રાધિકા મદન

રાધિકા મદન
જન્મ	૧ મે ૧૯૯૫  Pitam Pura
અભ્યાસ સંસ્થા	દિલ્લી વિશ્વવિદ્યાલય Jesus and Mary College

રાધિકા મદન એક ભારતીય બોલીવુડ ચલચિત્ર અભિનેત્રી છે. શરૂઆતમાં, રાધિકા નવી દિલ્હીમાં નૃત્ય પ્રશિક્ષક તરીકે કામ કરતી હતી. ૨૦૧૪માં, તેણે કલર્સ ટીવીની મેરી આશિકી તુમ સે હૈ માં અભિનેતા શક્તિ અરોરાની જોડીદાર તરીકે ટેલિવિઝન અભિનય ક્ષેત્રે પ્રવેશ કર્યો હતો. આ કાર્યક્રમ ૨૦૧૬માં સમાપ્ત થયો હતો. ત્યાર બાદ તેમે વિશાલ ભારદ્વાજના રમૂજી ચલચિત્ર પટાખા (૨૦૧૮) થી બોલિવૂડમાં પ્રવેશ કર્યો હતો, જેના માટે તેણીએ ફિલ્મફેર બેસ્ટ ડેબ્યૂ (સ્ત્રી) અને શ્રેષ્ઠ અભિનેત્રી (વિવેચક) ના નામાંકનો મેળવ્યા હતા.

પ્રારંભિક જીવન અને કારકિર્દી

રાધિકા દિલ્હીની રહેવાસી છે. તેની કારકિર્દીની શરૂઆત દૈનિક ધારાવાહિક મેરી આશિકી તુમ સે હૈ વડે શરૂ થઇ હતી. જે કલર્સ ટીવી ૨.૫ વર્ષ ચાલી હતી. તેણે નૃત્યના જીવંત કાર્યક્રમ ઝલક દિખલા જા (શ્રેણી ૮) માં પણ ભાગ લીધો.

ટેલિવિઝન પરની કારકિર્દી પછી તેણે સન્યા મલ્હોત્રાની સાથે વિશાલ ભારદ્વાજના રમૂજી ચલચિત્ર પટાખાથી ફિલ્મ કારકિર્દીની શરૂઆત કરી હતી. ચરણસિંહ પથિકની ટૂંકી વાર્તા દો બેહેને પર આધારિત, આ વાર્તા રાજસ્થાનની બે બહેનોની આસપાસ કેન્દ્રિત છે, જે હંમેશા એકબીજા સાથે ઝગડો કરતી રહેતી હોય છે. આ વાર્તા પથિકના ભાઈઓની પત્નીઓ પર આધારિત હતી. મદન અને મલ્હોત્રા બંને બોલી અને પાત્રોની વધુ નજીક જવા માટે વાસ્તવિક બહેનોને મળ્યા હતા. બંને જણાં જયપુર નજીકના રોંસી ગામમાં રહ્યા અને રાજસ્થાની બોલી શીખી; ભેંસને દૂધ આપતા, છાણાં લીંપતા તેમજ માથા પર પાણી ભરેલા માટલા લઇને લાંબું અંતર પણ કાપતા હતા. તેમણે ૧૦ કિલો વજન પણ વધારવું પડ્યું હતું. રાજા સેને પોતાની સમીક્ષામાં લખ્યું કે, "રાધિકા મદન આ ભૂમિકામાં બોલી અને નિર્ણયાત્મક અભિનયથી ચમકે છે."

રાધિકાએ ત્યાર પછી વાસન બાલાની મર્દ કો દર્દ નહીં હોતા માં જોવા મળી હતી. આ ચલચિત્ર ૨૦૧૮ ટોરેન્ટો આંતરરાષ્ટ્રીય ફિલ્મ મહોત્સવના મિડનાઇટ મેડનેસ વિભાગમાં રજૂ થયું, જ્યાં તેણે મીડનાઇટ મેડનેસ પીપલ્સ ચોઇસ એવોર્ડ જીત્યો હતો. આ ફિલ્મ ૨૦૧૮ના મામી ફિલ્મ ફેસ્ટિવલમાં પણ રજૂ થઇ હતી જ્યાં તેને લોકોનો સકારાત્મક પ્રતિભાવ મળ્યો હતો.

ટેલિવિઝન

વર્ષ	ધારાવાહિક	ભૂમિકા	ચેનલ	નોંધ
૨૦૧૪–૨૦૧૬	મેરી આશિકી તુમ સે હૈ	ઇશાની વાઘેલા	કલર્સ ટીવી	(મુખ્ય ભૂમિકા)

રિયાલિટી કાર્યક્રમો

વર્ષ	ધારાવાહિક	ભૂમિકા	ચેનલ
૨૦૧૪	ઝલક દિખલા જા ૭	મહેમાન કલાકાર/મેરી આશિકી તુમ સે હૈ માટે	કલર્સ ટીવી
૨૦૧૪-૧૫	બોક્સ ક્રિકેટ લીગ	(સપોર્ટ ટીમ માટે મહેમાન કલાકાર)	સોની ટીવી
૨૦૧૫	ઝલક દિખલા જા ૮	સ્પર્ધક (દૂર કરાયેલ ત્રીજા સ્પર્ધક)	કલર્સ ટીવી
૨૦૧૫	નચ બલિયે ૭	મહેમાન કલાકાર / શક્તિ અરોરાની જોડીદાર	સ્ટાર પ્લસ

ચલચિત્રો

વર્ષ	શીર્ષક	પાત્ર	દિગ્દર્શક	નોંધ
૨૦૧૮	પટાખા	ચંપા કુમારી	વિશાલ ભારદ્વાજ	શ્રેષ્ઠ સ્ત્રી ડેબ્યૂ માટે સ્ક્રીન એવોર્ડ નામાંકિત – શ્રેષ્ઠ મહિલા ડેબ્યૂ માટે ફિલ્મફેર એવોર્ડ નામાંકિત – શ્રેષ્ઠ અભિનેત્રી માટે ફિલ્મફેર વિવેચક એવોર્ડ
૨૦૧૯	મર્દ કો દર્દ નહીં હોતા	સુપ્રી	વાસન બાલા
૨૦૨૦	અંગ્રેજી માધ્યમ	સુચિતા ગોસ્વામી	હોમી અડાજનીયા	નિર્માણ પૂર્ણ
	શિદ્ધત			ફિલ્માંકન

પુરસ્કારો અને નામાંકન

ટેલિવિઝન માટેના પુરસ્કારોની સૂચિ

વર્ષ	પુરસ્કાર	વર્ગ	ધારાવાહિક	પરિણામ
૨૦૧૫	ઝી ગોલ્ડ એવોર્ડ્સ	સર્વશ્રેષ્ઠ અભિનેત્રી પ્રવેશ	મેરી આશિકી તુમ સે હૈ	વિજયી
	ઇન્ડિયન ટેલિવિઝન એકેડમી એવોર્ડ્સ	સર્વશ્રેષ્ઠ તાજો ચહેરો ‍અભિનેત્રી	મેરી આશિકી તુમ સે હૈ	વિજયી
	ટેલિવિઝન સ્ટાયલ એવોર્ડ્સ	સર્વશ્રેષ્ઠ સ્ટાઇલિશ જોડી	મેરી આશિકી તુમ સે હૈ	વિજયી
	ગોલ્ડ એવોર્ડ્સ	સર્વશ્રેષ્ઠ અભિનેત્રી	મેરી આશિકી તુમ સે હૈ	Nominated
	ઇન્ડિયન ટેલી એવોર્ડ્સ	તાજો નવો ચહેરો અભિનેત્રી	મેરી આશિકી તુમ સે હૈ	વિજયી
	કલાકાર એવોર્ડ્સ	શ્રેષ્ઠ અભિનેત્રી	મેરી આશિકી તુમ સે હૈ	વિજયી
	એશિયન વ્યુઅર ટેલિવિઝન એવોર્ડ્સ	વર્ષની શ્રેષ્ઠ અભિનેત્રી	મેરી આશિકી તુમ સે હૈ	Nominated
	ITA	લોકપ્રિય યુવા એવોર્ડ	મેરી આશિકી તુમ સે હૈ	વિજયી
	TIIFA	વર્ષનો સૌથી લોકપ્રિય ચહેરો	મેરી આશિકી તુમ સે હૈ	વિજયી
	ઇન્ડિયન ટેલી એવોર્ડ્સ	ટીવી પર શ્રેષ્ઠ જોડી	મેરી આશિકી તુમ સે હૈ	Nominated
	ટેલિવિઝન સ્ટાઇલ એવોર્ડ્સ	શ્રેષ્ઠ સ્ટાઇલિશ બેટી	મેરી આશિકી તુમ સે હૈ	Nominated

ચલચિત્ર પુરસ્કારોની યાદી

વર્ષ	એવોર્ડ	વર્ગ	ફિલ્મ	પરિણામ
૨૦૧૮	સ્ટાર સ્ક્રીન એવોર્ડ	નવી આશાસ્પદ (સ્ત્રી અભિનેતા)	પટાખા	વિજયી
૨૦૧૯	ઝી સિને એવોર્ડ	સર્વશ્રેષ્ઠ અભિનેત્રી પ્રવેશ	પટાખા	Nominated
૨૦૧૯	બોલીવુડ ફિલ્મ જર્નાલિસ્ટ્સ એવોર્ડ્સ	સર્વશ્રેષ્ઠ અભિનેત્રી પ્રવેશ	પટાખા	વિજયી
૨૦૧૯	૬૪મો ફિલ્મફેર એવોર્ડ	સર્વોત્તમ અભિનેત્રી ‍‍‍‍(વિવેચક)	પટાખા	Nominated
		સર્વશ્રેષ્ઠ અભિનેત્રી પ્રવેશ		Nominated

બાહ્ય કડીઓ

• રાધિકા મદન, ઇન્ટરનેટ મૂવી ડેટાબેઝ પર