શ્રીકાંત જિચકર

વિકિપીડિયામાંથી
દિશાશોધન પર જાઓ શોધ પર જાઓ

શ્રીકાંત જિચકર (૧૪ સપ્ટેમ્બર ૧૯૫૪ - ૨ જૂન ૨૦૦૪) એક ભારતીય રાજકારણી હતા, જે ૨૬ વર્ષની ઉંમરે દેશના સૌથી નાની ઉંમરના ધારાસભ્ય તરીકે ઓળખીતા હતા. તેમણે ૪૨ વિશ્વવિદ્યાલયની પરીક્ષાઓ આપ્યા પછી, ૨૦ પદવી મેળવી હતી. ભારતની સૌથી યોગ્ય વ્યક્તિ તરીકે લિમકા બુક ઓફ રેકોર્ડિંગ્સમાં પ્રવેશ મળ્યો હતો.[૧][૨][૩]

Shrikant Jichkar.jpg

પ્રારંભિક જીવન[ફેરફાર કરો]

શ્રીકાંત જિચકરનો જન્મ ૧૯૫૪માં મહારાષ્ટ્રના નાગપુર જિલ્લાના કટોલ ખાતે એક સુખી કિસાન પરિવારમાં થયો હતો. જિચકરે ૧૯ વર્ષની વયે જ તેમની તેજસ્વી શૈક્ષણિક કારકિર્દીનો સૌને પરિચય આપી દીધો હતો. ૧૯૭૩થી ૧૯૯૦ દરમિયાન ૪૨ જેટલી વિશ્વવિદ્યાલયો દ્વારા ૨૨થી વધુ પદવીઓ હાંસલ કરી લીધી હતી. પત્રાચારના માધ્યમથી પણ અભ્યાસ કરીને તેમણે આ બધી પદવીઓ હાંસલ કરી લીધી હતી. તેમણે કેટલાયે સુવર્ણચંદ્રક હાંસલ કર્યા હતા. તેઓ ભારતના સૌથી વધુ ભણેલા-ગણેલા વ્યક્તિ તરીકે અધિકૃત રીતે નામના પામ્યા છે.[૧][૨][૩]


હાંસલ કરેલ પદવીઓ[ફેરફાર કરો]

  • એમ.બી.બી.એસ.
  • એમ.ડી.
  • એલએલ.બી.
  • ઇન્ટરનેશનલ કાનૂનમાં એલ.એલ.એમ
  • એમ.બી.એ
  • બેચલર ઇન જર્નાલિઝમ
  • એમ.એ. (પબ્લિક એડમિનિસ્ટ્રેશન)
  • એમ.એ. (સમાજશાસ્ત્ર)
  • એમ.એ. (અર્થશાસ્ત્ર)
  • એમ.એ. (સંસ્કૃત)
  • એમ.એ. (ઈતિહાસ)
  • એમ.એ. (અંગ્રેજી સાહિત્ય)
  • એમ.એ. (ફિલોસોફી)
  • એમ.એ. (રાજનીતિશાસ્ત્ર)
  • એમ.એ. (ભારતનો પૌરાણિક ઈતિહાસ, કલ્ચર એન્ડ આરકયોલોજી)
  • એમ.એ. (મનોવિજ્ઞાન)
  • ડી.લીટ. (સંસ્કૃત)
  • આઇ.પી.એસ (ઇન્ડિયન પોલીસ સર્વિસ)
  • આઇ.એ.એસ (ઇન્ડિયન એડમિનિસ્ટ્રેટિવ સર્વિસ)[૧][૨][૩]

વ્યવસાય[ફેરફાર કરો]

૧૯૭૮માં જિચકરે ઇન્ડિયન સિવિલ સર્વિસિસની પરીક્ષા આપી હતી. ત્યારબાદ ઇન્ડિયન પોલીસ સર્વિસ માટે પસંદગી પામ્યાં હતાં, પરંતુ તેમાંથી રાજીનામું આપીને તેમણે ઇન્ડિયન એડમિનિસ્ટ્રેટિવ સર્વિસ (આઇ.એ.એસ) ની પરીક્ષા આપી હતી. આઇએએસ તરીકે માત્ર ચાર જ મહિનાની નોકરી કરી તેમણે રાજીનામું આપી દીધું હતું, અને માત્ર ૨૬ વર્ષની વયે રાજનીતિમાં પ્રવેશ્યા હતા. [૧][૨][૩]

રાજકીય જીવન[ફેરફાર કરો]

જિચકર માત્ર ૨૬ વર્ષની વયે મહારાષ્ટ્ર વિધાનસભામાં ધારાસભ્ય તરીકે ચૂંટાયા હતા. મહારાષ્ટ્ર સરકારમાં તેઓ મંત્રી પણ બન્યા, અને ૧૪ જેટલા ખાતા સંભાળ્યા હતા. તેમના સમયગાળા દરમિયાન તેઓ એક પ્રભાવશાળી મંત્રી તરીકે ઉપસી આવ્યા હતા. તેમણે મંત્રીપદે રહીને તેમણે પોલીસ વિભાગમાં મહત્ત્વપૂર્ણ સુધારા પણ કર્યા હતા. તે પછી ૧૯૯૨થી ૧૯૯૮ સુધી તેઓ રાજ્યસભાના સાંસદ પણ રહ્યા અને અનેક સમિતિઓેમાં રહી મહત્ત્વપૂર્ણ કાર્ય પણ કર્યું હતું.[૧][૪][૨] [૩]

મૃત્યુ[ફેરફાર કરો]

તા. ૨જી જૂન ૨૦૦૪ના રોજ નાગપુર પાસે તેમની મોટરકારમાં તેમના ફાર્મથી ઘેર આવી રહ્યા હતા. ત્યારે તેમની કાર, બસ સાથે અથડાતાં એક ભયંકર અકસ્માત નડયો અને માત્ર ૪૯ વર્ષની અલ્પ આયુએ તેઓ મૃત્યુ પામ્યાં હતાં.[૧][૨][૩]


સંદર્ભ[ફેરફાર કરો]

  1. ૧.૦ ૧.૧ ૧.૨ ૧.૩ ૧.૪ ૧.૫ "5 Facts You Should Know About Dr. Shrikant Jichkar, The Most Qualified Man In India". www.thestorypedia.com. Retrieved 2020-08-27. Check date values in: |accessdate= (મદદ)
  2. ૨.૦ ૨.૧ ૨.૨ ૨.૩ ૨.૪ ૨.૫ DelhiFebruary 28, India Today Web Desk New. "This is the most educated person in India with 20 degrees". India Today (અંગ્રેજી માં). Retrieved 2020-08-28. Unknown parameter |last૨= ignored (મદદ); Unknown parameter |first૨= ignored (મદદ); Unknown parameter |first૩= ignored (મદદ); Unknown parameter |last૩= ignored (મદદ); Check date values in: |accessdate= (મદદ)
  3. ૩.૦ ૩.૧ ૩.૨ ૩.૩ ૩.૪ ૩.૫ "This Is The Story Of Shrikant Jichkar, The Man Who Had 20 Degrees From 42 Universities!". IndiaTimes (અંગ્રેજી માં). 2016-10-09. Retrieved 2020-08-28. Check date values in: |accessdate=, |date= (મદદ)
  4. Desk, India TV News (2014-06-01). "At a Glance: Late Dr Shrikant Jichkar, India's one of the most learned politicians". www.indiatvnews.com (અંગ્રેજી માં). Retrieved 2020-08-28. Check date values in: |accessdate=, |date= (મદદ)