લોંગ ટાપુ (આંદામાન અને નિકોબાર ટાપુઓ)

લોંગ ટાપુ

લોંગ ટાપુ લોંગ ટાપુનું સ્થાન
Geography
Location	બંગાળનો અખાત
Coordinates	12.38°N 92.93°E / 12.38; 92.93
Archipelago	આંદામાન ટાપુઓ
Adjacent bodies of water	હિંદ મહાસાગર
Administration
ભારત
Demographics
Population	૧૦૩૨
Additional information
Time zone	IST (UTC+૫:૩૦)
પિનકોડ	744203
ટેલિફોન કોડ	031927
ISO કોડ	IN-AN-00
Official website	www.and.nic.in

લોંગ ટાપુ પર આંદામાન ટાપુઓ પૈકીનો એક ટાપુ છે. લોંગ ટાપુ ભારતીય સંઘ પ્રદેશના આંદામાન અને નિકોબાર ટાપુઓના ઉત્તર અને મધ્ય આંદામાન વહીવટી જિલ્લામાં આવેલ છે. આ ટાપુ પોર્ટ બ્લેર ખાતેથી ૮૦ કિમી (૫૦ માઇલ) જેટલા અંતરે ઉત્તર દિશામાં આવેલો છે.

ભૂગોળ

આ ટાપુ પૂર્વ બરાતાંગ સમૂહમાં છે અને તે પોર્ટલોબ ટાપુની પૂર્વ દિશામાં આવેલ છે.

વહીવટ

રાજકીય દૃષ્ટિએ લોંગ ટાપુ, તેના પડોશી પૂર્વ બરાતાંગ સમૂહ સહિત રંગાત તાલુકાનો ભાગ છે.

વસ્તી-વિષયક માહિતી

આ ટાપુ પર 3 ગામો આવેલ છે: લોંગ ગામ, મીડલ ગામ અને લાલાજી બૅ (કાંઠો) છે. પાર્કિન્સન બિંદુ (ટાપુનો ઉત્તરીય છેડો) ખાતે પણ પહેલાં વસાહત હતી. આ ટાપુ પર તેનું પોતાનું વીજ ઉત્પાદન એકમ (પાવર હાઉસ), હોડી બિલ્ડિંગ યાર્ડ, ઉચ્ચ માધ્યમિક શાળા, બેંક, વાયરલેસ સુવિધાઓ, હોસ્પિટલ, રેન્જ ફોરેસ્ટ ઓફિસ અને પોલીસ ચોકી પણ આવેલ છે.

પરિવહન

આ ટાપુ ખાતે પહોંચવા માટે દર સપ્તાહે ૪ વાર નૌકા સેવા ઉપલબ્ધ છે, જે ફોનિક્સ બે જેટી, પોર્ટ બ્લેર ખાતેથી અથવા યેરાતા જેટી, રંગત ખાતેથી ઉપડે છે.

પ્રવાસન

આ ટાપુ ખાતે માર્ગ તટ અને લાલાજી તટ એ બંને સ્થળો બીચ તરીકે લોકપ્રિય પિકનિક સ્પોટ છે. આ ટાપુ રાત્રીરોકાણ કરવા લાયક એક સારું સ્થાન છે. અહીંની હોટલનું વ્યવસ્થાપન મુખ્યત્વે વન વિભાગ દ્વારા કરવામાં આવે છે. પ્રવાસીઓ નજીક આવેલા લોકપ્રિય ગિટાર ટાપુની મુલાકાત પણ લઈ શકે છે.

બાહ્ય કડીઓ

• જિઓલોજિકલ સર્વે ઓફ ઈન્ડિયા