ચંચુ બંબોઈ (સર્પ)

ચંચુ બંબોઈ
પર્યાવરણ સંરક્ષણ સ્થિતિ
ઓછી ચિંતાજનક  (IUCN 3.1)
વૈજ્ઞાનિક વર્ગીકરણ
Kingdom:	પ્રાણી
Phylum:	મેરૂદંડી
Class:	સરિસૃપ
Order:	સ્કુઆમાટા
Family:	ટાઈફ્લોપીડેઈ
Species:	Beaked Blind Snake
દ્વિનામી નામ
Grypotyphlops acutus

ચંચુ બંબોઈ કે ચંચુ આંધળો સર્પ કે ચંચુ અંધ સર્પ કે ચાંચવાળો સાપનો કણો ( અંગ્રેજી: Beaked Blind Snake, કે Beaked Worm Snake; દ્વિપદ-નામ: Grypotyphlops acutus) એ ગુજરાતમાં દેખાતી સર્પોના કુલ બાર(૧૨) કુટુંબોની ત્રેસઠ (૬૩) જાતિઓમાંની એક બિનઝેરી સર્પની જાતી છે.

ઓળખ

ભારત આખામાં જોવા મળતા અંધસર્પોમાં સૌથી મોટો છે. આ સર્પ ગુજરાતનાં સુકા પ્રદેશોમાં જોવા નથી મળતો. આ સર્પની ખાસિયતમાં મોંના આગળના ભાગે જોવા મળતું પક્ષીની ચાંચના આકારનું ભિંગડું છે. જેના પરથી એનું આવું નામકરણ થયું છે. આ સર્પનું શરીર ઉપરના ભાગે ચળકતો બદામી હોય છે અને નિચેના ભાગે આ જ રંગ ખુબ ઝાંખો હોય છે. મોં અને પુછડી પાસે ધોળાશ પડતા રંગનો હોય છે. મોટાબાગે નિશાચર બિનચર્યા ધરાવે છે. આ મહત્તમ લંબાઈ ૬૦ સેન્ટીમીટર જેટલી નોંધાઈ છે. જીવનનો મોટોભાગ જમીનની નિચે પોચી જમીનમાં વિતાવે છે.

આહાર

ઢાંલીયા ન હોય એવા જીવડાં, અળસિયા, ઉધઈ, કીડી-મંકોડા અને એમના ઇંડા - આ બધુ આ સર્પનું મુખ્ય ભોજન છે.

પ્રજનન

પ્રજનન દરમ્યાન બાફેલા ચોખાના દાણાના કદનાં ૬ થી ૧૦ ઇંડા મુકે છે.