બારી બહાર

બારી બહાર એ ગુજરાતી ભાષાના ગાંધીયુગીન કવિ પ્રહલાદ પારેખનો કાવ્યસંગ્રહ છે જે ૧૯૪૦માં પ્રગટ થયો હતો.

પ્રકાશન

'બારી બહાર'ની પ્રથમ આવૃત્તિ ૧૯૪૦માં ઉમાશંકર જોશીની પ્રસ્તાવના સાથે પ્રગટ થઈ હતી. ૧૯૬૦માં તેની બીજી સંવર્ધિત આવૃત્તિ પ્રગટ થઈ હતી જેમાં કેટલાક કાવ્યો ઉમેરવામાં આવ્યાં હતાં.

આવકાર

કવિ ઉમાશંકર જોશીએ આ સંગ્રહની કવિતાઓને તેની ઇન્દ્રિયસંવેદ્યતાને ધ્યાનમાં રાખીને 'આંખ, કાન અને નાકની કવિતા' કહી છે. ચંદ્રકાન્ત ટોપીવાળાએ આ સંગ્રહની પ્રશંસા કરતા નોંધ્યું છે. "સહજ આંતરપ્રાસ અને વર્ણસગાઈના સંસ્કાર સાથે આ કવિએ પ્રકૃતિની અઢળક સામગ્રીનો વિનિયોગ કરીને ઉત્સુકતા, એકલતા, નિરાશા કે આનંદને અવતરણક્ષમ બનાવ્યાં છે, એટલે કે એવી પંક્તિઓમાં ઢાળ્યાં છે કે તુરત જ સ્મરણમાં રહી જાય".

બાહ્ય કડીઓ

• ગુજરાતી વિશ્વકોશમાં બારી બહાર.
• 'બારી બહાર' એકત્ર ફાઉન્ડેશન પર