રામાનુજાચાર્ય

રામાનુજાચાર્ય
ચિત્ર:Ramanujacharya.jpg શ્રી રામાનુજાચાર્ય
અંગત
જન્મ	લક્ષ્મણ મુનિ ૧૦૧૭ પેરામ્બદુર, ચેન્નાઇ, ભારત
મૃત્યુ	૧૧૩૭ શ્રીરંગ ક્ષેત્ર
ફિલસૂફી	વિશિષ્ટાદ્વૈત દર્શન
કારકિર્દી માહિતી
ગુરુ	શ્રીનાથ મુનિ
સન્માનો	રામાવતાર

રામાનુજાચાર્ય (હિન્દી:रामानुजाचार्य; અંગ્રેજી:Ramanuja) (જન્મ: ૧૦૧૭ - મૃત્યુ: ૧૧૩૭) વિશિષ્ટાદ્વૈત સિદ્ધાંતના પ્રવર્તક અને રામાનુજ સંપ્રદાયના સ્થાપક હતાં. તેમણે વિષ્ણુ ભગવાન ને પોતાનાં આરાઘ્ય દેવ માન્યા હતાં.. તેઓ શ્રીનાથમુનિએ સ્થાપેલા વૈષ્ણવ સંપ્રદાયના સંત હતા, જેમનો ભક્તિ પરંપરા પર ખૂબ જ ઊંડો પ્રભાવ રહ્યો હતો. તેઓ યમુનાચાર્યના દોહિત્ર હતા. એમનો જન્મ દક્ષિણ ભારતના ચેન્નાઈ નજીક આવેલા પેરામ્બદુર ખાતે થયો હતો. તેમના પિતાનું નામ અસૂરી કેશવ સોમયાજી અને માતાનું નામ કાંતિમતી હતું. તેઓ શ્રી રામાનુજ, ઉદ્‌યાવર, એથીરાજર (યાત્રીરાજા), એમ્બરુમન્નાર અને લક્ષ્મણ મુનિ તરીકે પણ ઓળખાતા હતા.

એમણે શ્રી-ભાષ્ય, વેદાંતદ્વીપ, શ્રીરંગગદ્ય વગેરે નવ ગ્રંથોની રચના કરી હતી. રામાનુજ સંપ્રદાયના અનુયાયીઓ તેમને રામનો અવતાર માને છે. જ્યારે સ્વામિનારાયણ સંપ્રદાયના અનુયાયીઓ તેમને શેષનાગ ના અવતાર તથા રામાનંદ સ્વામીના ગુરુ માને છે. તેઓ ૧૨૦ વર્ષનું સુદીર્ઘ આયુષ્ય ભોગવી શ્રીરંગપટ્ટણમ ખાતે અવસાન પામ્યા હતા.