બંબોઈ (સર્પ)

બંબોઈ
બંબોઈ
પર્યાવરણ સંરક્ષણ સ્થિતિ
ઓછી ચિંતાજનક  (IUCN 3.1)
વૈજ્ઞાનિક વર્ગીકરણ
Kingdom:	પ્રાણી
Phylum:	મેરૂદંડી
Class:	સરિસૃપ
Order:	સ્કુઆમાટા
Family:	ટાઈફ્લોપીડેઈ
Species:	Bhrahminy Blind Snake
દ્વિનામી નામ
Indotyphlops braminus

બંબોઈ કે આંધળો સર્પ કે અંધ સર્પ કે સાપનો કણો ( અંગ્રેજી: Bhrahminy Blind Snake કે Brahminy Work Snake; દ્વિપદ-નામ: Indotyphlops braminus) એ ગુજરાતમાં દેખાતી સર્પોના કુલ બાર(૧૨) કુટુંબોની ત્રેસઠ (૬૩) જાતિઓમાંની એક બિનઝેરી સર્પની જાતી છે.

ઓળખ

દેખાવમાં અળસીયા જેવો લાગતો આ સર્પ લંબાઈમાં ગુજરાતમાં થતા સર્પોમાં સૌથી નાનો છે. આ સર્પ દુનિયામાં જ્યાં જ્યાં સર્પોનો વસવાટ છે ત્યાં બધે જ જોવા મળે છે. આ સર્પનું શરીર ઉપરના ભાગે કાળાશ પડતું કથ્થાઈ હોય છે અને નિચેના ભાગે આ જ રંગ જરા ઝાંખો હોય છે. મોં અને પુછડી પાસે ધોળાશ પડતા રંગનો હોય છે. મોટાબાગે નિશાચર બિનચર્યા ધરાવે છે. આ સર્પની સરેરાશ લંબાઇ ૧૩ સેન્ટીમીટર જેટલી અને મહત્તમ લંબાઈ ૧૮ સેન્ટીમીટર જેટલી નોંધાઈ છે.

આહાર

ઢાંલીયા ન હોય એવા જીવડાં, અળસિયા, ઉધઈ, કીડી-મંકોડા અને એમના ઇંડા - આ બધુ આ સર્પનું મુખ્ય ભોજન છે.

પ્રજનન

પ્રજનન દરમ્યાન બાફેલા ચોખાના દાણાના કદનાં ૬ થી ૮ ઇંડા મુકે છે. ઈંડામાંથી બહાર નિકળવાના સમયે 3 સેન્ટીમીટર જેટલી હોય છે.