સિલ્વેસ્ટર સ્ટેલોન

વિકિપીડિયામાંથી
આના પર જાવ: ભ્રમણ, શોધો
Edit-clear.svg

વિકિપીડિયાના માપદંડ મુજબ ઊચ્ચ કક્ષાનો લેખ બનાવવા માટે આ લેખમાં સુધારો કરવાની જરૂર છે. યોગ્ય સુધારો કરીને આ સંદેશો કાઢી નાંખો. ટાઇપ કરવા અંગે મદદ માટે પાનાંનુ સંપાદન કરવાની રીત તેમજ "કેવી રીતે" શ્રેણીના લેખ જુઓ. (હજુ આ કડી વાળા પાનાંનો ગુજરાતી અનુવાદ બાકી હોવાથી તમે ક્લિક કરશો તો કડી તમને અંગ્રેજી Wikipedia પર લઇ જશે.)

સિલ્વેસ્ટર સ્ટેલોન
Sylvester Stallone 2012.jpg
માતા Jackie Stallone
પિતા Frank Stallone, Sr.
જન્મની વિગત 6 July 1946 Edit this on Wikidata
ન્યૂ યોર્ક સીટી, Hell's Kitchen Edit this on Wikidata
અભ્યાસનું સ્થળ મીઆમી વિશ્વવિદ્યાલય, Charlotte Hall Military Academy Edit this on Wikidata
વ્યવસાય ફિલ્મ અભિનેતા, દિગ્દર્શક, પટકથાલેખક, ચલચિત્ર નિર્માતા, લેખક, ચરિત્ર અભિનેતા, ટેલિવિઝન કલાકાર, ચિત્રકાર, અભિનેતા edit this on wikidata
જીવનસાથી Jennifer Flavin, Brigitte Nielsen, Sasha Czack Edit this on Wikidata
બાળકો Sage Stallone Edit this on Wikidata
કુટુંબ Frank Stallone Edit this on Wikidata
પુરસ્કાર Officier des Arts et des Lettres‎, Golden Globe Award, Saturn Award, César Award Edit this on Wikidata
વેબસાઇટ http://www.sylvesterstallone.com/ Edit this on Wikidata
સહી
SignatureSylvesterStallone-FirmaSly.jpg

સ્લી સ્ટેલોન[૧] નું હુલામણુ નામ ધરાવતા સિલ્વેસ્ટર સ્ટેલોન (pronounced /stəˈloʊn/; (જન્મ જુલાઇ 6, 1946), એક અમેરિકન અભિનેતા, ફિલ્મ નિર્માતા, પટકથા લેખક, ફિલ્મ નિર્દેશક અને પ્રાસંગિક ચિત્રકાર[૨] છે.

વિગત[ફેરફાર કરો]

સ્ટેલોન તેના મર્દાનગીવાળી અને હોલીવૂડની એક્શન ભૂમિકાઓ માટે પ્રખ્યાત છે. તેણે ભજવેલા નોંધપાત્ર પાત્રોમાંના બેમાં મુક્કેબાજ રોકી બલ્બોઆ અને જોહ્ન રેમ્બોનો સમાવેશ થાય છે. અન્ય ઘણી ફિલ્મો સાથે, રોકી અને રેમ્બો શ્રેણીએ, તેની એક અભિનેતા તરીકેની પ્રતિષ્ઠા અને બોક્સ ઓફિસ પર કમાણીમાં વધારો કર્યો.

સ્ટેલોનની ફિલ્મ રોકી ને નેશનલ ફિલ્મ રજિસ્ટ્રીમાં પ્રવેશ મળ્યો અને ફિલ્મમાં વપરાયેલી સામગ્રીઓને સ્મિથસોનિઅન સંગ્રહાલયમાં મૂકવામાં પણ આવી હતી. સ્ટેલોને રોકી શ્રેણીમાં ફિલાડેલ્ફિયા મ્યુઝિયમ ઓફ આર્ટના આગળના પ્રવેશ દ્વારનો ઉપયોગ કર્યો હોવાને લીધે તે વિસ્તારને રોકી સ્ટેપ્સનું હુલામણું નામ અપાયું. ફિલાડેલ્ફિયામાં સંગ્રહાલય પાસે પગથિયાઓની આગળ જમણી બાજુએ રોકી પાત્રનું એક પૂતળું કાયમી ધોરણે મૂકાયેલ છે. ડિસેમ્બર 7, 2010ના દિવસે સ્ટેલોનને બોક્સિંગના હોલ ઓફ ફેઇમમાં સમાવેશ માટે મત અપાયો હોવાનું જાહેર કરાયું.[૩]

Sylvester Stallone - 1977.jpg

પ્રારંભિક જીવન[ફેરફાર કરો]

ન્યૂ યોર્ક શહેરમાં એક વાળંદ, ફ્રેન્ક સ્ટેલોન સિનિયર અને એક જ્યોતિષી, પૂર્વ નૃત્યકાર, અને મહિલા કુસ્તીની પ્રચારક જેકી સ્ટેલોન (જન્મ સમયે નામ જેક્વેલિન લેબોફિશ)ના મોટા પુત્ર, સિલ્વેસ્ટર સ્ટેલોનનું જન્મ સમયે નામ માઈકલ સિલ્વેસ્ટર ગાર્ડેન્ઝિઓ સ્ટેલોન[૪] હતું. તેનો નાનો ભાઈ ફ્રેન્ક સ્ટેલોન અભિનેતા અને સંગીતકાર છે. સ્ટેલોનના પિતાનો જન્મ જોઇઆ ડેલ કોલ, અપુલિયામાં થયો અને તેઓ બાળપણમાં જ સ્વદેશ છોડી યુનાઇટેડ સ્ટેટ્સમાં વસી ગયા;[૫] સ્ટેલોનની માતા અર્ધ રશિયન યહૂદી અને અર્ધ ફ્રેન્ચ મૂળની છે.[૬][૭][૮]

પ્રસૂતિ નિષ્ણાતોને તેની માતાને પ્રસવ દરમ્યાન થયેલી મુશ્કેલીઓને લીધે ચીપિયાઓની બે જોડીઓનો ઉપયોગ કરવો પડ્યો, આ અયોગ્ય ઉપયોગને લીધે સ્ટેલોનના એક જ્ઞાનતંતુને ગંભીર હાનિ થઇ અને તેના ચહેરાના અમુક અંગો પક્ષઘાતનો ભોગ બન્યાં.[૯] પરિણામ સ્વરૂપ, તેના હોઠ, જીભ, અને દાઢીના અંગો સહિત ચહેરાની નીચલી ડાબી બાજુ પક્ષઘાતનો ભોગ બની, આ એક એવો અકસ્માત હતો જેણે સ્ટેલોનને તેની વિશિષ્ટતા સમાન ખતરનાક દેખાવ અને થોડી અસ્પષ્ટ બોલી આપી. સ્ટેલોનને ખ્રિસ્તી ધર્મની દીક્ષા અપાઇ અને તેનો ઉછેર કેથોલિક ઢબે થયો.[૧૦] તેના માતા-પિતાનું લગ્ન જીવન ખૂબ મુશ્કેલીભર્યું પસાર થયું હોવાને લીધે, તેણે તેના પ્રથમ પાંચ વર્ષ હેલ્સ કિચનમાં, ફોસ્ટર્સ હોમમાં રહીને પસાર કર્યાં. અંતે તેમની સાથે ફરી મળી ગયા બાદ, સ્ટેલોનનો વિચિત્ર ચહેરાને લીધે તેને શાળામાં અલગ પાડી દેવાયો, જ્યાં તેને ઘણી વાર લડાઇ, અન્ય વર્તનને લગતી સમસ્યાઓ અને નબળા ગુણોને લીધે બરતરફ કરાયો. તેના પિતા એક બ્યૂ્ટીશીયન (સૌંદર્યવર્ધક) હતા, તેઓ પરિવાર સહિત વોશિંગ્ટન ડીસી ચાલ્યા ગયા, જ્યાં તેમણે એક બ્યૂટી સ્કૂલ ખોલી. 1954માં તેની માતાએ મહિલાઓ માટેની બાર્બેલા'ઝ નામની વ્યાયામ શાળા ખોલી.[૧૧] સ્ટેલોન 11 વર્ષનો હતો ત્યારે તેઓના તલાક થયા.(સંદર્ભ આપો)

કારકિર્દી[ફેરફાર કરો]

ઇટાલિયન સ્ટેલિયન અને સ્કોર[ફેરફાર કરો]

સ્ટેલોનને નાયક તરીકેની પ્રથમ ભૂમિકા સોફ્ટકોર પોર્ન ફિલ્મ ધ પાર્ટી એટ કીટી એન્ડ સ્ટડ્સ (1970)માં મળી. તેને બે દિવસના કામ માટે $200 અપાયા.[૧૨] સ્ટેલોને પછી સમજાવ્યું કે તેના મકાનમાંથી તેને કાઢી મૂકાયા અને ઘણા દિવસ સુધી બેઘર રહેવાના લીધે મરણિયા બનીને તેણે આ ફિલ્મ કરી હતી. તેણે એમ પણ કહ્યું કે આ ફિલ્મ માટે પસંદગીની સૂચના જોયા પહેલા તે ત્રણ અઠવાડિયા સુધી ન્યૂ યોર્ક સિટી પોર્ટ ઓથોરિટી બસ સ્ટેશનમાં સૂતો હતો.[૧૨] અભિનેતાના શબ્દોમાં, "કા તો મારે તે ફિલ્મ કરવી પડે તેમ હતી કા તો કોઇને લૂંટવુ પડે તેમ હતું, કારણકે મારી ધીરજનો -અંત -એટલે કે -સાવ અંત આવી ગયો હતો."[૧૩] સ્ટેલોનની નવી કીર્તિને વટાવવા (નવું શીર્ષક રોકી અને ફિલ્મના એક વાક્યને લીધે સ્ટેલોનના હુલામણા નામ પરથી લેવામાં આવ્યું), આ ફિલ્મ ઘણા વર્ષો પછી ઇટાલિયન સ્ટેલિયન તરીકે રજૂ થઇ.

સ્ટેલોનની મૂળ હાર્ડકોર ફૂટેજ બતાવવાના આશયથી ફિલ્મની એક "કાપકૂપ વગરની" આવૃત્તિ 2007માં રજૂ થઇ, પણ વ્યાપાર સામયિક એવીએન (AVN) મુજબ, દાખલ કરાયેલ હાર્ડકોર દ્રશ્યોમાં આ અભિનેતાનો સમાવેશ થતો નહોતો. તે બીજા અભિનેતા દ્વારા ભજવવામાં આવ્યા હતા કારણકે સ્ટેલોનને લાગ્યું કે તેણે આ હાર્ડકોર દ્રશ્યો કર્યા હોત તો એ તેની કારકિર્દી માટે સારું ન થાત.[૧૪] 2008માં,ધ પાર્ટી એટ કીટી એન્ડ સ્ટડ્સ ના દ્રશ્યો રોજર કોલ્મોન્ટની હાર્ડકોર ફિલ્મ વ્હાઇટ ફાયર (1976)માં દેખાયાં.[૧૫]

સ્ટેલોન સ્કોર નામના શૃંગારિક ઓફ-બ્રોડવે મંચ નાટકમાં પણ ચમક્યો જે ઓક્ટોબર 28 - નવેમ્બર 15, 1971 સુધી માર્ટિનીક થિએટરમાં 23 ખેલો સુધી ચાલ્યું અને પછી તેણે રેડલી મેત્ઝગરની એક ફિલ્મ કરી.

શરૂઆતની ફિલ્મ ભૂમિકાઓ, 1970–1975[ફેરફાર કરો]

ધ પાર્ટી એટ કીટી એન્ડ સ્ટડ્સ ઉપરાંત, 1970માં સ્ટેલોન નો પ્લેસ ટૂ હાઇડ ફિલ્મ માં દેખાયો જેમાં ફરીથી ફેરફાર કરાયા અને શીર્ષક બદલીને રેબલ રખાયું, બીજી આવૃત્તિમાં સ્ટેલોન નાયકની ભૂમિકામાં દર્શાવાયો. વૂડી એલનની વોટ્સ અપ, ટાઈગર લીલી? ની શૈલી બાદ, 1990માં આ ફિલ્મને મૂળ ફિલ્મમાંથી કાઢી નાખેલા ભાગો અને નવા ફિલ્માંકિત ભાગોમાંથી પુનઃ સંપાદિત કરાઇ, અને તેનું ફરીથી ડબિંગ કરીને તેની જ પુરસ્કાર વિજેતા નકલ બનાવાઈ જેનું શીર્ષક એ મેન કોલ્ડ... રેઇન્બો. [૧૬] હતું. સ્ટેલોનને ચમકાવતી, આ ખુદની જ નકલનું નિર્દેશન પણ ડેવિડ કેશી અને નિર્માણ જેફરી હિલ્ટને જ કર્યું હતું. એ મેન કોલ્ડ... રેઇન્બો એ શિકાગો આંતરરાષ્ટ્રીય ફિલ્મ ઉત્સવ અને વર્લ્ડફેસ્ટ -હ્યુસ્ટનમાં સિલ્વર એવોર્ડ્સ જીત્યાં, અને તેને એન્ટરટેઇનમેન્ટ ટૂનાઇટ માં દર્શાવાઇ જેમાં નાયકની ભૂમિકામાં દર્શાવેલ સિલ્વેસ્ટર સ્ટેલોનને દર્શાવાયો. સિસ્કલ અને એબર્ટ તરફથી તેને હકારાત્મક પ્રતિસાદ મળ્યો હતો અને સ્નીક પ્રિવ્યૂ નામના ફિલ્મ પ્રિવ્યૂ કાર્યક્રમમાં માઇકલ મેડ્વેડે તેની ભલામણ કરી હતી.

સ્ટેલોનની અન્ય કેટલીક શરૂઆતની ફિલ્મોમાં તેની ભૂમિકાઓ ગૌણ હતી, જેમાં વૂડી એલનની બનાનાઝ માં સબવેનો ઠગ, ક્લૂટ નામની મનોવૈજ્ઞાનિક રહસ્યમય ફિલ્મમાં ક્લબમાં એક અતિરિક્ત નર્તક તરીકે, જેક લેમનની ધ પ્રિઝનર ઓફ સેકન્ડ એવન્યૂ (1975)માં એક યુવકની ભૂમિકાનો સમાવેશ થાય છે. લેમનની ફિલ્મમાં, જેક લેમન સ્ટેલોનનાં પાત્રને ખિસ્સાકાતરું સમજીને, તેનો પીછો કરે છે અને પકડીને હુમલો કરે છે. તેને તેની બીજી મુખ્ય ભૂમિકા 1974માં ધ લોર્ડ્સ ઓફ ફ્લેટબુશ, માં મળી. 1975માં તેણે, ફેરવેલ, માય લવલી ; કેપોન ; અને ડેથ રેસ 2000 માં સહાયક ભૂમિકાઓ ભજવી. તેણે ટીવી શ્રેણી પોલીસ સ્ટોરી અને કોજાક માં મહેમાન ભૂમિકા ભજવી.

રોકી, 1976 સાથે મળેલ સફળતા[ફેરફાર કરો]

સ્ટેલોન 1978માં ઓસ્કાર્સમાં

સ્ટેલોને તેની જબરદસ્ત સફળ થયેલ રોકી (1976)માં તેની મુખ્ય ભૂમિકાથી વિશ્વભરમાં ખ્યાતિ મેળવી. માર્ચ 24, 1975ના દિવસે, સ્ટેલોને મુહંમદ અલી–ચક વેપ્નરની લડાઇ જોઇ, જેમાંથી તેને રોકી ના આધારભૂત વિચાર માટે પ્રેરણા મળી. તે રાતે સ્ટેલોન ઘરે ગયો, અને ત્રણ દિવસમાં તેણે રોકી ની વાર્તા લખી લીધી. ત્યાર પછી, તેણે તે વાર્તાને મુખ્ય ભૂમિકા ભજવવાના આશય સાથે વેચવાનો પ્રયાસ કર્યો. ખાસ કરીને રોબર્ટ ચાર્ટઓફ અને ઈરવિન વિન્કલરને વાર્તા ગમી. ફિલ્મ પૂરી થયા બાદ રોકી કઇ રીતે બની તે વિશે એક ખૂબ મનોરંજક વાર્તા વ્યાપક રીતે ફેલાઇ. વાર્તા મુજબ, હતાશ સ્ટેલોને તેની બહુમૂલ્ય વાર્તાને વેચવા માટે ખૂબ મોટા પ્રમાણમાં ધનને નકારી દીધુ (કે જેની તેને ખૂબ જરૂર હતી) કારણકે સ્ટુડિઓની ઇચ્છા વિરુદ્ધ-તેણે મુખ્ય ભૂમિકા ભજવવાનો-આગ્રહ રાખ્યો. સ્ટુડિઓને નામી સિતારાને જરૂર હતી. કહેવાય છે કે, અંતે સ્ટુડિઓએ સ્ટેલોનને વાર્તા માટે $18,000 આપીને કૂણું વલણ દાખવ્યું અને સાથે એવો કરાર કર્યો કે ફિલ્મ ખૂબ જ ઓછા ખર્ચમાં બની જવી જોઈએ. ઘણા વર્ષો બાદ એ વાત બહાર આવી કે આ વાર્તા મુખ્યત્વે ફિલ્મના લાચાર વ્યક્તિના વિષયને વધુ મજબૂત બનવા માટેના પ્રચારના કીમિયા તરીકે બનાવી કાઢવામાં આવી હતી. રોકી ગરીબીમાંથી અમીરીની આ કાલ્પનિક વાર્તામાં દર્શાવ્યા કરતા વધુ વાસ્તવિક પ્રગતિની પ્રક્રિયામાંથી પસાર થઇ.રોકી સ્ટેલોન માટે શ્રેષ્ઠ અભિનેતા અને શ્રેષ્ઠ મૂળ પટકથા સહિત દસ એકેડમી એવોર્ડ્સ માટે નામાંકિત થઇ. રોકી એ શ્રેષ્ઠ ફિલ્મ, શ્રેષ્ઠ નિર્દેશન અને શ્રેષ્ઠ ફિલ્મ સંપાદન માટે એકેડમી એવોર્ડ્સ જીત્યાં.[૧૭]

રોકી, રેમ્બો અને નવી ફિલ્મ ભૂમિકાઓ, 1978–1989[ફેરફાર કરો]

1983માં સ્ટેલોન

પછીનો ભાગ રોકી II 1979માં રજૂ થયો, જે સ્ટેલોને લખ્યો અને (પ્રથમ ફિલ્મ નિર્દેશિત કરવા માટે ઓસ્કાર જીતનાર, જોહ્ન જી. એવિલ્ડડસનનું સ્થાન લઇને) નિર્દેશિત કર્યો હતો, અને તેને પણ $20 કરોડની કમાણી સાથે, મોટી સફળતા મળી.

રોકી ફિલ્મો સિવાય, સ્ટેલોને 1970ના દશકને અંતે અને 1980ના દશકના આરંભમાં અન્ય ઘણી ફિલ્મો કરી જેમને વિવેચકોની પ્રશંસા મળી પણ બોક્સ ઓફિસ પર અસફળ રહી. તેને તેની મહાન શૈલીના, સામાજિક નાટક, ફિસ્ટ (એફ.આઇ.એસ.ટી. (F.I.S.T.)) (1978), જેમાં તેણે વેરહાઉસમાં કામ કરતા કારીગરની ભૂમિકા ભજવી છે, બહુ થોડા પ્રમાણમાં મજૂર સંઘના નેતૃત્વમાં સામેલ થનાર, જેમ્સ હોફાને આદર્શ લઇને બનાવેલ છે અને પારિવારિક નાટક પેરેડાઇઝ એલી (1978), જેમાં તે ત્રણમાંના એક ભાઈની ભૂમિકા ભજવે છે કે જે ધૂર્ત કલાકાર છે અને કુસ્તી સાથે સંકળાયેલ તેના ભાઈની મદદ કરે છે જેવી ફિલ્મો માટે વિવેચકોની પ્રશંસા મળી. સ્ટેલોને પેરેડાઇઝ એલી ના નિર્દેશન સાથે નિર્દેશન ક્ષેત્રે પદાર્પણ કર્યું.

1980ના દશકની શરૂઆતમાં, તેણે બ્રિટિશ સ્થાપિત અભિનેતા માઇકલ કેઇન સાથે એક રમત પર આધારિત નાટક એસ્કેપ ટૂ વિક્ટરી (1981)માં અભિનય કર્યો, જેમાં તે નાઝીવાદ સાથે સંકળાયેલ સોકર મેચમાં સમાવિષ્ટ યુદ્ધ કેદીની ભૂમિકા ભજવે છે. સ્ટેલોને પછી એક્શન રોમાંચક ફિલ્મ નાઇટહોક્સ (1981) બનાવી, જેમાં તે રજર હાવર દ્વારા અભિનિત એક વિદેશી આતંકી સાથે ઉંદર બિલાડીની રમત રમતા ન્યૂ યોર્ક શહેરના એક પોલીસની ભૂમિકા ભજવે છે.

સિલ્વેસ્ટર સ્ટેલોન બ્રીજીટ નીલસન, રોનાલ્ડ રીગન અને નેન્સી રીગન સાથે વ્હાઇટ હાઉસમાં, 1985

સ્ટેલોને એક્શન-યુદ્ધ ફિલ્મ ફર્સ્ટ બ્લડ (1982)માં વિએતનામના પ્રસિદ્ધ પૂર્વ ગ્રીન બેરે, જોહ્ન રેમ્બો તરીકે અન્ય મહત્વની સફળ શ્રેણી મેળવી. રેમ્બોના પ્રથમ ભાગને વિવેચનાત્મક રીતે અને બોક્સ ઓફિસ પર બંને રીતે સફળતા મળી. વિવેચકોએ સ્ટેલોનના અભિનયને, તેણે રેમ્બોને ફર્સ્ટ બ્લડ અને અન્ય ફિલ્મોમાં તે જ નામના પુસ્તકમાં તેના ચિત્રણથી વિપરીત, માનવી જેવો બતાવ્યો છે. તેના પછી રેમ્બોના ત્રણ ભાગો Rambo: First Blood Part II (1985), રેમ્બો III (1988) અને રેમ્બો (2008) આવ્યાં. બોક્સ ઓફિસ પર સફળ થવા છતા, તેમને મૂળ ફિલ્મ કરતા વિવેચકોની ઓછી પ્રશંસા મળી. તેણે રોકી શ્રેણીની બોક્સ ઓફિસ પર સફળતા ચાલુ રાખી, અને તેણે વધુ બે ભાગોઃ રોકી III (1982) અને રોકી IV (1985) લખ્યા, અને તેમાં નિર્દેશન અને અભિનય કર્યો. સ્ટેલોને કુલ દસ ફિલ્મોમાં આ બે પાત્રો ભજવ્યા છે. આ ભૂમિકાઓની તૈયારી માટે આરોગ્ય તાલીમ પદ્ધતિ અપનાવી, જે મુજબ તેણે સપ્તાહમાં છ દિવસ વ્યાયામશાળામાં અને પછી સાંજે બેઠકો કરીને વિતાવ્યાં. સ્ટેલોન રોકી III માટે તેના શરીરમાં ચરબીની ટકાવારી અત્યાર સુધીમાં સૌથી ઓછી એવી 2.8% કરી હોવાનો દાવો કરે છે.[૧૮]

અ સમયગાળમાં સ્ટેલોનને તેના કામને લીધે વિદેશમાં ખૂબ પ્રશંસા મળી. તેણે વિવિધ પ્રકારોની ભૂમિકા કરવા પ્રયાસ કર્યો, જોકે તે નિષ્ફળ રહ્યો, જ્યારે તેણે રમૂજી ફિલ્મ રાઇન્સ્ટોન (1984)માં તેણે સહ-લેખન તથા અભિનય કર્યો જ્યાં તેણે એક મહત્વાકાંક્ષી કન્ટ્રી સંગીત ગાયકની ભૂમિકા ભજવી અને નાટકીય ફિલ્મ ઓવર ધ ટોપ (1987)માં તેની પત્નીના મરણ બાદ, ઘણા વર્ષો પહેલા તે જેને પાછળ છોડી આવ્યો હતો તે પુત્રને પુનઃ મેળવવા સંઘર્ષ કરતા ટ્રક ચાલકની ભૂમિકા ભજવી. તેને રાષ્ટ્ર-વ્યાપી પંજો લડાવવાની સ્પર્ધામાં ભાગ લેતો જોયો તે પહેલા તેનો પુત્ર તેનો આદર નહોતો કરતો. રાઇનસ્ટોન ના સંગીત માટે, તેણે એક ગીત રજૂ કર્યું. આ ફિલ્મો બોક્સ ઓફિસ પર સારો દેખાવ ન કરી શકી અને વિવેચકો દ્વારા તેને નબળો પ્રતિસાદ મળ્યો. 1985ની આસપાસ સ્ટેલોને 1939ની જેમ્સ કાગ્નીની સફળ ફિલ્મ એન્જલ્સ વિથ ડર્ટી ફેસીસના પુનઃ નિર્માણની ફિલ્મ કરવાના કરાર પર સહી કરી. આ ફિલ્મ કેનન ફિલ્મ્સ સાથે તેના એકથી વધુ ફિલ્મો કરવાના સોદાનો ભાગ હતી જેમાં તે ક્રિસ્ટોફર રીવ સાથે અભિનય કરવાનો હતો અને ફિલ્મનું નિર્દેશન મેનાહેમ ગોલન કરવાનો હતો. આવી પસંદ કરવામાં આવેલ સફળ ફિલ્મના પુનઃ નિર્માણ માટે વેરાયટી મેગેઝિને અસંમતિ દર્શાવી અને ટોચના વિવેચક રોજર એબર્ટે આ વિચારને ભયંકર ગણાવ્યો અને તેથી કેનને તેની બદલે કોબ્રા બનાવવાનું પસંદ કર્યું. કોબ્રા (1986) અને ટેંગો એન્ડ કેશે (1989) મજબૂત સ્થાનિક નફો કર્યો પણ વિદેશમાં વિદેશી બજારોમાં $10 કરોડથી વધુ અને વિશ્વભરમાં કુલ $16 કરોડના વકરા સાથે તેમણે જબરદસ્ત કમાણી કરી.

1990–2002[ફેરફાર કરો]

લોક અપ અને ટેન્ગો એન્ડ કેશ ની તાજી સફળતા બાદ, 1990ના દશકની શરૂઆતમાં સ્ટેલોન રોકી શ્રેણીના પાંચમાં ભાગ રોકી V માં ચમક્યો જેને બોક્સ ઓફિસ પર નિરાશા સાંપડી અને ફિલ્મ પ્રશંસકોને પસંદ ન આવી અને શ્રેણીમાં તેનો પ્રવેશ અયોગ્ય ગણાયો.

તેના દ્વારા અભિનિત આલોચનાત્મક અને આર્થિક રીતે નિષ્ફળ ઓસ્કાર (1991) અને સ્ટોપ! ઓર માય મોમ વીલ શૂટ (1992) બાદ 90ના દશકની શરૂઆતમાં, તેણે સફળ ફિલ્મ ક્લિફહેન્ગર દ્વારા પુનરાગમન કર્યું જે યુ.એસ. (U.S.)માં $8.40 કરોડ કમાઇને સફળ રહી, પણ વિશ્વભરમાં $17.1 કરોડ કમાઇને એથીય વધુ સફળ રહી જેની કુલ કમાણી યુએસ$25.5 કરોડ થઇ. પછી તેણે ડિમોલીશન મેન નામની ભવિષ્યને લગતી એક્શન ફિલ્મમાં વેસ્લી સ્નાઇપ્સ સાથે અભિનય કર્યો જેણે વિશ્વભરમાં $15.8 કરોડથી વધુ કમાણી કરી. તેની સફળ ફિલ્મોનો દોર 1994ની ધ સ્પેશિઆલીસ્ટ સાથે ચાલુ રહ્યો (વિશ્વભરમાં $17 કરોડથી વધુ કમાણી).

1995માં, તેણે કોમિક બૂક આધારિત બ્રિટિશ કોમિક બૂક 2000 એ.ડી. (A.D.)માંથી લેવામાં આવેલ શીર્ષક પાત્ર જજ ડ્રેડ, તે જ નામની ફિલ્મમાં ભજવ્યું હતું. તેની વિદેશની બોક્સ ઓફિસમાં માંગે જજ ડ્રેડ ની સ્થાનિક બોક્સ ઓફિસની નિષ્ફળતાને બચાવી લીધી, જેનો ખર્ચ લગભગ $10 કરોડ થયો અને તે માંડ તેના ખર્ચ જેટલી વિશ્વભરમાં કુલ $11.3 કરોડની કમાણી સાથે તે માંડ તેનો ખર્ચ કાઢી શકી. તે રોમાંચક ફિલ્મ એસેસિન્સ (1995)માં પણ સહ-અભિનેતાઓ જુલિયન મૂર અને એન્ટોનિઓ બન્ડેરાસ સાથે દેખાયો. 1996માં, તેણે નિષ્ફળ ફિલ્મ ડેલાઇટ માં અભિનય કર્યો જે યુએસમાં બહુ સફળ નહોતી છતાં તેણે વિદેશમાં $1.26 કરોડની કમાણી કરી.

તે જ વર્ષે સ્ટેલોન, સીગ્રામ કંપની હેઠળની તેઓએ યુનિવર્સલ સ્ટુડિઓઝ અને એમસીએ (MCA) કોર્પોરેશન પ્રાપ્ત કર્યાની ઉજવણી માટેની મિજબાની માટેની ટ્રે પાર્કર અને મેટ સ્ટોનની ટૂંકી રમૂજી ફિલ્મ યોર સ્ટુડિઓ એન્ડ યુ માં એક પ્રસિદ્ધ હસ્તીઓની એક ઓલ-સ્ટાર કાસ્ટ સાથે દેખાયો. સ્ટેલોન તે શું બોલે છે તેના અનુવાદ સાથેના ઉપશીર્ષક સાથે તેના રોકી બલ્બોઆ અવાજમાં બોલે છે. એક સમયે, સ્ટેલોન જે તેણે ભૂતકાળમાં ખોઇ દીધુ તે તેના બલ્બોઆ પાત્રને કઈ રીતે ઉપયોગમાં લઇ શકાય તે વિશે રાડો પાડે છે; કથાવાચક તેને એક વાઇન કૂલર દ્વારા "બ્રેઇનિયાક" કહીને શાંત પાડે છે. તેના જવાબમાં, સ્ટેલોન કહે છે, "ખૂબ ખૂબ આભાર." તે પછી વાઇન કૂલરને જોઇને આશ્ચર્ય સાથે કહે છે, "મૂર્ખ હલકો સ્ટુડિઓ" [૧૯]

'રોકી માં તેના સફળ અભિનય બાદ, વિવેચક રોજર એબર્ટે એક વાર કહ્યું હતું કે સ્ટેલોન બીજો મેર્લોન બ્રાન્ડો બની શકે છે, છતા તે રોકી માટે મળેલ વિવેચનાત્મક પ્રશંસા ફરી ક્યારેય ન મેળવી શક્યો. જોકે, ઓછા ખર્ચે બનેલ અપરાધ નાટક કોપ લેન્ડ માં રોબર્ટ ડી નીરો અને રે લિઓટ્ટા સાથે અભિનય કરીને સ્ટેલોને ફરી એક વાર વિવેચનાત્મક પ્રશંસા મેળવી, પણ આ ફિલ્મને બોક્સ ઓફિસ પર ખૂબ ઓછી સફળતા મળી. તેના અભિનય માટે તેને સ્ટોકહોમ આંતરરાષ્ટ્રીય ફિલ્મ ફેસ્ટિવલ શ્રેષ્ઠ અભિનેતાનો પુરસ્કાર મળ્યો. 1998માં તેણે કમ્પ્યૂટર એનિમેટેડ ફિલ્મ એન્ટ્ઝ માટે તેનો અવાજ આપ્યો, જેને સ્થાનિક ધોરણે ખૂબ સફળતા મળી.

2000માં, સ્ટેલોને રોમાંચક ફિલ્મ ગેટ કાર્ટર માં અભિનય કર્યો -તે માઇકલ કેલીનની તે જ નામની ફિલ્મનું પુનઃ નિર્માણ હતી -પણ ફિલ્મને વિવેચકો અને પ્રેક્ષકો બંનેનો નબળો પ્રતિસાદ મળ્યો. તેની એક પછી એક ફિલ્મો ડ્રિવન (2001), એવેન્જીંગ એન્જેલો (2002) અને ડી-ટોક્સ (2002) પણ બોક્સ ઓફિસ પર સારો દેખાવ કરવામાં અપેક્ષાથી ઉણી ઉતરી અને વિવેચકોએ નબળો પ્રતિસાદ આપ્યા બાદ સ્ટેલોનની કારકિર્દીને ઘણુ નુક્સાન થયું.

2003–2005[ફેરફાર કરો]

2003માં, તેણે સ્પાય કિડ્સ ટ્રીલોજીમાં ખલનાયકની ભૂમિકા ભજવી જેને બોક્સ ઓફિસ પર મોટી સફળતા મળી (વિશ્વભરમાં આશરે $20 કરોડ).Spy Kids 3-D: Game Over સ્ટેલોને 2003ની ફ્રેન્ચ ફિલ્મ ટેક્સી 3 માં યાત્રી તરીકેની મહેમાન ભૂમિકા ભજવી.

નબળા પ્રતિસાદો અને બોક્સઓફિસ પર ઘણી નિષ્ફળ ફિલ્મો બાદ, સ્ટેલોને નીઓ-નોઇર અપરાધ નાટક શેડ માં સહાયક ભૂમિકા નિભાવીને મહત્વ પુનઃ પ્રાપ્ત કર્યું જે મર્યાદિત શૈલીમાં રજૂ થયું હતું પરંતુ વિવેચકોએ તેની પ્રસંશા કરી હતી.[૨૦] તે રેપર્સ ટ્યુપેક શેકર અને ધ નોટોરિયસ બી.આઇ.જી. (BIG)ની હત્યા અને તેની આસપાસના લોસ એન્જલસ પોલીસ ભ્રષ્ટાચાર કૌભાંડ વિભાગના ભ્રષ્ટાચાર વિશેની, રેમ્પર્ટ સ્કેન્ડલ એવું કામચલાઉ શીર્ષક ધરાવતી ફિલ્મમાં અભિનય કરવા અને નિર્દેશન કરવા સંલગ્ન હતો.[૨૧] પછી તેનું શીર્ષક નોટોરિયસ કરવામાં આવ્યું પણ ફિલ્મ મુલતવી દેવાઇ.[૨૨]

2005માં, એનબીસી (NBC) રિઆલિટી ટેલીવિઝન બોક્સિંગ સીરીઝ ધ કન્ટેન્ડર ના સુગર રે લિઓનાર્ડ સાથે તે સહ-પ્રસ્તુતકર્તા હતો. તે જ વર્ષે તેણે ટીવી શ્રેણી લાસ વેગાસ ના બે હપ્તાઓમાં મહેમાન ભૂમિકા કરી. 2005માં, સ્ટેલોને કુસ્તી આઇકન હલ્ક હોગનનો પ્રવેશ કરાવ્યો, જેણે રોકી III માં થન્ડરલિપ્સ નામના પહેલવાન તરીકે દેખાયો હતો, ડબલ્યૂડબલ્યૂઇ (WWE) હોલ ઓફ ફેમમાં; સ્ટેલોન હોગનને રોકી III માં મહેમાન ભૂમિકા આપનાર વ્યક્તિ પણ હતો.[૨૩]

રોકી અને રેમ્બોનું પુનરાગમન, 2006–2008[ફેરફાર કરો]

હોલીવૂડ સ્ટાર સિલ્વેસ્ટર સ્ટેલોન હોલીવૂડ વોક ઓફ ફેઈમ પર

ફિલ્મોથી ત્રણ વર્ષના અંતર બાદ સ્ટેલોને 2006માં તેની સફળ રોકી શ્રેણીના છઠ્ઠા ભાગ રોકી બલ્બોઆ થી પુનરાગમન કર્યું જે વિવેચક અને આર્થિક દ્રષ્ટિકોણથી સફળ હતો. રોકી V ની વિવેચક અને આર્થિક નિષ્ફળતા બાદ, સ્ટેલોને છઠ્ઠા ભાગમાં લેખન, નિર્દેશન અને અભિનય કરવાનો નિર્ણય કર્યો, જે આ શ્રેણીનો વધુ યોગ્ય અંત હશે. કુલ સ્થાનિક બોક્સ ઓફિસ પર $7.03 કરોડ (અને વિશ્વભરમાં $15.57 કરોડ)ની કમાણી થઇ.[૨૪] ફિલ્મનો કુલ ખર્ચ $2.4 કરોડ હતો. રોકી બલ્બોઆ માં તેના અભિનયની પ્રશંસા થઇ અને મોટા ભાગે હકારાત્મક સમીક્ષાઓ પ્રાપ્ત થઇ.[૨૫]

સ્ટેલોનની સફળ ફિલ્મ શ્રેણી રેમ્બોનો ચોથા ભાગનું શીર્ષક ફક્ત રેમ્બો જ રાખવામાં આવ્યું. ફિલ્મ જાન્યુઆરી 25, 2008ના દિવસે 2,751 સિનેમાઘરોમાં રજૂ થઇ, અને પ્રથમ જ દિવસે $6,490,000 અને પ્રથમ સપ્તાહના અંતે $18,200,000ની કમાણી કરી. બોક્સ ઓફિસ પર વિશ્વભરમાં $50 કરોડના ખર્ચ સાથે $113,244,290ની કમાણી થઇ.

ફેબ્રુઆરી 2008માં જ્યારે તેને પૂછવામાં આવ્યું કે તે કઇ છબી માટે પોતાને યાદ કરાય એવું પસંદ કરશે, સ્ટેલોને કહ્યું "આ અઘરો પ્રશ્ન છે, પણ રોકી મારું પ્રથમ બાળક છે, તેથી રોકી ."[૨૬]

અન્ય ફિલ્મોમાં કાર્ય[ફેરફાર કરો]

1978માં પેરેડાઇઝ એલી સાથે સ્ટેલોનનું નિર્દેશન ક્ષેત્રે પદાર્પણ થયું, જે તેણે લખી પણ હતી અને તેમાં અભિનય પણ કર્યો હતો, તેણે રોકી II , રોકી III , રોકી IV , રોકી બલ્બોઆ , અને રેમ્બો સહિત સેટરડે નાઇટ ફીવર ના પછીના ભાગ સ્ટેઇંગ અલાઇવ માં નિર્દેશન કર્યું. ઓગસ્ટ 2005માં, સ્ટેલોને તેનું પુસ્તક સ્લી મૂવ્સ બહાર પડ્યું જે આરોગ્ય અને પોષણ માટેના માર્ગ દર્શક હોવાનું ખેવાય છે તે સાથે તે તેના લાક્ષણિક જીવનની સમજ છે અને તેના પોતાના દ્રષ્ટિકોણથી કામ કરે છે. પુસ્તકમાં સ્ટેલોનના વર્ષો દરમ્યાનના ઘણા ફોટોગ્રાફ્સ છે અને તે સાથે તે કસરત કરતો હોય તેવા ચિત્રો પણ છે. બધી છ રોકી ફિલ્મો લખ્યા ઉપરાંત, સ્ટેલોને કોબ્રા , ડ્રિવન , અને રેમ્બો પણ લખી. તેણે ઘણી અન્ય ફિલ્મોમાં સહલેખન કર્યું છે, જેમકે ફિસ્ટ (એફ.આઇ.એસ.ટી. (F.I.S.T.)) , રાઇનસ્ટોન , ઓવર ધ ટોપ , અને પ્રથમ ત્રણ રેમ્બો ફિલ્મો. તેની સહ-લેખક તરીકે તેની છેલ્લી મોટી સફળ ફિલ્મ ક્લિફહેન્ગર હતી. તે ઉપરાંત, સ્ટેલોને એડ્ગર એલન પોના જીવન પરની એક ફિલ્મ નિર્દેશિત કરવાના તેના ઉત્સાહને વ્યક્ત કરવાનુ ચાલુ રાખ્યું, તે એક એવી વાર્તા હતી જેની તૈયારી તેણે વર્ષોથી કરી હતી. જુલાઇ 2009માં, તે બોલીવૂડ ફિલ્મ કમ્બખ્ત ઇશ્ક માં મહેમાન ભૂમિકામાં દેખાયો, જેમાં તેણે પોતાની જ ભૂમિકા ભજવી, અને તેના માટે તેને રાઝિસની ભારતીય આવૃત્તિ ગોલ્ડન કેલા એવોર્ડ્સ માટે નામાંકન મળ્યું.[૨૭] સ્ટેલોન કેવિન જેમ્સ દ્વારા આયોજિત રમૂજી ફિલ્મ ધ ઝૂકીપર માં સિંહનો અવાજ પણ આપવાનો છે. સ્ટેલોને ઉલ્લેખ કર્યો કે તે નેલ્સન ડીમાઇલની નવલકથા ધ લાયન્સ ગેમ અને જેમ્સ બાયરોનની નવલકથા હન્ટર પરથી ફિલ્મ બનાવવા માંગે છે, જેના માટેના ફિલ્મ અધિકારો સ્ટેલોન પાસે ઘણા વર્ષોથી છે અને તેની મૂળ યોજના 2009માં રેમ્બો V માટે હન્ટર ના વિષયનો ઉપયોગ કરવાની હતી.સ્ટેલોને ચાર્લ બ્રોન્સનની 1974ની ફિલ્મ ડેથ વિશ ના પુનઃ નિર્માણમાં અભિનય કરવાની ઇચ્છા વ્યક્ત કરી હતી.[૨૮]

2010થી લઇને[ફેરફાર કરો]

ધ એક્સ્પેન્ડેબલ્સ એ સ્ટેલોનની 2010ની મોટી સફળતા હતી. 2009ના ઉનાળા/શિયાળામાં ફિલ્માંકિત થયેલી આ ફિલ્મ ઓગસ્ટ 13, 2010ના દિવસે રજૂ થઇ. સ્ટેલોને આ ફિલ્મમાં લેખન, નિર્દેશન અને અભિનય કર્યો. ફિલ્મમાં તેની સાથે અન્ય એક્શન સિતારાઓ જેસન સ્ટાથમ, જેટ લી, અને ડોલ્ફ લન્ડગ્રન ઉપરાંત ટેરી ક્રૂઝ, મિકી રુર્ક, રેન્ડી કોઉચર, એરિક રોબર્ટ્સ અને સ્ટોન કોલ્ડ સ્ટીવ ઓસ્ટિને તેનો સાથ આપ્યો તેમજ ખૂબ જ અપેક્ષિત એવા 80ના દશકના એક્શન આઇકન્સ બ્રુસ વિલિસ અને આર્નોલ્ડ શ્વાર્ઝનેગરે મહેમાન ભૂમિકા ભજવી. ખરેખર બ્રુસ વિલિસ અને આર્નોલ્ડ શ્વાર્ઝનેગરની મહેમાન ભૂમિકાઓનો ફિલ્મના પ્રચારમાં ભરપૂર ઉપયોગ કરવામાં આવ્યો. દરેક પરીક્ષણ ફિલ્મ અને જાહેરાતને મળેલા ખૂબ જ હકારાત્મક પ્રતિભાવને લીધે નિર્માતા એવી લર્નરે જણાવ્યું કે વધુ બે કે વધારે ભાગ, અથવા ઓછામાં ઓછી ટીમના સભ્યો પર આધારિત કોઇ જાતની શ્રેણી માટેની વાત ચાલે છે.[૨૯] ફિલ્મે પ્રથમ સપ્તાહને અંતે જ $34,825,135 મેળવ્યા, અને યુએસ (US) બોક્સ ઓફિસ પર સીધી #1 પર પહોંચી. તે સ્ટેલોનની 35 વર્ષની પ્રસિદ્ધ કારકિર્દીમાં પ્રથમ સ્પતાહનાં અંત માટેનો સૌથી મોટો આંકડો હતો.[૩૦] 2010નાં ઉનાળામાં, બ્રાઝિલની કંપની O2 ફિલ્મ્સે જાહેર કર્યુ કે ફિલ્મમાં તેમના કામ માટે તેમને યુએસ $20 લાખ આપવાના બાકી છે.[૩૧] સ્ટેલોને એ વાતની પુષ્ટિ કરી કે આયોજિત રેમ્બો V મે 2010માં રદ કરવામાં આવી. ફિલ્મને અધિકૃત રીતે ન્યુ ઇમેજ/મિલેનિયમ ફિલ્મ્સે સપ્ટેમ્બર 2009માં લીલી ઝંડી આપી દીધી હતી અને શરૂઆતમાં સ્ટેલોને કહ્યું કે ફિલ્મનું શીર્ષક રેમ્બો V: ધ સેવેજ હન્ટ રાખવાનું હતું અને તે થોડી ઘણી હન્ટર નામની નવલકથા (એ નવલકથા જેના અધિકાર સ્ટેલોન પાસે 10 વર્ષથી હતા) પર આધારિત હશે, જેમાં "જંગલી જાનવર"નો શિકાર કરતા રેમ્બોનો સમાવેશ થાય છે. નવેમ્બર 2009માં સ્ટેલોને એ વાતની પુષ્ટિ કરી કે વાર્તા બદલાઇ ગઇ છે અને માણસ/પ્રાણીની વાર્તા એક અસંબંધિત ફિલ્મ માટે બચાવી રખાશે. રેમ્બો V હવે મેક્સિકન સરહદ પાસેના શહેરમાં ખોવાઇ ગયેલ સ્ત્રીને શોધતા રેમ્બો પર આધારિત હશે.[૩૨] સ્ટેલોને ખુદ એ વાતની પુષ્ટિ કરી કે તેણે ધ એક્સ્પેન્ડેબલ્સ ના આગળના ભાગને બનાવવા માટે રેમ્બો V મૂકી દીધી છે (અને રેમ્બો ને "નિવૃત્ત" કર્યો છે).[૩૩]

અંગત જીવન[ફેરફાર કરો]

સિલ્વેસ્ટર સ્ટેલોનના હસ્ત ચિહ્નો

સ્ટેલોને ત્રણ વાર લગ્ન કર્યાં. 28 વર્ષની વયે, તેણે શાશા ક્ઝેક સાથે લગ્ન કર્યા. દંપતીને બે પુત્રો હતા, સેજ મૂનબ્લડ (જન્મ. મે 5, 1976) અને સર્જીઓ (જન્મ. 1979). તેના નાના પુત્રને નાની વયે ઓટિઝમ હોવાનુ નિદાન થયું. આ દંપતીએ ફેબ્રુઆરી 14, 1985ના દિવસે તલાક લીધા. ડિસેમ્બર 15, 1985ના દિવસે, બેવર્લી હિલ્સ, કેલિફોર્નિયામાં, તેણે મોડલ અને અભિનેત્રી, બ્રિગિટ નીલ્સન સાથે લગ્ન કર્યા. બે વર્ષ સુધી ચાલ્યા બાદ, તૂટી ગયેલા, સ્ટેલોન અને નીલ્સનના લગ્નને, સમાચારપત્રોના મુદ્રકોએ ખૂબ પ્રસિદ્ધિ આપી.[૩૪][૩૫][૩૬] મે 1977માં સ્ટેલોને જેનિફર ફ્લેવિનસાથે લગ્ન કર્યા, તેમની ત્રણ પુત્રીઓ છેઃ સોફિયા રોઝ (જન્મ ઓગસ્ટ 27, 1996), સિસ્ટાઇન રોઝ (જન્મ. જૂન 27, 1998), અને સ્કારલેટ રોઝ (જન્મ. 25 મે, 1997

2007માં, તે ઓસ્ટ્રેલિયામાં કૃત્રિમ માનવ વિકાસ અંતઃસ્રાવ જીન્ટ્રોપિનની 48 શીશીઓ સાથે પકડાયો.[૩૭]

તેની બાકીની પદવીઓ માટે તેના અભિનય અને જીવનના અનુભવોનો સ્વીકાર કરવામાં આવે, 1999માં સ્ટેલોનની એવી વિનંતી બાદ, યુનિવર્સિટી ઓફ માયામીના પ્રમુખ દ્વારા તેને બેચલર ઓફ ફાઇન આર્ટ્સ (બીએફએ (BFA))ની ઉપાધિ આપવામાં આવી.[૩૮]

સ્ટેલોને તેની અભિનય કારકિર્દીની પ્રગતિ થતા ચર્ચ જવાનું બંધ કરી દીધું. જ્યારે તેની પુત્રી બીમાર જન્મી ત્યારે તેણે તેના બાળપણની શ્રદ્ધા ફરીથી જાગૃત થઇ અને હવે તે ચર્ચ જતો કેથોલિક છે.[૩૯]

સ્ટેલોન બંદૂકથી થતી હિંસા અટકવવા સ્ટેલોન ધ બ્રેડી સેન્ટર નું સમર્થન કરે છે, અને મુખ્યત્વે બીજી હસ્તીઓ સાથે તે સંસ્થાની સાઇટ પર દેખાય છે.[૪૦]

સ્ટેલોન લાંબા સમયથી રિપબ્લિકન સમર્થક છે અને 2008ની પ્રમુખ માટેની ચૂંટણીમાં તેણે જાહેરમાં સેનેટર જોહ્ન મેક્કેઇનનો પ્રચાર કર્યો હતો.

તમાકુનો પ્રચાર[ફેરફાર કરો]

1983માં સ્ટેલોને એસોસિએટેડ ફિલ્મ પ્રમોશન્સના અસીલ, સિગરેટ નિર્માતા બ્રાઉન એન્ડ વિલિયમસન કોર્પ.નું પ્રતિનિધિત્વ કરવા, અને બી એન્ડ ડબલ્યૂ ઉત્પાદનોને તેની પાંચ ફિલ્મોમાં વાપરવા કે રાખવા માટે તેમની સાથે કરાર કર્યો.[૪૧] બદલામાં, સ્ટેલોનને કુલ $500,000 ચુકવવામાં આવ્યા, જેમાંથી $250,000 અગાઉથી અને $50,000 દરેક ભાગીદાર ફિલ્મના નિર્માણની શરૂઆતમાં ચુકવાયા." પ્રારંભિક વ્યવહારોમાં સ્ટેલોને ખાતરી આપી કે તે " તેની પાંચ ફિલ્મોમાં બ્રાઉન એન્ડ વિલિયમસન તમાકુ ઉત્પાદનોનો ઉપયોગ કરશે જ"[૪૨] પણ પછી, રોકી બલ્બોઆના પાત્ર સાથે સાતત્ય જાળવવા, રોકી IV માં "બીજા નાયકો ઉત્પાદનોનો ઉપયોગ કરશે" તેવુ નક્કી થયું.[૪૧] 2002માં લેગસી ટોબેકો ડોક્યુમેન્ટ્સ દ્વારા કરારના દસ્તાવેજને યુનિવર્સિટી ઓફ કેલિફોર્નિયા, સેન ફ્રાન્સિસ્કોમાં જાહેર કરવામાં આવ્યા.

ઇજાઓ[ફેરફાર કરો]

શારિરીક રીતે પડકારરૂપ ભૂમિકાઓ માટે જાણીતા અને પોતાના મોટા ભાગના સ્ટંટ્સ જાતે કરવાની ઇચ્છાને લીધે, સ્ટેલોનને તેની અભિનય કારકિર્દી દરમ્યાન ઘણી બધી ઇજાઓનો ભોગ બનવુ પડ્યુ હતું. રોકી IV ના એક દ્રશ્ય માટે તેણે ડોલ્ફ લન્ડગ્રનને કહ્યું કે, "તારાથી થઇ શકે એટલી તાકાતથી મને છાતીમાં મુક્કો માર." "ત્યારબાદ મેં જાણ્યું કે, હું ચાર દિવસ માટે સેન્ટ જોહ્ન્સ હોસ્પિટલના ઇન્ટેન્સિવ કેર યુનિટમાં હતો. આ મૂર્ખતા છે!"[૪૩] ધ એક્સ્પેન્ડેબલ્સ ના એક અભિનેતા સ્ટીવ ઓસ્ટિન સાથે એક લડાઇના દ્રશ્યના ફિલ્માંકન વખતે તેની ગરદન તૂટી ગઇ જેના માટે ધાતુની પ્લેટ દાખલ કરવાની જરૂર પડી.[૪૪]

ફિલ્મોગ્રાફી[ફેરફાર કરો]

સિલ્વેસ્ટર સ્ટેલોન ફિલ્મોગ્રાફી પણ જુઓ.

વર્ષ ફિલ્મ યોગદાન ભૂમિકા નોંધ
નિર્દેશક નિર્માતા લેખક અભિનેતા
1970 ધ પાર્ટી એટ કીટી એન્ડ સ્ટડ્સ હા સ્ટડ
નો પ્લેસ ટૂ હાઇડ હા જેરી સેવેજ
1971 બનાનાસ હા સબવે ઠગ #1 શ્રેય અપાયું નહીં
કલૂટ હા ડિસ્કોથેક પેટ્રન શ્રેય અપાયું નહીં
1974 ધ લોર્ડ્સ ઓફ ફ્લેટબુશ હા હા સ્ટેનલી રોઝીએલો લેખક (વિશેષ સંવાદ)
1975 ધ પ્રિઝનર ઓફ સેકન્ડ એવન્યૂ હા યૂથ ઇન પાર્ક
કેપોન હા ફ્રેન્ક નીટી
ડેથ રેસ 2000 હા મશીન ગન જો વીટર્બો
મેન્ડીંગો હા યંગ મેન ઇન ક્રાઉડ શ્રેય અપાયું નહીં (દ્રશ્યો દૂર કરાયા)
ફેરવેલ, માય લવલી હા જોની
પોલીસ સ્ટોરી હા કેડો ટીવી શ્રેણી (1 હપ્તો)
કોજાક હા જાસૂસ રિક ડેલી
1976 કેનનબોલ હા માફિઓસો શ્રેય અપાયું નહીં
રોકી હા હા રોકી બલ્બોઆ લેખક
1978 ફિસ્ટ (F.I.S.T.) હા હા જોની ડે કોવાક પટકથા
પેરેડાઈઝ એલી હા હા હા કોઝ્મો કાર્બોની નિર્દેશક અને લેખક
1979 રોકી II હા હા હા રોકી બલ્બોઆ નિર્દેશક અને લેખક
1981 નાઈટહોકસ હા ડિટેક્ટિવ સાર્જન્ટ ડેક ડેસિલ્વા
એસ્કેપ ટૂ વિક્ટરી હા કેપ્ટન રોબર્ટ હેચ
1982 રોકી III હા હા હા રોકી બલ્બોઆ નિર્દેશક અને લેખક
ફર્સ્ટ બ્લડ હા હા રેમ્બો પટકથા
1983 સ્ટેઇંગ અલાઇવ હા હા હા હા રસ્તા પરનો માણસ મહેમાન ભૂમિકા; શ્રેય અપાયું નહીં, નિર્દેશક, નિર્માતા અને લેખક
1984 રાઇનસ્ટોન હા હા નીક માર્ટીનલી પટકથા
1985 Rambo: First Blood Part II હા હા રેમ્બો પટકથા
1985 રોકી IV હા હા હા રોકી બલ્બોઆ નિર્દેશક અને લેખક
1986 કોબ્રા હા હા લેફ્ટેનન્ટ મેરીઅન 'કોબ્રા' કોબ્રેત્તી પટકથા
1987 ઓવર ધ ટોપ હા હા લિંકન હોક પટકથા
1988 રેમ્બો III હા હા રેમ્બો લેખક
1989 લોક અપ હા ફ્રેન્ક લીઓન
ટેંગો એન્ડ કેશ હા રેમન્ડ "રે" ટેંગો
1990 રોકી V હા હા રોકી બલ્બોઆ લેખક
1991 ઓસ્કાર હા એન્જેલો'સ્નેપ્સ' પ્રોવોલોન
1992 સ્ટોપ! ઓર માય મોમ વીલ શૂટ હા સાર્જન્ટ. જો બોમોસ્કી
1993 ક્લિફહેન્ગર હા હા ગેબ વોકર પટકથા
ડિમોલિશન મેન હા જોહન સ્પાર્ટન
1994 ધ સ્પેશીઆલિસ્ટ હા રે ક્વીક
1995' જજ ડ્રેડ હા જજ જોસેફ ડ્રેડ
એસેસિન્સ હા રોરર્ટ રાથ
યોર સ્ટુડિઓ એન્ડ યુ હા પોતે
1996 ડેલાઇટ હા કીટ લાટુરા
1997 ધ ગુડ લાઇફ હા બોસ રજૂ થયેલ નથી
મેન ઇન બ્લેક હા ટીવી મોનિટર પરનો પરગ્રહવાસી મહેમાન ભૂમિકા; શ્રેય અપાયું નહીં
કોપ લેન્ડ હા શેરીફ ફ્રેડી હેફ્લીન
1998 એન્ટ્ઝ હા વણકર અવાજ
2000 ગેટ કાર્ટર હા જેક કાર્ટર
2001 ડ્રિવન હા હા હા જો ટેન્ટો નિર્માતા અને પટકથા
2002 લિબર્ટીઝ કિડ્સ હા પોલ રિવર ટીવી શ્રેણી (1 હપ્તો)
ડી-ટોક્સ હા જેક મેલોય
એવેન્જીંગ એન્જેલો હા ફ્રેન્કી ડેલાનો
2003 ટેક્સી 3 હા હવાઇમથકનો યાત્રી મહેમાન ભૂમિકા; શ્રેય અપાયું નહીં
શેડ હા ડીન 'ધ ડીન' સ્ટીવન્સ
Spy Kids 3-D: Game Over હા રમકડા બનાવનારો
2005 લાસ વેગાસ હા સમારકામ કરનારો ફ્રેન્ક ટીવી શ્રેણી (2 હપ્તા)
2006 રોકી બલ્બોઆ હા હા હા રોકી બલ્બોઆ નિર્દેશક અને લેખક
2008 રેમ્બો હા હા હા રેમ્બો નિર્દેશક અને લેખક
2009 કમબખ્ત ઇશ્ક હા પોતે મહેમાન ભૂમિકા
2010 ધ એક્સ્પેન્ડેબલ્સ હા હા હા બાર્ની રોસ નિર્દેશક અને લેખક
2012 ધ એક્સ્પેન્ડેબલ્સ 2 હા હા હા બાર્ની રોસ નિર્દેશક અને લેખક

સંદર્ભો[ફેરફાર કરો]

  1. ↑ "Sly Stallone". Rottentomatoes.com. Retrieved 2010-09-04. 
  2. ↑ http://www.dailymail.co.uk/tvshowbiz/article-1232958/Dont-day-job--Sylvester-Stallone-tries-hand-fine-art-mixed-results.html
  3. ↑ "Sylvester Stallone, hall of famer". Newsday. December 7, 2010. Retrieved December 7, 2010.  Check date values in: December 7, 2010 (help)
  4. ↑ સંદર્ભ ત્રુટિ: અમાન્ય <ref> ટેગ; The-governatorનામના સંદર્ભ માટે કોઈ પણ લેખન અપાયું નથી
  5. ↑ "Video of Stallone visiting Italy". Youtube.com. Retrieved 2010-09-04. 
  6. ↑ સ્ટેલોને 1999માં આ બધુ ઇનસાઇડ ધ એક્ટર્સ સ્ટુડિઓ માં વર્ણવ્યું.
  7. ↑ ઢાંચો:Fr "સિનેમા. સ્ટેલોન એસ્ટ દી બ્રેસ્ટ « મેમ » !", લે ટેલિગ્રામ દી બ્રેસ્ટ, ઓક્ટોબર 6, 2009
  8. ↑ Stewart, Will (April 11, 2009). "Rambo-ski - Hollywood star Sylvester Stallone's Russian secret". Daily Mail (London). Retrieved April 11, 2009.  Check date values in: April 11, 2009 (help)
  9. ↑ The Biography Channel (2007). "Sylvester Stallone Biography". Retrieved December 28, 2009.  Check date values in: 2007 (help)
  10. ↑ Hainey, Michael (September, 2010). "Yo.". GQ. Retrieved 2010-12-30. 
  11. ↑ સિલ્વેસ્ટર સ્ટેલોન, સ્લી મૂવ્સ: વજન ઉતારવા, શક્તિનું અને જીઆન ઈચ્છા શક્તિનું નિર્માણ કરવા, અને તમારું સપનું જીવવા માટેનો મારો નીવડેલો કાર્યક્રમ , રોગ માર્બલ પ્રોડક્શન્સ, 2005, પૃષ્ઠ 12
  12. ↑ ૧૨.૦ ૧૨.૧ "Total Film". United Kingdom. August 2010: 111.  Check date values in: August 2010 (help) સ્ટેલોન: "હું તૂટી ગયો હતો અને સામાન્ય રીતે પોર્ટ ઓથોરિટી બસ અડ્ડા પર સતત ત્રણ સપ્તાહો સુધી સૂતો હતો. એક વ્યાપાર પત્રમાં મેં આ ફિલ્મ [ધ પાર્ટી એટ કીટી એન્ડ સ્ટડ્સ , 1970] વિશે વાચ્યું કે જે એક દિવસ માટે $100 ચુકવતા હતા એક દિવસના $100 માટે હું કચ્ચરઘાણ કાઢી આપત. મરણિયા થવાને બદલે, મેં બે દિવસ $200માં કામ કર્યું અને બસ-અડ્ડાની બહાર નીકળ્યો."
  13. ↑ સિલ્વેસ્ટર સ્ટેલોન સાથે મુલાકાત, પ્લેબોય , સપ્ટેમ્બર 1978
  14. ↑ "'The 'Italian Stallion' Hoax: Stallone Never Did Hardcore'". Business.avn.com. 2008-02-06. Retrieved 2010-09-04.  Check date values in: 2008-02-06 (help)
  15. ↑ Cachapero, Joanne (2008-02-06). "Another World Entertainment Releases Hardcore ‘Italian Stallion’". Xbiz.com. Retrieved 2010-09-04.  Check date values in: 2008-02-06 (help)
  16. ↑ એ મેન કોલ્ડ..રેઇન્બો - IMDB.com
  17. ↑ "Rocky Award Wins and Nominations". IMDb.com. Retrieved 2010-05-21. 
  18. ↑ મસલ એન્ડ ફિટનેસ, સપ્ટે., 2004 માઇકલ બર્ગ દ્વારા
  19. ↑ યોર સ્ટુડિઓ એન્ડ યુ (ગૂગલ વીડીઓ પરથી)
  20. ↑ "Shade at Rottentomatoes". Rottentomatoes.com. Retrieved 2010-09-04. 
  21. ↑ Patel, Joseph (June 6, 2003). "Sylvester Stallone Making Movie About Biggie, Tupac Murders". MTV News. Retrieved January 9, 2010.  Check date values in: June 6, 2003 (help)
  22. ↑ "Stallone's Tupac/Biggie Movie a No Go: Actor was to play LAPD detective who found dirty cops at root of murders". EURWeb.com. December 7, 2006. Retrieved January 9, 2010.  Check date values in: December 7, 2006 (help)
  23. ↑ "Sylvester Stallone Rocky- Celebrity Scene Monthly By Don Aly Vol 36". Donaly.com. 2010-08-19. Retrieved 2010-09-04.  Check date values in: 2010-08-19 (help)
  24. ↑ "Rocky Balboa at Box Office Mojo". Boxofficemojo.com. Retrieved 2010-09-04. 
  25. ↑ રોટનટમેટોઝ પર બલ્બોઆ[મૃત કડી]
  26. ↑ સિલ્વેસ્ટર સ્ટેલોન: રેમ્બો રીટર્ન્સ, વીડીઓ એસટીવી (STV) સાથે મુલાકાત[મૃત કડી]
  27. ↑ "Sylvester Stallone And Denise Richards Nominated For Razzies Equivalent, The Golden Kela Awards". Moviesblog.mtv.com. 2010-02-22. Retrieved 2010-09-04.  Check date values in: 2010-02-22 (help)
  28. ↑ "Stallone On Death Wish Remake". Empireonline.com. Retrieved 2010-09-04. 
  29. ↑ "Action Movie Sequel Time: The Expendables 2, And More Inglorious Basterds Prequel Talk". Slashfilm.com. 2009-07-09. Retrieved 2010-09-04.  Check date values in: 2009-07-09 (help)
  30. ↑ "Weekend Report: 'Expendables' Pump Up, 'Eat Pray Love' Pigs Out, 'Scott Pilgrim' Powers Down". Box Office Mojo. Retrieved 2010-09-04. 
  31. ↑ Tom Phillips in Rio de Janeiro (August 2, 2010). "Sylvester Stallone pursued by Brazilian company for unexpendable debts | Film". London: The Guardian. Retrieved 2010-08-13.  Check date values in: August 2, 2010 (help)
  32. ↑ "Stallone Says RAMBO 5 Is No Longer Rambo -vs- That Horrible Monster Guy!! - Ain't It Cool News: The best in movie, TV, DVD, and comic book news". Aintitcool.com. 2009-11-12. Retrieved 2010-08-13.  Check date values in: 2009-11-12 (help)
  33. ↑ "Sylvester Stallone Says Rambo is "Done"". ComingSoon.net. 2010-05-01. Retrieved 2010-09-04.  Check date values in: 2010-05-01 (help)
  34. ↑ સુઝેન ઝેનોસ, મેલ ફિટનેસ સ્ટાર્સ ઓફ ટીવી એન્ડ ધ મૂવીઝ : ફિચરીંગ પ્રોફાઈલ્સ ઓફ સિલ્વેસ્ટર સ્ટેલોન, જોહ્ન ટ્રેવોલ્ટા, બ્રુસ વીલીસ, એન્ડ વેસ્લી સ્નાઇપ્સ , મિશેલ લેન પબ્લિશર્સ, 2000, પૃષ્ઠ 27
  35. ↑ સ્ટેલોનના તલાકને લીધે છાપાઓએ વધારા બહાર પાડ્યા, સારાસોતા હેરાલ્ડ ટ્રીબ્યુન - જુલાઇ 23, ૧૯૮૭
  36. ↑ સ્ટેલોન સીક્સ અ સિરીયસ ટર્ન ફોર ધ બેટર , ધ ન્યૂ યોર્ક ટાઇમ્સ, ઓગસ્ટ 10, 1997
  37. ↑ સ્ટેલોનના એચજીએચ (HGH) રહસ્યથી પરંપરા શરૂ થશે? એબીસી ન્યૂઝ.
  38. ↑ યુનિવર્સિટી ઓફ માયામી, ભૂતપૂર્વ વિદ્યાર્થીઓનું પૃષ્ઠ[મૃત કડી]
  39. ↑ Catholic Online. "‘Rocky’ Stallone back in church as new movie in theaters". Catholic.org. Retrieved 2010-09-04. 
  40. ↑ "Brady Center". Brady Center. Retrieved 2010-09-04. 
  41. ↑ ૪૧.૦ ૪૧.૧ રી: સ્ટેલોન અને અસોસિએટેડ ફિલ્મ પ્રમોશન્સ વચ્ચે સમજૂતીઓ લેગસી ટોબેકો ડોક્યુમેન્ટ્સ લાઇબ્રેરી
  42. ↑ યુ.એસ (U.S) દસ્તાવેજ 21,044 લેગસી ટોબેકો ડોક્યુમેન્ટ્સ લાઇબ્રેરી
  43. ↑ "Sly Stallone Gives Dolph Lundgren His Worst Movie Experience". Fancast.com. 2010-08-10. Retrieved 2010-09-04.  Check date values in: 2010-08-10 (help)
  44. ↑ "Sylvester Stallone injures neck in fight scenes". BBC News. 2010-01-06. Retrieved 2010-09-04.  Check date values in: 2010-01-06 (help)

બાહ્ય લિંક્સ[ફેરફાર કરો]

ઢાંચો:Sylvester Stallone

વ્યક્તિગત માહિતી
નામ
અન્ય નામો
ટુંકમાં વર્ણન
જન્મ
જન્મ સ્થળ
મૃત્યુ
મૃત્યુ સ્થળ
"https://gu.wikipedia.org/w/index.php?title=સિલ્વેસ્ટર_સ્ટેલોન&oldid=514538" થી મેળવેલ