોની સ્વીડિશ કોન્વેન્ટ હોસ્પિટલ[૪]માં થયો હતો. તેના માતા ડોરોથી (ઉર્ફે ડોરા નિડેલમેન) ગૃહિણી અને અગાઉ રેડિયો અભિનેત્રી હતી. પિતા ક્રિસ્ટોફર ફોર્ડ (જન્મ જોહન વિલિયમ ફોર્ડ તરીકે) એડવર્ટાઇઝિંગ એક્ઝિક્યુટિવ અને ભૂતપૂર્વ અભિનેતા હતા.[૫][૬] તેના નાના ભાઈ ટેરેન્સનો જન્મ 1945માં થયો હતો. હેરિસન ફોર્ડના પૈતૃક દાદા-દાદી ફ્લોરેન્સ વેરોનિકા નિહાઉસ અને જોહન ફિત્ઝજેરાલ્ડ ફોર્ડ હતા. તેઓ અનુક્રમે જર્મન અને આઇરિશ કેથોલિક વંશના હતા.[૫] તેના નાના-નાની અન્ના લિફશુત્ઝ અને હેરી નિડેલમેન હતા, જેઓ અનુક્રમે યહુદી આપ્રવાસીઓ હતા અને તેમણે બેલારુસના મિન્સ્કમાંથી અમેરિકા સ્થળાંતર કર્યું હતું. (બેલારુસ તે સમયે રશિયન સામ્રાજ્યનો ભાગ હતું.)[૫] એક વખત તેનો ઉછેર કયા ધર્મમાં થયો છે તેવું પૂછવામાં આવતાં ફોર્ડે હસતાં-હસતાં જવાબ આપ્યો હતો કે, "ડેમોક્રેટ".[૭] તેણે એવું પણ કહ્યું છે કે તે વ્યક્તિ તરીક આઇરિશ હોવાનું, પણ અભિનેતા તરીકે યહુદી હોવાનું અનુભવે છે.[૮]

ફોર્ડ બોય સ્કાઉટ્સ ઓફ અમેરિકામાં સક્રિય હતો અને બીજો સૌથી મોટો રેન્ક લાઇફ સ્કાઉટ મેળવ્યો હતો. તે સ્કાઉટ કેમ્પમાં રેપ્ટાઇલ સ્ટડી મેરિટ પદક માટે કાઉન્સેલર તરીકે કામ કરતો હતો. તેના પગલે તેણે અને ઇગલ સ્કાઉટના ડિરેક્ટર સ્ટીવન સ્પિલબર્ગએ પાછળથી નક્કી કર્યું હતું કે ફિલ્મ ઇન્ડિયાના જોન્સ એન્ડ લાસ્ટ ક્રૂસેડ માં યુવા ઇન્ડિયાના જોન્સનું પાત્ર લાઇફ સ્કાઉટ તરીકે રજૂ કરવું. ફોર્ડ સર્પ વિશે સારી જાણકારી ધરાવતો હતો, પણ જોન્સના સર્પ વિશેના ડરને લઈને તેઓ હસતાં હતાં.

1960માં ઇલિનોઇસના પાર્ક રિજમાં સ્થિત ફોર્ડ મેઇન ઇસ્ટ હાઈ સ્કૂલમાંથી ગ્રેજ્યુએટ થયો હતો. તેની હાઈ સ્કૂલના નવા રેડિયો સ્ટેશન ડબલ્યુએમટીએચ પર સૌપ્રથમ તેના અવાજનું પ્રસારણ થયું હતું અને 1959-60માં તેના સીનિયર વર્ષ દરમિયાન તેનો પહેલો સ્પોર્ટસકાસ્ટર હતો. તેણે વિસ્કોન્સિનમાં રિપન કોલેજમાં પ્રવેશ મેળવ્યો હતો, જ્યાં તે સિગ્મા નુ મંડળીનો સભ્ય હતો. તે તેના જુનિયર વર્ષ દરમિયાન નાટકના વર્ગ લેતો હતો અને તેનો મુખ્ય આશય મહિલાઓને મળવાનો અને તેમની સાથે મૈત્રી કેળવવાનો હતો. ફોર્ડને અભિનયનો ગાંડો શોખ ધરાવતો હતો. તેને ફિલ્મ ક્ષેત્રે કારકિર્દી બનાવવાનું ઘેલું લાગ્યું હતું.

પ્રારંભિક કારકિર્દી[ફેરફાર કરો]

1964માં રેડિયો વોઇસ-ઓવર્સની નોકરી માટે અરજી કરવા ફોર્ડે કેલિફોર્નિયાના લોસ એન્જીલસ ગયો. તેને નોકરી ન મળી, પણ તે કેલિફોર્નિયા રોકાઈ ગયો અને કોલંબિયા પીક્ચર્સના ન્યૂ ટેલેન્ટ કાર્યક્રમ સાથે એક અઠવાડિયા માટે 150 ડોલરનો કરાર કર્યો. અહીં તે ફિલ્મોમાં નાની નાની ભૂમિકા ભજવવા લાગ્યો. તેણે 1966માં ડેડ હીટ ઓન એ મેરી-ગો-રાઉન્ડ માં બેલ્લહોપની ભૂમિકા ભજવી હતી, પણ તેમાં તેને ક્રેડિટ મળી નહોતી. શરૂઆતના તબક્કામાં તેણે એકસ્ટ્રા કલાકાર તરીકે ભજવેલી મૂંગી ભમિકાઓનો આ નાનો રેકર્ડ છે.

તેણે 1967માં લવ સુધી બોલતી ભૂમિકા ભજવી હતી, છતાં હજુ તેને તેનો શ્રેય મળતો નહોતો. છેવટે તેને 1967માં જ વેસ્ટર્ન ફિલ્મ એ ટાઇમ ફોર કિલિંગ માં હેરિસન જે ફોર્ડ તરીકે ક્રેડિટ મળી હતી, પણ તેના વચ્ચેના નામમાં "જે"નો કોઈ અર્થ નહોતો, કારણ કે તેનું વચલું નામ હતું જ નહીં. હકીકતમાં તેમાં એક મૂક અભિનેતા હેરિસન ફોર્ડ સાથે ગૂંચવાડો ટાળવા જે ઉમેરવામાં આવ્યો હતો. હેરિસન ફોર્ડે 1915થી 1932 વચ્ચે 80 કરતાં વધારે ફિલ્મમાં અભિનય કર્યો હતો અને 1957માં તેનું મૃત્યુ થયું હતું. પાછળથી ફોર્ડે કહ્યું હતું કે તે હોલીવૂડ વોક ઓફ ફેમ પર તેના પોતાના નામ ધરાવતા એક સ્ટારનો ઉલ્લેખ ન થયો ત્યાં સુધી અગાઉના હેરિસન ફોર્ડના અસ્તિત્વ વિશે અજાણ હતો

તે પછી તરત જ ફોર્ડે "જે" શબ્દ પડતો મૂક્યો અને યુનિવર્સલ સ્ટુડિયોઝ માટે કામ શરૂ કર્યું અને 1960ના દાયકાના અંતે અને 1970ના દાયકની શરૂઆતમાં અનેક ટેલીવિઝન ધારાવાહિકોમાં નાની નાની ભૂમિકા ભજવવાનું શરૂ કર્યું, જેમાં ગનસ્મોક , આઇરનસાઇડ , ધ વિર્જિનિયન , ધ એફબીઆઈ , લવ, અમેરિકન સ્ટાઇલ અને કુંગ ફુ સામેલ છે. તે વેસ્ટર્ન જર્ની ટૂ શિલોહ (૧૯૬૮)માં દેખાયો હતો અને તેણે માઇકલએન્જલો એન્ટોનિઓનીની 1970માં રજૂ થયેલી ફિલ્મ ઝેબ્રિસ્કી પોઇન્ટ માં બાનમાં લીધેલા અને વિરોધ પ્રદર્શિત કરનાર વિદ્યાર્થીની મૂક ભૂમિકા ભજવી હતી. પોતાને મળતી ભૂમિકાથી અસંતુષ્ટ ફોર્ડે તેની પત્ની અને બે નાના પુત્રોનો નિર્વાહ કરવા સુથારનું કામ શરૂ કર્યું. દરમિયાન તે લોકપ્રિય રોક બેન્ડ ધ ડોર્સ માટે કામ કરવા લાગ્યો. તેણે સેલી કેલરમેન માટે સન ડેક અને સર્ગીઓ મેન્ડીસ માટે એક રેકોર્ડિંગ સ્ટુડિયો બાંધી આપ્યો.

જ્યોર્જ લુકાસએ તેના ઘરમાં કેબિનેટ્સ બનાવવા તેને રોક્યો પછી અભિનેયક્ષેત્રે તેનું પુનરાગમન થયું. લુકાસે તેની ફિલ્મ અમેરિકન ગ્રેફિટી (1973)માં મુખ્ય સહાયક અભિનેતાની ભૂમિકા આપી. લુકાસ સાથેના સંબંધની ફોર્ડની કારકિર્દી પર લાગણીસભ અસર રહી. ડિરેક્ટર ફ્રાન્સિસ ફોર્ડ કોપોલાની ફિલ્મ ધ ગોડફાધર ને સફળતા મળ્યાં પછી તેમણે ફોર્ડને તેમની ઓફિસે બોલાવ્યો અને આગામી બે ફિલ્મ ધ કન્વર્ઝન (1974) અને એપોકેલીપ્સ નાવ (1979)માં નાની નાની ભૂમિકા આપી.

પથપ્રદર્શક કામગીરી[ફેરફાર કરો]

ઉપગ્રહ યુદ્ધ[ફેરફાર કરો]

ફોર્ડની સુથાર તરીકેની કામગીરીએ અત્યાર સુધીની સૌથી મોટી ભૂમિકા આપવી છે. 1975માં જ્યોર્જ લુકાસે તેની આગામી સ્પેસ ઓપેરા, સ્ટાર વોર્સ (1977)માં અભિનેતાઓની લાઇન વાંચવા માટે તેને રાખ્યો હતો. જોકે ફોર્ડના વર્ણને લુકાસનું દિલ જીતી લીધું અને તેને હાન સોલોની ભૂમિકા આપવાનો નિર્ણય લીધો હતો. હોલીવૂડના ઇતિહાસમાં સ્ટાર વોર્સ સૌથી વધુ કમાણી કરનાર ફિલ્મ સાબિત થઈ અને તેના પગલે હેરિસન ફોર્ડ સુપરસ્ટાર બની ગયો. ત્યારબાદ તે સ્ટાર વોર્સ ની સીરિઝ ફિલ્મો ધ એમ્પાયર સ્ટ્રાઇક્સ બેક (1980) અને રીટર્ન ઓફ ધ જેદી (1983)માં તેમજ ધ સ્ટાર વોર્સ હોલિડે સ્પેશ્યલ (1978)માં સફળતાપૂર્વક કમ કર્યું. ફોર્ડ ઇચ્છતા હતો કે લુકાસ કોઈ પણ સીક્વલના અંતે આઇકોનિક પાત્ર હાન સોલોનું મૃત્યુ લખે. તેમનું કહેવું છે કે "તેનાથી આખી ફિલ્મને ઊંડાણ મળશે", પણ લુકાસે તેનો ઇનકાર કરી દીધો હતો.[૯]

ઇન્ડિયાના જોન્સ[ફેરફાર કરો]

ઇન્ડિયાના જોન્સ ફિલ્મોમાં ફોર્ડે બનાતની સુવાંળી ટોપી પહેરી હતી.

લુકાસ અને સ્પિલબર્ગની ભાગીદારીમાં બનેલી ફિલ્મ રાઇડર્સ ઓફ ધ લોસ્ટ આર્ક (1981)માં ફોર્ડે ઇન્ડિયાના જોન્સની ભૂમિકા ભજવ્યા પછી તેને સ્ટારડમ મળ્યું અને લોકપ્રિયતા હાંસલ થઈ. તેણે ઇન્ડિયાના જોન્સ એન્ડ ધ ટેમ્પલ ઓફ ડૂમ (1984)ની પ્રીક્વલ અને ઇન્ડિયાના જોન્સ એન્ડ ધ લાસ્ટ ક્રૂસેડ (1989) માટે ભૂમિકા ફરી ભજવી, જે પછી ફોર્ડ બ્લોકબ્લસ્ટર અભિનેતા તરીકે સ્થાપિત થઈ ગયો. તેણે 1993માં ટેલીવિઝન સીરિઝ ધ યંગ ઇન્ડિયાના જોન્સ ક્રોનિકલ્સ ના એપિસોડ અને ચોથી ફિલ્મ ઇન્ડિયાના જોન્સ એન્ડ ધ કિંગડમ ઓફ ધ ક્રિસ્ટલ સ્કુલ (2008) માટે આ ભૂમિકા ફરી ભજવી હતી.

અન્ય ફિલ્મ[ફેરફાર કરો]

ફોર્ડે અન્ય અનેક ફિલ્મોમાં કામ કર્યું છે, જેમાં હીરોઝ (1977), ફોર્સ 10 ફ્રોસ નેવેરોન (1978) અને હેનોવર સ્ટ્રીટ (1979) જેવી ફિલ્મો સામેલ છે. ફોર્ડ વેસ્ટર્ન, ધ ફ્રિસ્કો કિડ (1979)માં જીન વાઇલ્ડર સાથે સહઅભિનેતા પણ હતો અને તેમાં તેણે ખુલ્લા દિલના એક બેન્ક લૂંટારાની ભૂમિકા ભજવી છે. તે પછી તેણે રિડલી સ્કોટ્ટની કલ્ટસાયન્ટિફિક ફિક્શન ક્લાસિક બ્લેડ રનર (1982)માં રિક ડેકાર્ડની ભૂમિકા ભજવી છે. આ ઉપરાંત અનેક ડ્રામેટિક-એક્શન ફિલ્મોમાં કામ કર્યું, જેમ કે પીટર વેઇરની વિટનેસ (1985) અને ધ મોસ્કિટો કોસ્ટ (1986) અને રોમન પોલાન્સકીની ફ્રેન્ટિક (1988).

1990ના દાયકામાં ફોર્ડે ટોમ ક્લેન્સીની પેટ્રોઓટ ગેમ્સ (1992) અને ક્લીઅર એન્ડ પ્રેઝન્ડ ડેન્જર (1994)માં જેક રયાનની ભૂમિકા ભજવી. ઉપરાંત એલન પકુલાની પ્રીસ્યુમ્ડ ઇન્નોસેન્ટ (1990) અને ધ ડેવિલ્સ ઓન (1997), એન્ડ્રુ ડેવિસની ધ ફ્યુજિટિવ (1993), સીડની પોલકની સેબ્રિના ની રીમેક (1995) અને વોલ્ફગેંગ પીટર્સનની એર ફોર્સ વન (1997)માં મુખ્ય ભૂમિકા ભજવી છે. ફોર્ડે નાટ્યાત્મક ભૂમિકા પણ ભજવી છે, જેમાં પ્રીસ્યુમ્ડ ઇન્નોસન્ટ (1990) અને વ્હોટ લાઇસ બેનેથ (2000) એમ બંને ફિલ્મમાં ભયાનક રહસ્ય જીવતાં વ્યભિચારી પતિની ભૂમિકા સામેલ છે અને માઇક નિકોલસની ફિલ્મ રીગાર્ડિંગ હેન્રી (1991)માં સ્મૃતિભંશ થયેલી વ્યક્તિની ભૂમિકા ભજવી છે.

ફોર્ડને ફિલ્મમાં મોટા ભાગની મુખ્ય ભૂમિકા અસામાન્ય સંજોગોમાં મળી છેઃ અન્ય અભિનેતાઓની લાઇન બોલતી વખતે તેને હાન સોલોની ભૂમિકા મળી, ટોમ સેલેક ઉપલબ્ધ ન હોવાના કારણે તેને ઇન્ડિયાના જોન્સની ભૂમિકા મળી અને એલેક બોલ્ડવિનની ફી ઊંચી હોવાના કારણે જેક રેયાનની ભૂમિકા તેને મળ્યો હતો. (બોલ્ડવિને અગાઉ ધ હન્ટ ફોર રેડ ઓક્ટોબર માં ભૂમિકા ભજવી હતી)

તાજેતરમાં કાર્ય[ફેરફાર કરો]

2007માં ફોર્ડ

છેલ્લાં થોડા વર્ષોમાં ફોર્ડનો સ્ટાર પાવર અને લોકપ્રિયતામાં ઘટાડો થયો છે, તેના પગલે અનેક વખત ઉપહાસનો ભોગ બન્યો છે અને તેની ફિલ્મો વ્યાવસાયિક રીતે નિષ્ફળ પુરવાર થઈ છે, જેમાં સિક્સ ડેઝ સેવન નાઇટ્સ (1998), રેન્ડમ હર્ટ્સ (1999), K-19: The Widowmaker (2002), હોલીવૂડ હોમિસાઇડ (2003) અને ફાયરવોલ (2006) સામેલ છે. અપવાદરૂપે 2000માં એક ફિલ્મ વ્હોટ લાઇસ બેનેથ સફળ પુરવાર થઈ હતી અને અમેરિકામાં આ ફિલ્મે 15.5 કરોડ ડોલર અને આંતરરાષ્ટ્રીય સ્તરે 30 કરોડ ડોલરની કમાણી કરી હતી.

2004માં ફોર્ડે થ્રીલર ફિલ્મ સીરિઆના માં અભિનય કરવાનો ઇનકાર કર્યો હતો. પાછળથી તેણે આ વિશે ખુલાસો કર્યો હતો કે મને એમ હતું કે "હું ભૂલ કરતો હતો."[૧૦] આ ભૂમિકા જ્યોર્જ ક્લૂનીને મળી હતી, જેણે ઓસ્કાર અને ગોલ્ડન ગ્લોબ એવોર્ડ મળ્યો હતો.

2008માં ફોર્ડે ઇન્ડિયાના જોન્સ એન્ડ ધ કિંગડમ ઓફ ક્રિસ્ટલ સ્કુલ ની સફળતાનો સ્વાદ ચાખ્યો હતો. આ ફિલ્મ જ્યોર્જ લુકાસ અને સ્ટીવન સ્પિલબર્ગનું અન્ય સયુંક્ત સાહસ હતું. આ ફિલ્મને મિશ્ર પ્રતિસાદ મળ્યો હતો, પણ 2008માં આંતરરાષ્ટ્રીય સ્તરે સૌથી વધુ કમાણી કરનારી ફિલ્મ સાબિત થઈ હતી.[૧૧] પાછળથી તેણે કહ્યું હતું કે "આ ફિલ્મને સમજતા અન્ય 20 વર્ષ ન લાગે તો તે તેની સીક્વલમાં કામ કરશે."[૧૨]

2008ના અન્ય કર્યમાં ક્રોસિંગ ઓવર સામેલ છે, જેનું નિર્દેશન વાયને ક્રેમરે કર્યું હતું. આ ફિલ્મમાં તેણે ઇમિગ્રેશન ઓફિસરની ભૂમિકા ભજવી છે, જે એશ્લે જુડ અને રે લિઓટ્ટા સાથે કામ કરે છે.[૧૩][૧૪] તેણે દલાઈ લામા વિશેની એક દસ્તાવેજી ફિલ્મ દલાઈ લામા રેનસાં નું વર્ણન પણ કર્યું હતું.[૧૫]

ફોર્ડે ઓરેગોન, પોર્ટલેન્ડમાં વર્ષ 2009માં મેડિકલ ડ્રામા એક્સ્ટ્રાઓર્ડિનરી મેઝર્સ [૧૬]નું ફિલ્માંકન કર્યું હતું. 22 જાન્યુઆરી, 2010ના રોજ રીલીઝ થયેલા આ ફિલ્મમાં બ્રેન્ડન ફ્રેઝર અને એલન રુકે પણ અભિનય કર્યો હતો. ફોર્ડ મોર્નિંગ ગ્લોરી માં પેટ્રિક વિલ્સન, રશેલ મેકએડમ્સ અને ડિયાન કીટોન સાથે અભિનય કરશે તે નિશ્ચિત છે.[૧૭]

તાજેતરમાં તેણે જેક રેયાન ફ્રેન્ચાઇઝીમાં પાછાં ફરવામાં રસ દાખવ્યો છે.[૧૮]

પુરસ્કારો[ફેરફાર કરો]

ફોર્ડને વિટનેસ માટે શ્રેષ્ઠ અભિનેતા માટે એકેડમી એવોર્ડ માટે નોમિનેશન મળ્યું હતું, જે માટે તેને બાફટાનો શ્રેષ્ઠ અભિનેતાનો એવોર્ડ મળ્યો હતો અને ગોલ્ડન ગ્લોબ નોમિનેશન્સ મળ્યું હતું. તેને 2002માં ગોલ્ડન ગ્લોબ એવોર્ડ્ઝ ખતે સેસિલ બી ડીમિલી એવોર્ડ મળ્યો હતો અને બીજી જૂન, 2003ના રોજ હોલીવૂડ વોક ઓફ ફેમ પર સ્ટાર મળ્યો હતો. તેને ધ મોસ્કિટો કોસ્ટ , ધ ફ્યુજીટિવ અને સેબ્રિના માટે શ્રેષ્ઠ અભિનેતાના ત્રણ વધારે ગોલ્ડન ગ્લોબ નોમિનેશન મળ્યાં હતાં.

2006માં ફોર્ડને તેના કુદરતી અને પર્યાવરણની જાળવણી માટે જુલે વર્ને સ્પિરિટ ઓફ નેચર એવોર્ડ મળ્યો હતો. આ એવોર્ડ સમારંભ કેલિફોર્નિયા, લોસ એન્જીલસમાં સ્થિત ઐતિહાસિક શ્રીન ઓડિટોરિયમમાં યોજાયો હતો.[૧૯]

તેને 2007માં સ્કીમ એવોર્ડ્સ ખાતે તેના અનેક આઇકોનિક રોલ માટે પહેલો હીરો એવોર્ડ મળ્યો હતો, જેમાં હાન સોલો અને ઇન્ડિયાના જોન્સ સામેલ છે અને 2008માં બ્રાસ બોલ્સ માટે સ્પાઇક ટીવીનો ગેસ ચોઇસ એવોર્ડ મળ્યો હતો.[૨૦][૨૧]

હેરિસન ફોર્ડને 2000માં એએફઆઈ લાઇફ એચિવમેન્ટ એવોર્ડ એનાયત થયો હતો.

અંગત જીવન[ફેરફાર કરો]

ફોર્ડ પોતાની અંગત જીંદગી છતી ન કરવી માટે હોલીવૂડનો કુખ્યાત અભિનેતાઓ[સંદર્ભ આપો]માંનો એક છે. તે તેનું અંગત જીવન જાહેર ન થાય તેની અત્યંત કાળજી રાખે છે. તેને પહેલી પત્ની મેરી માર્ક્વાર્ટથી બે પુત્ર (વિલિમય અને વિલાર્ડ ) છે અને બીજી પત્ની મેલિસ્સા મેથિસનથી બે બાળકો (માલ્કમ અને જ્યોર્જિયા) છે. મેલિસા સ્ક્રીનરાઇટર છે. તેને કેલિસ્કા ફ્લોકહાર્ટ,[૨૨] સાથે સંબંધ છે અને કેલિસ્ટાએ દત્તક લીધેલા પુત્ર લિઆમને તેઓ માતાપિતા તરીકે ઉછેરે છે. ફોર્ડનો પહેલા પૌત્ર એલિયલનો જન્મ 1993માં થયો છે જ્યારે પહેલી પૌત્રીનો ગુઇલિઆનાનો જન્મ 1997માં થયો છે. તેના બીજા પૌત્ર એથનનો જન્મ 2000માં થયો છે. એલિયલ એ વિલાર્ડનો પુત્ર છે અને એથન એ બેન્જામિનો દિકરો છે. બેન્જામિન ફોર્ડના ફિલિંગ સ્ટેશનનો માલિક પણ છે. ફિલિંગ સ્ટેશન કેલિફોર્નિયાના કલ્વર સિટીમાં એક ગેસ્ટ્રો પબ છે.

ફોર્ડ ૨૦ વર્ષનો હતો ત્યારે તેની કાર વોલ્વો 544 ઉત્તર કેલિફોર્નિયામાં ટેલીફોનના એક થાંભલા સાથે અથડાઈ ગઈ હતી અને તેની હડપચીમાં ઇજા થઈ હતી. તેની નિશાની તેની ફિલ્મોમાં દેખાય છે. આ વિશેનો ખુલાસો ઇન્ડિયાના જોન્સ એન્ડ લાસ્ટ ક્રૂસેડ માં કરવામાં આવ્યો છે, જ્યારે એક યુવાન ઇન્ડિયાના જોન્સ સિંહને દૂર કરવા ચાબુક મારવા જાય છે ત્યારે તેની હડપચીમાં ઇજા થાય છે. વર્કિંગ ગર્લ માં ફોર્ડનું પાત્ર સમજાવે છે કે કોલેજની એક ગર્લફ્રેન્ડ તેના કાન ખેંચે ત્યારે તેની હડપચીમાં ઇજા થાય છે અને તે બહાર નીકળી જાય છે. જુલાઈ, 1983માં 40 વર્ષની વયે લંડનમાં ઇન્ડિયાના જોન્સ એન્ડ ટેમ્પલ ઓફ ડૂમ ના શૂટિંગ વખતે તેને પીઠમાં ડિસ્ક વાગી હતી અને તેને ઓપરેશન કરવા માટે લોસ એન્જીલસ પાછું ફરવું પડ્યું હતું. છ અઠવાડિયા પછી તે શૂટિંગમાં ફરી જોડાઈ શક્યો હતો.[૨૩]

પર્યાવરણની જાળવણી સંબંધિત કામગીરી[ફેરફાર કરો]

ફોર્ડ કન્ઝર્વેશન ઇન્ટરનેશનલના બોર્ડ ઓફ ડિરેક્ટર્સમાં સ્થાન ધરાવે છે. તેને પૃથ્વીના પર્યાવરણના સંરક્ષણમાં સક્રિય ભૂમિકા ભજવવા બદલ અને વિવિધ ઉપયોગી કામગીરી કરવા બદલ જુલે વર્ને સ્પિરિટ ઓફ નેચર એવોર્ડ એનાયત કરવામાં આવ્યો હતો.[૧૯]

1993માં આર્કનોલોજિસ્ટ નોર્મન પ્લેટનિકે નવી કરોળિયાની નવી જાતિનું નામ કેલ્પોનિયા હેરિસનફોર્ડ રાખ્યું હતું અને 2002માં એન્ટોમોલોજિસ્ટ એડવર્ડ ઓ વિલ્સનએ કિડીની નવી જાતિનું નામ ફેઇડોલર હેરિસન ફોર્ડ રાખ્યું હતું. (આ બહુમાન તેને કન્ઝર્વેશન ઇન્ટરનેશનલના વાઇસ ચેરમેન તરીકેની કામગીરી માટે મળ્યાં હતાં.)[૨૪]

1992થી ફોર્ડ અમેરિકાના પર્યાવરણીય સંરક્ષણ સંસ્થા અર્થશેર માટે પર્યાવરણીય પ્રવૃત્તિને પ્રોત્સાહન આપવા જાહેર સેવા સંદેશની શ્રેણીમાં તેનો અવાજ આપી રહ્યો છે.

રાજકીય વિચારો[ફેરફાર કરો]

તેના પિતાની જેમ ફોડ આજીવન ડેમોક્રેટ,[૨૫] રહ્યો છે અને ભૂતપૂર્વ રાષ્ટ્રપ્રમુખ બિલ ક્લિન્ટનની અત્યંત નજીક છે.[૨૬]

સાત સપ્ટેમ્બર, 1965ના રોજ ફોર્ડે કોંગ્રેસ સમક્ષી દલાઈ લામાનું સમર્થન કર્યું હતું અને સ્વતંત્ર તિબેટની તરફેણ કરી હતી.[૨૭] વર્ષ 2008માં તેણે દસ્તાવેજી ફિલ્મ દલાઈ લામા રેનસાં નું વર્ણન કર્યું હતું.

વર્ષ ૨૦૦૩માં તેણે જાહેરમાં ઇરાક યુદ્ધની ટીકા કરી હતી અને અમેરિકામાં સત્તાપલટો કરવાનું આહવાન કર્યું હતું. તેણે હોલીવૂડની હિંસક ફિલ્મોની પણ ટીકા કરી છે અને અમેરિકામાં બંદૂક પર વધારે નિયંત્રણ મૂકવાની માગણી કરી છે.[૨૮] તેણે કેલિફોર્નિયાના ગર્વનર તરીકે ગ્રે ડેવિસને પાછાં બોલાવવાનો વિરોધ કર્યો હતો અને એક મુલાકાતમાં ડેવિસના સ્થાને આર્નોલ્ડ શ્વારઝેનેગરની નિમણૂંકની ભૂલ ગણાવી હતી.[૨૯]

પુરાતત્વવિદ્યા[ફેરફાર કરો]

પુરાતત્વવિદ્ ઇન્ડિયાના જોન્સની ભૂમિકા સફળતાપૂર્વક ભજવ્યાં પછી ફોર્ડે વ્યાવસાયિક પુરાતત્વવિદોની કામગીરીને સાથસહાકર આપવામાં મહત્વપૂર્ણ પ્રદાન આપ્યું છે. તે ઉત્તર અમેરિકાની સૌથી મોટી અને વૈશ્વિક પુરાતત્વવિદ્યા માટે સમર્પિત સૌથી મોટો સંગઠન આર્કીયોલોજિકલ ઇન્સ્ટિટ્યૂટ ઓફ અમેરિકા (એઆઇએ)ના ગર્વનિંગ બોર્ડ પર જનરલ ટ્રસ્ટી[૩૦] તરીકે કામ કરે છે. તેમને આર્કીઓલોજી વિશે જનજાગૃતિ વધારાના અભિયાનમાં અને પ્રાચીન ચીજવસ્તુઓના ગેરકાયદેસર વેપાર અને તેની લૂંટફાટ અટકાવવામાં તે સહાય કરી રહ્યો છે.

કમ્યુનિટી કામગીરી[ફેરફાર કરો]

ફોર્ડે 2001માં ગ્રાઉન્ડ ઝીરો નજીક ફૂડ સર્વર તરીકે સ્વૈચ્છિક સેવા આપી હતી. 21 નવેમ્બર, 2007ના રોજ ફોર્ડ અને કિર્ક ડગલાસ, નિઆ લોંગ અને કેલિસ્ટા ફ્લોકહાર્ટ જેવી અન્ય સેલિબ્રિટીઓએ લોસ એન્જીલસ મિશન ખાતે વાર્ષિક થેન્ક્સગિવિંગ (પરમેશ્વરનો આભાર માનવાનો ઉત્સવ) ઉજવણીમાં બેઘર લોકોને ગરમ ભોજન પૂરું પાડવામાં મદદ કરી હતી.[૩૧]

ઉડ્ડયન[ફેરફાર કરો]

ફોર્ડ ફિક્સ્ડ-વિંગ એરક્રાફ્ટ અને હેલિકોપ્ટર એમ બંનેનો પ્રાઇવેટ પાઇલોટ છે અને વ્યોમિંગના જેક્સનમાં 800 એકર (3.2 km²)નું ઢોરખાનું ધરાવે છે, જેમાંથી અડધોઅડધ વિસ્તાર તેણે નેચરલ રીઝર્વ તરીકે દાનમાં આપ્યો છે. કેટલાંક પ્રસંગે ફોર્ડે અંગત રીતે સ્થાનિક સત્તામંડળો વતી તાત્કાલિક ધોરણે હેલિકોપ્ટર સેવા પૂરી પાડી છે, એક પ્રસંગે એક હાઇકર (પગપાળા પ્રવાસી)ને ડીહાઇડ્રેશનમાંથી બચાવ્યો હતો.[૩૨]

ફોર્ડે 1960ના દાયકામાં વિસ્કોન્સિન, વાઇલ્ડ રોસમાં વાઇલ્ડ રોસ એરપોર્ટ પર પાઇપર પીએ-22 ટ્રાઇ-પેસરમાં ઉડ્ડયન કરીને ફ્લાઇટ ટ્રેનિંગ લેવાનું શરૂ કર્યું હતું, પણ તેનો ચાર્જ કલાકદીઠ 15 ડોલર હોવાથી તે ટ્રેનિંગ ચાલુ રાખી શક્યો નહોતો. 1990ના દાયકાની મધ્યમાં તેણે વપરાયેલું ગલ્ફસ્ટ્રીમ-ટૂ ખરીદ્યું ત્યારે વિમાન ઉડ્ડયનનો રસ ફરી જાગ્યો અને તેના એક પાઇલોટ ટેરી બેન્ડરને શીખવવાનું કહ્યું. તેમણે વ્યોમિંગ, જેક્સનની બહાર સેસ્ના 182 ઉડાડવાનું શરૂ કર્યું. પાછળથી તે એકલા હાથે સેસ્ના 206નું ઉડ્ડયન કરીને ન્યૂ જર્સી, ટીટરબોરો સુધી જતો હતો.

23 ઓક્ટોબર, 1999ના રોજ હેરિસન ફોર્ડ બેલ 206એલ4 લોંગરેન્જર હેલિકોપ્ટર (એન36આર)ની દુર્ઘટનામાં સંકળાયેલો હતો. એનટીએસબી અકસ્માતનો અહેવાલ જણાવે છે કે ફોર્ડ નિયમિત ફ્લાઇટ ટ્રેનિંગમાં કેલિફોર્નિયાના સેન્ટા ક્લેરિટા નજીક પિરુ સરોવરની ઉપર એરક્રાફ્ટનું ઉડ્ડયન કરતા હતો વીજળીની પુનઃપ્રાપ્તિ સાથે ઓટોરોટેશન પર બીજો પ્રયાસ કરતી વખતે વેગ વધારતા અગાઉ ફોર્ડને એરક્રાફ્ટની ઊંચાઈ 150થી 200 ફૂટ સુધી નીચે લઈ જવાની મંજૂરી આપવામાં આવી. તેના પરિણામે એરક્રાફ્ટ મેદાન પર અથડાતાં અગાઉ તાકાત મેળવવામાં નિષ્ફળ નિવડ્યું હતું. એરક્રાફ્ટ જમીન પર પટકાયું અને રેતાળ જમીન પર ધસાડાયું હતું. હેલિકોપ્ટરને મોટા પાયે નુકસાન થયું હોવા છતાં ફોર્ડ કે ઇન્સ્ટ્રક્ટર પાઇલોટને કોઈ પ્રકારની ઇજા થઈ નહોતી. ટીવી શો ઇન્સાઇડ ધ એક્ટર્સ સ્ટુડિયો પર એક મુલાકાતમાં સાથી પાઇલોટ જેમ્સ લિપ્ટન દ્વારા આ ઘટના વિશે પૂછવામાં આવ્યું ત્યારે ફોર્ડે જવાબ આપ્યો હતો કે મેં તેને તોડી નાંખ્યું હતું.[૩૩]

ફોર્ડ હંમેશા તેના એરક્રાફ્ટ સાન્ટા મોનિકા એરપોર્ટ પર રાખે છે, છતાં બેલ 407 અવારનવાર વ્યોમિંગ, જેક્સનમાં હોય છે તથા આકાશમાં ઉડ્ડયન કરતું જોવા મળે છે. આ એરક્રાફ્ટનો ઉપયોગ અભિનેતાએ ટીટોન કાઉન્ટી સર્ચ અને રેસ્ક્યુમાં મદદ કરતી વખતે ફાળવવામાં આવેલા સમય દરમિયાન પર્વતીય બચાવકાર્યમાં કર્યો છે. જુદાં જુદાં બચાવ કાર્યોમાંથી એક પર ફોર્ડે એક હાઇકરનો જીવ બચાવ્યો હતો, જે મૂંઝાઈ ગયો હતો અને હોંશ ગુમાવી બેઠો હતો. તેનો ફોર્ડના બેલ 407માં બેસાડવામાં આવી અને તે પછી તરત જ તેણે એક બચાવકર્તાની ટોપી પર ઊલટી કરી હતી (તેનું કહેવું છે કે તે ફોર્ડની ટોપી નહોતી). તે જાણતી નહોતી કે પાઇલોટ કોણ છે. ઘણા સમય પછી તેનું કહેવું છે કે "હું હેરિસન ફોર્ડના હેલિકોપ્ટરમાં બેસાડવામાં આવી હતી તે માની જ શકતી નથી."

ફોર્ડે તેના અન્ય કોઈ પણ એરક્રાફ્ટ કરતાં તેના ડી હેવિલ્લાન્ડ કેનેડા ડીએચસી-2બીવર (એન28એસ)નું વધારે ઉડ્ડયન કર્યું છે અને કયું એરક્રાફ્ટ વધારે પસંદ છે તેવું દેખાડવાની તેની ઇચ્છા ન હોવા છતાં અવારનવાર કહ્યું છે કે તેને આ એરક્રાફ્ટ પસંદ છે અને તેનો અવાજ પ્રાટ એન્ડ વ્હીટની આર-985 રેડિયલ એન્જિન જેવો છે. ફોર્ડ સિક્સ ડેઝ સેવન નાઇટ્સ નું શૂટિંગ કરતો હતો ત્યારે પહેલી વખત બીવર જોયું હતું અને તરત જ તેની ખરીદી કરી હતી. વોશિંગ્ટન, કેન્મોરમાં કેન્મોર એરએ ફોર્ડનું પીળું અને લીલું બીવર-અગાઉ અમેરિકાના લશ્કરનું એરક્રાફ્ટ-ફરી કાર્યરત કર્યું છે અને એવિઓનિક્સથી સજ્જ કર્યું છે તથા અત્યાધુનિક એન્જિન સ્થાપિત કર્યું છે. ફોર્ડના જણાવ્યા મુજબ, આ એરક્રાફ્ટ સીઆઇએના એર અમેરિકા ઓપરેશનમાં જોડાયું હતું અને તેના પર ગોળીઓના નિશાન હતા, જેને ગમે તેમ કરીને ઢાંકી દેવાયા હતા.[૩૪] તે અંતરિયાળા એરપોર્ટસ પર પહોંચવા તેમજ બીવર માલિકો અને પાઇલોટ્સને મળવા આ એરક્રાફ્ટનો નિયમિત ઉપયોગ કરે છે

માર્ચ, 2004માં ફોર્ડે અધિકૃત રીતે એક્સપેરિમેન્ટલ એરક્રાફ્ટ એસોસિએસન (ઇએએ)ના કાર્યક્રમ યંગ ઇગલ્સનો ચેરમેન બની ગયો હતો. તે સમયે ઇએએના સીનિયર વાઇસ પ્રેસિડન્ટ ગ્રેગ એન્ડરસન દ્વારા ફોર્ડને આ હોદ્દો ધારણ કરવાનું કહેવાયું હતું અને જનરલ ચાર્લ્સ "ચક" યીગરનું સ્થાન લેવા કહ્યું હતું, જેઓ ઘણા વર્ષથી ચેરમેન હતા અને આ પદ પરથી રાજીનામું આપ્યું હતું. શરૂઆતમાં ફોર્ડ ચેરમેન પદનો સ્વીકાર કરતાં ખચકાટ અનુભવતાં હતા, પણ પાછળથી તેમણે ઓફર સ્વીકારી લીધી અને બે વર્ષ માટે વિસ્કોન્સિન, ઓશ્કોશ ખાતે આયોજિત ઇએએ એરવેન્ચર ઓશ્કોશમાં યંગ ઇગલ્સ સાથે દેખાયા. જુલાઈ, 2005માં ઓશ્કોશમાં આયોજિત સંમેલનમાં ફોર્ડ વધુ બે વર્ષ માટે ચેરમેનની કામગીરી સંભાળવા તૈયાર થયો હતો. ફોર્ડે યંગ ઇગલ્સ પ્રોગ્રામના ભાગરૂપે 280 કરતાં વધારે બાળકો સાથે ઉડ્ડયન કર્યું હતું. સામાન્ય રીતે આ ઉડ્ડયન તેના ડીએચસી-2 બીવર એરક્રાફ્ટમાં થતું હતું, જેમાં અભિનેતા અને પાંચ બાળકો બેસી શકતા હતા. ફોર્ડ આઇડહો, ડ્રિગ્સમાં ઇએએ ચેપ્ટર સાથે સંકળાયેલો છે, જે વ્યોમિંગ, જેક્સનમાંથી પર્વત પર છે.

વર્ષ 2009 સુધી સક્રિય જૂથ એઓપીએ (એરક્રાફ્ટ ઓનર્સ એન્ડ પાઇલોટ્સ એસોસિએશન)ના અભિયાન જનરલ એવિએશન સર્વ્સ અમેરિકા માટે વેબ જાહેરાતોમાં દેખાતો હતો.[૩૫]

ફોર્ડ માનવતાવાદી ઉડ્ડયન સંગઠન વિંગ્સ ઓફ હોપના બોર્ડનો માનદ્ સભ્ય છે.[૩૬]

તેને બ્લુ એન્ગલ્સમાં આમંત્રિત વીઆઇપી તરીકે ઉડ્ડયન કરે છે.

ફિલ્મી સફર[ફેરફાર કરો]

વર્ષ ફિલ્મ ભૂમિકા નોંધ
1966 ડેડ હીટ ઓન એ મેરી-ગો-રાઉન્ડ બેલ્લહોપ ક્રેડિટ ન મળી
1967 લવ હિપ્પી નોંધ ન લેવાઈ
એ ટાઇમ ફોર કિલીંગ લેફ્ટનન્ટ શાફેર
ધ વિર્જિનિયન ક્યુલીન ટિન્ડોલ/ યંગ રાન્ચેર ટીવી ધારાવાહિક
આર્યનસાઇડ ટોમ સ્ટોવ ટીવી ધારાવાહિક
1968 જર્ની ટૂ શિલોહ વિલી બિલ બીર્ડીન
ધ મોડ સ્ક્વેડ બીચ પેટ્રોલ કોપ ટીવી ધારાવાહિક-ક્રેડિટ ન મળી
1969 માય ફ્રેન્ડ ટોની ટીવી ધારાવાહિક
ધ એફબીઆઈ ગ્લેન રીવર્સન/એવરીટ્ટ ગિલેસ ટીવી ધારાવાહિક
લવ, અમેરિકન સ્ટાઇલ રોજર ક્રેન સેગમેન્ટ "લવ એન્ડ ધ ફોર્મર મેરેજ"
1970 ઝેબ્રિસ્કી પોઇન્ટ એરપોર્ટ વર્કર ક્રેડિટ ન મળી
ગેટિંગ સ્ટ્રેઇટ જેક
ધ ઇન્ટ્રુડર્સ કાર્લ ટીવી
1971 ડેન ઓગસ્ટ હેવેટ્ટ ટીવી ધારાવાહિક
1972–1973 ગનસ્મોક પ્રિન્ટ/હોબી ટીવી ધારાવાહિક
1973 અમેરિકન ગ્રેફિટી બોબ ફાલ્ફા
1974 કુંગ ફુ હેરિસન ટીવી ધારાવાહિક
ધ કન્વર્ઝન માર્ટિન સ્ટેટ્ટ
પેટ્રોસેલી ટોમ બ્રેનિગન ટીવી ધારાવાહિક
1975 જજમેન્ટઃ ધ કોર્ટ માર્શલ ઓફ લેફટનન્ટ વિલિમય કેલી ફ્રેન્ક ક્રોડર ટીવી
1976 ડાયનેસ્ટી માર્ક બ્લેકવૂડ ટીવી
1977 ધ પઝેસ્ડ પોલ વિન્જામ ટીવી
Star Wars Episode IV: A New Hope હાન સોલો નોમિનેટેડ-સેટર્ન એવોર્ડ ફોર બેસ્ટ એક્ટર
હીરોઝ કેન બોયડ
1978 ફોર્સ 10 ફ્રોમ મેવેરોન લેફટનન્ટ કર્નલ માઇક બાર્નસ્બી
ધ સ્ટાર વોર્સ હોલિડે સ્પેશ્યલ હાન સોલો ટીવી
1979 એપોકેલીપ્સ નાવ કર્નલ લુકાસ
હેનોવર સ્ટ્રીટ ડેવિડ હેલોરેન
ધ ફ્રિસ્કો કિડ ટોમી લિલાર્ડ
મોર અમેરિકન ગ્રેફિટી બોબ ફાલ્ફા નોંધ ન લેવાઈ
1980 Star Wars Episode V: The Empire Strikes Back હાન સોલો
1981 રાઇડર્સ ઓફ લોસ્ટ આર્ક ઇન્ડિયાના જોન્સ સેટર્ન એવોર્ડ ફોર બેસ્ટ એક્ટર
1982 બ્લેડ રનર રિક ડેકાર્ડ
1983 Star Wars Episode VI: Return of the Jedi હાન સોલો
1984 ઇન્ડિયાના જોન્સ અને ધ ટેમ્પલ ઓફ ડૂમ ઇન્ડિયાના જોન્સ નોમિનેટેડ-સેટર્ન એવોર્ડ ફોર બેસ્ટ એક્ટર
1985 વિટનેસ ડેટ. કેપ્ટન જોહન બુક બેસ્ટ એક્ટરનો કાન્સાસ સિટી ફિલ્મ ક્રિટિક્સ સર્કલ એવોર્ડ
બેસ્ટ એક્ટર માટે એકેડેમી એવોર્ડમાં નોમિનેટેડ
મુખ્ય ભૂમિકામાં બેસ્ટ એક્ટર માટે બાફ્ટા એવોર્ડમાં નોમિનેટેડ
મોશન પીક્ચર ડ્રામા-બેસ્ટ એક્ટર માટે ગોલ્ડન ગ્લોબ એવોર્ડ માટે નોમિનેટેડ
1986 ધ મોસ્કિટો કોસ્ટ એલી ફોક્સ મોશન પીક્ચર ડ્રામા-બેસ્ટ એક્ટર માટે ગોલ્ડન ગ્લોબ એવોર્ડ માટે નોમિનેટેડ
1988 ફ્રેન્ટિક ડૉ. રિચાર્ડ વોકર
વર્કિંગ ગર્લ જેક ટ્રેનર
1989 ઇન્ડિયાના જોન્સ અને ધ લાસ્ટ ક્રૂસેડ ઇન્ડિયાના જોન્સ બેસ્ટ એક્ટર માટે સેટર્ન એવોર્ડમાં નોમિનેટેડ
1990 પ્રીઝયુમ્ડ ઇનોસન્ટ રસ્ટી સેબિચ
1991 રીગાર્ડિંગ હેન્રી હેન્રી ટર્નર
1992 પેટ્રિઓટ ગેમ્સ જેક રયાન
1993 ધ યંગ ઇન્ડિયાના જોન્સ ક્રોનિકલ્સ ઇન્ડિયાના જોન્સ-ઉંમર 50 ટીવી ધારાવાહિક
ધ ફ્યુજિટિવ ડૉ. રિચાર્ડ ડેવિડ કિમ્બ્લે મોશન પીક્ચર ડ્રામા-બેસ્ટ એક્ટર માટે ગોલ્ડન ગ્લોબ એવોર્ડ માટે નોમિનેટેડ
બેસ્ટ પર્ફોર્મન્સ-મેલ માટે એમટીવી મૂવી એવોર્ડ માટે નોમિનેટેડ
1994 ક્લીઅર એન્ડ પ્રેઝન્ટ ડેન્જર જેક રેયાન
1995 સેબ્રિના લિનસ લારાબી નોમિનેટેડ — શ્રેષ્ઠ અભિનેતા માટે ગોલ્ડન ગ્લોબ એવોર્ડ - મોશન પિક્ચર મ્યુઝિકલ કે કોમેડી
1997 ધ ડેવિલ્સ ઑન ટોમ ઓ મીઆરા
[[]] એર ફોર્સ વન' પ્રેસિડન્ટ જેમ્સ માર્શલ બેસ્ટ ફાઇટ માટે એમટીડી મૂવી એવોર્ડમાં નોમિનેટેડ
1998 સિક્સ ડેઝ સેવન નાઇટ્સ ક્વિન હેરિસ લોકપ્રિય મોશન પીક્ચર એક્ટર માટે પીપલ્સ ચોઇસ એવોર્ડ
1999 રેન્ડમ હર્ટ્સ સર્જીઅન્ટ વિલિયમ 'ડચ' વાન ડેન બ્રોક લોકપ્રિય મૂવી સ્ટાર માટે પીપલ્સ ચોઇસ એવોર્ડ
2000 વ્હોટ લાઇસ બેનેથ ડૉ. નોર્મન સ્પેન્સર લોકપ્રિય મોશન પીક્ચર એક્ટર માટે પીપલ્સ ચોઇસ એવોર્ડ માટે નોમિનેટેડ
2002 K-19: The Widowmaker એલેક્સેઈ વોસ્ટ્રિકોવ ગોલ્ડન ગ્લોબ સેસિલ બી ડીમિલી એવોર્ડ
2003 હોલીવૂડ હોમિસાઇડ સાર્જન્ટ જો ગેવિલન
2004 વોટર ટૂ વાઇન જેથ્રો ધ બસ ડ્રાઇવર
2006 ફાયરવોલ જેક સ્ટેનફિલ્ડ
2008 ઇન્ડિયાના જોન્સ અને ધ કિંગડમ ઓફ ધ ક્રિસ્ટલ સ્કુલ ઇન્ડિયાના જોન્સ બ્રિટનના નેશનલ મૂવી એવોર્ડ્સમાં બેસ્ટ મેલ પર્ફોર્મન્સમાં નોમિનેટેડ
લોકપ્રિય મેલ મૂવી સ્ટાર માટે પીપલ્સ ચોઇસ એવોર્ડમાં નોમિનેટેડ
બેસ્ટ એક્ટર માટે સેટર્ન એવોર્ડ માટે નોમિનેટેડ
દલાઈ લાલા રેનસાં નેરેટર થીયેટ્રિકલ ડોક્યુમેન્ટરી
2009 ક્રોસિંગ ઓવર મેક્સ બ્રોગન
બ્રુનો પોતે ક્રેડિટ લીધા વિના પાત્ર ભજવ્યું
2010 એક્સ્ટ્રાઓર્ડિનરી મેઝર્સ ડૉ. રોબર્ટ સ્ટોનહિલ
મોર્નિંગ ગ્લોરી માઇક પોમેરોય


સંદર્ભો[ફેરફાર કરો]

  1. "(domestic) to 1983". Worldwide Box Office. મેળવેલ 2010-03-07.
  2. "People Index". Box Office Mojo. મેળવેલ 2008-05-23.
  3. "People Index". Box Office Mojo. મેળવેલ 2010-03-07.
  4. Duke, Brad (2004). "1. An Ordiniary Upbringing". Harrison Ford: the films (Englishમાં). McFarland. પાનું 5. ISBN 0786420162, 9780786420162 Check |isbn= value: invalid character (મદદ). મેળવેલ 2010-02-20.CS1 maint: unrecognized language (link)
  5. ૫.૦ ૫.૧ ૫.૨ Jenkins, Gary (1999). Harrison Ford: Imperfect Hero. Kensington Books. પાનાઓ 9–12. ISBN 10080658016X Check |isbn= value: length (મદદ). Unknown parameter |month= ignored (મદદ)
  6. "Harrison Ford Biography (1942-)". Film Reference. મેળવેલ 2008-05-23.
  7. Bloom, Nate (2003-12-12). "Celebrity Jews". Jewish News Weekly. મેળવેલ 2008-05-23.
  8. ઇનસાઇડ ધ એક્ટર્સ સ્ટુડિયો પર જણાવેલ;"Ten American showbiz celebrities of Russian descent". Prauda. 2005-11-18. મેળવેલ 2008-05-23.
  9. "Harrison Ford Wanted Han Solo to Die". Starpulse. 2006-03-02. મેળવેલ 2008-05-23.
  10. "Harrison Ford Regrets Passing on 'Syriana'". Starpulse. 2006-03-03. મેળવેલ 2008-05-23.
  11. "2008 Worldwide Grosses". Rotten Tomatoes. મેળવેલ 2009-08-07.
  12. "Can you dig it? Fourth 'Indy' in '08". The Hollywood Reporter. 2007-01-02. મેળવેલ 2008-05-23.
  13. હેરિસન ફોર્ડ, ઇન્ટરનેટ મૂવી ડેટાબેઝ પર
  14. Crossing Over (2008) IMDb પર
  15. "Dalai Lama Renaissance Documentary Film — Narrated by Harrison Ford — DVD Dali Tibet China". Dalailamafilm.com. 2010-02-12. મેળવેલ 2010-03-07.
  16. "News and Culture: Brenden Fraser's Untitled Crowley Project Now Has (Another) Terrible Title". Willamette Week. September 24, 2009. મેળવેલ 2009-09-29.
  17. Fleming, Michael (2009-06-04). "Keaton, Goldblum join 'Glory'". Variety. મેળવેલ 2009-09-11.
  18. "Ford Talks Jack Ryan's Return". Dark Horizons. 2008-05-29. મૂળ માંથી 2008-05-30 પર સંગ્રહિત. મેળવેલ 2008-05-30.
  19. ૧૯.૦ ૧૯.૧ "Harrison Ford". Jules Verne Festival. મૂળ માંથી 2009-07-15 પર સંગ્રહિત. મેળવેલ 2008-05-23.
  20. "Guys Choice 2008 - Harrison Ford". Spike TV. મેળવેલ 2008-08-31.
  21. "Guys Choice". PR Inside.
  22. "હેરિસન ફોર્ડેની કેલિસ્ટા ફ્લોકહાર્ટની પ્રપોઝ" યાહુ ન્યૂસ . 5 માર્ચ, 2009
  23. Rinzer, J. W. (2008). The Complete Making of Indiana Jones: The Definitive Story Behind All Four Films. New York: Del Rey, imprint of Random House, Inc. પાનું 153. ISBN 978-0-345-50129-5. Lucas arrived on June 20 [1983]. 'Harrison was in really terrible pain,' he says. 'He was on the set lying on a gurney. They would lift him up and he'd walk through his scenes, and they'd get him back on the bed.' That same day Ford was filming his fight with the Thuggee assassin in Indy's suite on Stage 3. 'Harrison had to roll backward on top of the guy,' Spielberg says. 'At that moment his back herniated and Harrison let out a call for help.' Cite has empty unknown parameter: |coauthors= (મદદ)
  24. "Harrison Ford". Our Planet. મેળવેલ 2008-05-23.
  25. "2008 Presidential Donor Watch". Newsmeat. મૂળ માંથી 2010-02-05 પર સંગ્રહિત. મેળવેલ 2008-05-23.
  26. હેરિસન ફોર્ડ (I)ની જીવનકથા
  27. ""હેરિસન ફોર્ડ એન્ડ તિબેટ"". મૂળ માંથી 2008-10-14 પર સંગ્રહિત. મેળવેલ 2010-06-15.
  28. "Harrison Ford blasts US Iraq policy". The Age. 2003-08-27. મેળવેલ 2008-05- 23. Check date values in: |access-date= (મદદ)
  29. "Should Arnold Schwarzenegger come back?". મેળવેલ 2009-12-28.
  30. "About the AIA". Archaeological Institute of America. મેળવેલ 2008-05-23.
  31. Schou, Solvej (2007-11-21). "Celebs Serve Holiday Meals to Homeless". ABC News. મેળવેલ 2008-05-23.
  32. "Harrison Ford credited with helicopter rescue of sick hiker in Idaho". CNN. 2000-08-07. મેળવેલ 2008-05-23.
  33. "LAX00LA024". National Transportation Safety Board. મેળવેલ 2008-05-23.
  34. લેટ નાઇટ વિથ ડેવિડ લેટરમેન, પર પર ફોર્ડની ટીપ્પણીઓ (9 જુલાઈ, 2008 જોવા મળી હતી)
  35. "GA Serves America".
  36. "The Official Wings Of Hope Homepage". Wings-of-hope.org. મેળવેલ 2010-03-07.

બાહ્ય કડીઓ[ફેરફાર કરો]

મુલાકાતો