તુકારામ ઓમ્બલે

તુકારામ ગોપાલ ઓમ્બલે
જન્મની વિગત	૧૯૫૪
મૃત્યુ	November 2008 (aged 53–54) મુંબઈ, ભારત
પુરસ્કારો	અશોક ચક્ર
પોલીસ કારકિર્દી
વિભાગ	મુંબઈ પોલીસ
સેવાના વર્ષો	૧૯૯૧ - ૨૭ નવેમ્બર ૨૦૦૮
પદવી	મદદનીશ સબ-ઇન્સપેક્ટર

તુકારામ ઓમ્બલે એસી (c. ૧૯૫૪ - ૨૭ નવેમ્બર ૨૦૦૮) એ મુંબઈ પોલીસમાં મદદનીશ સબ ઇન્સપેક્ટર તરીકે નિયુક્ત હતા. તેઓ ભારતીય ભૂમિસેનામાંથી નિવૃત્ત થયા બાદ પોલીસમાં જોડાયા હતા. તેઓ ૨૦૦૮ મુંબઈ હુમલો દરમિયાન ગિરગામ ચોપાટી, મુંબઈ ખાતે આતંકવાદીઓ વિરુદ્ધની કાર્યવાહીમાં શહીદ થયા હતા. તેઓએ હુમલામાં સંડોવણી ધરાવતા આતંકવાદી અજમલ કસાબને જીવિત પકડવામાં મુખ્ય ભૂમિકા ભજવી હતી. પાછળથી અજમલ કસાબ પર ખટલો ચાલ્યો અને તેને ફાંસી પર ચડાવાયો હતો. આ સાહસ, નિસ્વાર્થતા અને સર્વોચ્ચ બલિદાન માટે ઓમ્બલેને ભારત સરકારે અશોક ચક્ર વડે મૃત્યુપર્યંત નવાજ્યા હતા.

જીવનકાળ

ઓમ્બલે ૧૯૯૧માં ભારતીય સેનાના સંચાર કોરમાંથી નાયકના હોદ્દા પરથી નિવૃત્તિ મેળવ્યા બાદ પોલીસમાં ભરતી થયા. ૨૦૦૮ના હુમલા દરમિયાન તેમની ટુકડી આતંકવાદીઓને રોકવા ટાંચા સાધનો સાથે નાકાબંધી કરીને તૈનાત હતી. બે આતંકવાદીઓ ગાડીમાં નાકા પાસે પહોંચ્યા ત્યારે અથડામણમાં તેમની ટુકડીએ એક આતંકવાદીને મારી નાખ્યો જ્યારે અન્ય આતંકવાદી કસાબની બંદૂક નિઃશસ્ત્ર ઓમ્બલે બંને હાથ વડે પકડી રાખી. આમ થતાં કસાબ ટુકડી પર ગોળી ન ચલાવી શક્યો પરંતુ તેણે ઓમ્બલેને અનેક ગોળીઓ મારી. તે સ્થળ પર ઓમ્બલે શહીદ થયા અને બાકીની ટુકડીએ કસાબને જીવિત પકડ્યો.

મુંબઈના નાગરિકોએ તેને દેશનું સર્વોચ્ચ નાગરિક સન્માન આપવા સરકારને અપીલ કરી કેમ કે ઓમ્બલે આત્મઘાતી હુમલો કરવા આવેલ આતંકવાદીને જીવિત પકડવામાં સફળ રહ્યા હતા.

સન્માન અને પુરસ્કાર

• શાંતિકાળનો સર્વોચ્ચ વીરતા પુરસ્કાર અશોક ચક્ર
• 'દેશની અપ્રતિમ સેવા'ની શ્રેણીમાં સીએનએન ઇન્ડિયન ઑફ ધ યર પુરસ્કાર
• ગિરગામ ચોપાટી ખાતે તેમનું તામ્ર મૂર્તિનું અનાવરણ

આ પણ જુઓ

• હેમંત કરકરે
• સંદીપ ઉન્નીક્રિષ્નન
• વિજય સાલસકર
• અશોક કામ્ટે
• ગજેન્દ્ર સિંઘ