આત્મારામ ગજ્જર

આત્મારામ મંછારામ ગજ્જર
જન્મની વિગત	૧૯૦૧
મૃત્યુ	૧૯૬૧ અમદાવાદ, ગુજરાત, ભારત
રાષ્ટ્રીયતા	ભારતીય
વ્યવસાય	સ્થપતિ

આત્મારામ મંછારામ ગજ્જર (૧૯૦૧―૧૯૬૧) અમદાવાદ, ગુજરાતના ભારતીય સ્થપતિ હતા.

જીવનચરિત્ર

ગજ્જરનો જન્મ ૧૯૦૧માં થયો હતો. તેમણે બોમ્બે (હાલ મુંબઈ)ની સર જેજે સ્કૂલ ઓફ આર્ટમાંથી સ્નાતક પૂર્ણ કર્યું. તેઓ ભારતના સ્થપતિઓની એ પ્રથમ પેઢીમાંના એક હતા જેમણે પશ્ચિમી સ્થાપત્ય શૈલીનો અભ્યાસ કર્યો હતો. તેમણે અમદાવાદમાં કામ શરૂ કર્યું. તેમની ઇમારતો સમકાલીન પશ્ચિમી સ્થાપત્ય તત્વો અને પરંપરાગત ભારતીય સ્થાપત્યના તત્વો જેમ કે પથ્થરની જાળી અને છજાનો ઉપયોગ દર્શાવે છે. તેમની ઇમારતો એડવિન લ્યુટિયન્સ અને વિન્સેન્ટ એશ દ્વારા પ્રભાવિત હતી જ્યારે તેમની પછીની ઇમારતો બૌહૌસનો પ્રભાવ દર્શાવે છે. તેમણે ભારતીય આર્ટ ડેકો શૈલીની ઇમારતો પણ ડિઝાઇન કરી હતી. ૧૯૬૧માં અમદાવાદમાં તેમનું અવસાન થયું. ત્યારબાદ તેમની ઓફિસ હસમુખ પટેલ દ્વારા ચલાવવામાં આવી હતી.

ઇમારતો

અમદાવાદમાં નીચેની ઇમારતોની રચના તેમના દ્વારા કરવામાં આવી હતી:

ગુજરાત યુનિવર્સિટીની મુખ્ય ઇમારત

• એલ. ડી. કોલેજ ઓફ આર્ટસ (૧૯૩૭)
• શોધન હાઉસ (૧૯૩૯, હવે તોડી પાડવામાં આવ્યું છે.)
• એમ. જી. સાયન્સ ઇન્સ્ટિટ્યૂટ બિલ્ડિંગ (૧૯૪૬)
• એલ. ડી. કોલેજ ઓફ ફાર્મસી (૧૯૪૭)
• એલડી કૉલેજ ઑફ એન્જિનિયરિંગ બિલ્ડિંગ્સ (૧૯૪૮)
• ગુજરાત યુનિવર્સિટીની મુખ્ય ઇમારત (૧૯૪૭)
• એ. જી. ટીચર્સ ટ્રેનિંગ કોલેજ (૧૯૫૦ના દાયકાના અંતમાં)
• લો ગાર્ડન પાસે ગજ્જર હોલ
• સેન્ટ ઝેવિયર્સ કોલેજ (૧૯૫૬)