વિજય નહેરા

વિજય નહેરા ગુજરાતના વિજ્ઞાન અને ટેકનોલોજી સચિવ છે. તેઓ અમદાવાદ શહેરના પૂર્વ મ્યુનિસિપલ કમિશનર અને ગ્રામ્ય વિકાસ કમિશનર હતા. અને ૨૦૦૧ ગુજરાત જૂથના IAS અધિકારી છે. આ ઉપરાંત તેઓ વડોદરાના જિલ્લા કલેક્ટર, મ્યુનિસિપલ કમિશનર રાજકોટ, અમદાવાદ જિલ્લાના કલેક્ટર જેવા પદો પર પણ રહી ચૂકેલા છે. વડોદરા કલેક્ટર તરીકે તેમને નરેન્દ્ર મોદી ના હસ્તે સર્વ શ્રેષ્ઠ કલેક્ટરનો પુરસ્કાર મળેલ છે.

પ્રારંભિક જીવન

વિજય નેહરાનો જન્મ રાજસ્થાન ખાતે આવેલ સિકર જિલ્લાના છોટી સિહોત ગામે થયેલ હતો. તેઓ એક સૈનિકના સંતાન હતા. ૧૯૮૦માં તેઓએ સરકારી સહાયની મદદથી અભ્યાસ કર્યો.

અમદાવાદ મ્યુનિસિપલ કોર્પોરેશનમાં નોંધપાત્ર કાર્યો

વિજય નહેરા અમદાવાદ મ્યુનિસિપલ કોર્પોરેશનમાં તેમાંના ત્વરિત નિર્ણય માટે જાણીતા છે. પોતાના કાર્યકાળ દરમિયાન તેઓએ મહત્વપૂર્ણ નિર્ણયો લીધા છે.

પીરાણા ડમ્પિંગ સાઈટ

૧૫ ઓગસ્ટ ૨૦૨૨ સુધીમાં પીરાણા ડમ્પિંગ સાઈટ પરનો કચરો દુર કરીને ત્યાની જમીનને કચરાથી મુક્ત કરવા માટે ૩૦૦ કરોડ જેટલું બજેટ ફાળવ્યું છે. તેને કારણે અંદાજે ૧૦૦૦ કરોડનો ફાયદો પણ પહોંચશે.

હૅપી સ્ટ્રીટ

લો ગાર્ડન પાસે ખાઉં ગલી તરીકે ઓળખાતી ગલીની સંપૂર્ણ પણે નવીનીકરણ ૮ કરોડ ના ખર્ચે "હેપી સ્ટ્રીટ" તરીકે કર્યુ. મુખ્યમંત્રી વિજય રૂપાણી દ્વારા તેનું લોકાર્પણ કરવામાં આવ્યું હતુ. રાત્રી દરમિયાન રોડ પર ૪૦ થી ૪૫ ફૂડ ટ્રક હૅપી સ્ટ્રીટ પર લાગશે.

કોરોનાવાયરસ રોગચાળા દરમિયાન

મુખ્ય લેખ: ગુજરાતમાં કોરોનાવાયરસ

ભારતના વડાપ્રધાન નરેન્દ્ર મોદી એ જ્યારે ૨૧ દિવસના ભારત બંધની જાહેરાત કરી ત્યાર પછી અમદાવાદ મ્યુનિસિપલ કમિશનર દ્વારા મહત્વના પગલા લેવામાં આવ્યા હતા. જીવન જરૂરિયાતની તમામ વસ્તુઓ અમદાવાદ મુનિસિપલ કોર્પોરેશન ઘરે પહોંચાડશે, આ ઉપરાંત તેઓએ નમસ્તે અમદાવાદ નામથી ઝુંબેશ ચલાવીને લોકોને હાથ ન મિલાવવા અને ઘરમાં રહેવા વિનંતી કરી હતી.