જખૌ બંદર

જખૌ બંદર ભારતના ગુજરાત રાજ્યના કચ્છ જિલ્લાના કચ્છના અખાત પર આવેલું મોસમી બંદર છે. જખૌ બંદર ગોદિયા ખાડી પર આવેલું છે અને જખૌ ગામથી ૮ કિમીના અંતરે આવેલું છે. તે સીધા દરિયાઇ મોજાઓથી આંશિક રીતે સુરક્ષિત છે પરંતુ ચોમાસા દરમિયાન બંધ રહે છે. બંદરનું સંચાલન ગુજરાત મેરીટાઇમ બોર્ડ દ્વારા કરવામાં આવે છે અને ૨૦૦૧માં તેનું નવીનીકરણ કરવામાં આવ્યું હતું.

બંદરનું નજીકનું રેલ્વે સ્ટેશન નલિયા, ભુજ અને ગાંધીધામ છે અને નજીકનું હવાઇમથક ભુજ હવાઇમથકમાં છે. આ બંદર સમગ્ર ગુજરાતના માછીમારી સમુદાય દ્વારા વપરાતી લગભગ તમામ પ્રકારની હોડીઓ ધરાવે છે.