ઉદ્ધવ ઠાકરે

વિકિપીડિયામાંથી
દિશાશોધન પર જાઓ શોધ પર જાઓ

ઉદ્ધવ બાલ ઠાકરે (જન્મː ૨૭ જુલાઈ ૧૯૬૦) એ ભારતીય રાજકારણી છે જે ૧૯મા અને મહારાષ્ટ્રના વર્તમાન મુખ્યમંત્રી તરીકે સેવા આપી રહ્યા છે.[૧][૨][૩] તેઓ શિવસેનાના પ્રમુખ છે.

પ્રારંભિક જીવન અને શિક્ષણ[ફેરફાર કરો]

ઉદ્ધવ ઠાકરેનો જન્મ ૨૭ જુલાઈ ૧૯૬૦ના રોજ રાજકારણી બાલ ઠાકરે અને તેમની પત્ની મીના ઠાકરેના ત્રણ પુત્રોમાં સૌથી નાના તરીકે થયો હતો.[૧][૪] તેમણે શાળાકીય શિક્ષણ બાલમોહન વિદ્યામંદિરમાં કર્યું અને સર જેજે ઇન્સ્ટિટ્યૂટ ઓફ્ એપ્લાઇડ આર્ટમાંથી તેઓ સ્નાતક થયા.[૫]

રાજકીય કારકિર્દી[ફેરફાર કરો]

પ્રારંભિક રાજકીય કારકિર્દી[ફેરફાર કરો]

૨૦૦૨માં ઠાકરેએ બૃહન્મુંબઈ મ્યુનિસિપલ કોર્પોરેશનની ચૂંટણીઓમાં શિવસેનાના પ્રચાર પ્રભારી તરીકે તેમની રાજકીય કારકિર્દીની શરૂઆત કરી હતી, ત્યાં પાર્ટીએ સારું પ્રદર્શન કર્યું હતું. ૨૦૦૩માં તેઓ શિવસેનાના કાર્યકારી પ્રમુખ તરીકે નિમાયા હતા. ઉદ્ધવે ૨૦૦૬માં પાર્ટીના મુખપત્ર સામના (શિવસેના દ્વારા દૈનિક મરાઠી- ભાષાનું અખબાર)ના મુખ્ય સંપાદક તરીકે પદ સંભાળ્યું હતું અને મહારાષ્ટ્રના મુખ્ય પ્રધાન બનતા પહેલાં ૨૦૧૯માં રાજીનામું આપ્યું હતું.[૬]

શિવસેનામાં ભાગલા પડ્યા જ્યારે તેમના પિતરાઇ ભાઇ રાજ ઠાકરેએ ૨૦૦૬માં પાર્ટી છોડી દીધી અને તેમનો પોતાનો મહારાષ્ટ્ર નવનિર્માણ સેના નામનો પક્ષ રચ્યો.[૭] ૨૦૧૨માં તેમના પિતા બાલ ઠાકરેના અવસાન પછી, તેમણે પક્ષનું નેતૃત્વ કર્યું હતું અને ૨૦૧૩માં શિવસેના પ્રમુખ તરીકે ચૂંટાઈ આવ્યા હતા, અને તેમના નેતૃત્વ હેઠળ શિવસેનાએ ૨૦૧૪ માં મહારાષ્ટ્રની એનડીએ સરકારમાં જોડાયા હતા.[૮]

મહારાષ્ટ્રના મુખ્યમંત્રી[ફેરફાર કરો]

જોકે ઠાકરેએ તેમની રાજકીય કારકિર્દીમાં શરૂઆતમાં ક્યારેય કોઈ બંધારણીય પદ સંભાળ્યું ન હતું, જોકે ટૂંકી રાજકીય કટોકટી પછી, નવેમ્બર -૨૦૧૯ના રોજ, ચૂંટણી પછીના ગઠબંધન મહા વિકાસ અઘાડીના પ્રમુખ તરીકે ચૂંટાયા બાદ તેમણે મહારાષ્ટ્રના ૧૯મા મુખ્યમંત્રી તરીકે શપથ લીધા હતા.[૨][૩][૯]

અંગત જીવન[ફેરફાર કરો]

ઉદ્ધવ ઠાકરેએ રશ્મિ ઠાકરે સાથે લગ્ન કર્યા છે અને દંપતીને બે પુત્રો--આદિત્ય અને તેજસ--છે.[૧૦]

સંદર્ભો[ફેરફાર કરો]

  1. ૧.૦ ૧.૧ "Up close and personal with Uddhav Thackeray". Rediff.com. 22 April 2004. મેળવેલ 25 April 2014.
  2. ૨.૦ ૨.૧ "Maharashtra swearing-in HIGHLIGHTS: Farmers first; Uddhav sets priority after first cabinet meet". The Indian Express (અંગ્રેજીમાં). 28 November 2019. મેળવેલ 29 November 2019.
  3. ૩.૦ ૩.૧ "Uddhav Thackeray sworn in as 19th CM of Maharashtra: First of family to hold this office, 59-yr-old gets kudos from Modi, Sonia Gandhi". Firstpost. 29 November 2019. મેળવેલ 29 November 2019.
  4. "Uddhav Thackeray Oath Ceremony : उद्धव ठाकरे बने महाराष्ट्र के CM, छह कैबिनेट मंत्रियों ने भी ली शपथ". NDTVIndia. 28 November 2019. મેળવેલ 8 December 2019.
  5. "Uddhav Thackeray sworn in as the 18th chief minister of Maharashtra". The Economic Times. 28 November 2019. મેળવેલ 16 March 2020.
  6. "Udhav Thackeray quite as Saamna editor". India. મેળવેલ 29 November 2019.
  7. "How A Murder Case Led To Raj Thackeray's Exit From Shiv Sena". HuffPost India (અંગ્રેજીમાં). 25 September 2019. મેળવેલ 8 November 2019.
  8. "Maharashtra government formation news". Times of India. 22 April 2004. મેળવેલ 28 November 2019.
  9. "Udhav Thackeray swearing in as CM". Times of India. મેળવેલ 28 November 2019.
  10. "Uddhav May Shift to New House After LS Elections". Indian Express. Mumbai. 9 April 2014. મેળવેલ 25 April 2014.