કંકુ (ચલચિત્ર)

કંકુ
દિગ્દર્શક	કાંતિલાલ રાઠોડ
લેખક	પન્નાલાલ પટેલ
નિર્માતા	કાંતિલાલ રાઠોડ
કલાકારો	કિશોર ભટ્ટ * કિશોર ઝરીવાલા * પલ્લવી મહેતા
છબીકલા	કુમાર જયવન્ત
સંગીત	દિલિપ ધોળકિયા
નિર્માણ નિર્માણ સંસ્થા	આકાર ફિલ્મ્સ
રજૂઆત તારીખ	૧૯૬૯
અવધિ	૧૪૮ મિનિટ
દેશ	ભારત
ભાષા	ગુજરાતી

કંકુ એ ૧૯૬૯માં નિર્મિત ગુજરાતી સામાજિક નાટ્યાત્મક ફિલ્મ છે. આ ફિલ્મમાં કિશોર ભટ્ટ, કિશોર ઝરીવાલા, પલ્લવી મહેતાએ અભિનય આપ્યો હતો. આ ફિલ્મ પન્નાલાલ પટેલની એજ નામની એક ટુંકી વાર્તા પર આધારિત છે. આ ફિલ્મને ૧૭મા રાષ્ટ્રીય ફિલ્મ પુરસ્કારમાં સર્વોત્તમ ગુજરાતી ફિલ્મનો ખિતાબ મળ્યો હતો.

પાર્શ્વભૂમિ

આ ફિલ્મ કંકુ (પલ્લવી મહેતા) નામની એક વિધવાના જીવનના સંઘર્ષનો ચિતાર આપે છે.

નિર્માણ

ગુજરાતી સાહિત્યકાર પન્નાલાલ પટેલે ૧૯૩૬માં નવ-સૌરાષ્ટ્ર સામાયિક માટે એક ૨૦ પાનાની એક ટુંકી વાર્તા લખી હતી. કાંતિલાલ રાઠોડે તેમને મળી આ વાર્તા પર ફિલ્મ બનાવવા રાજી કર્યા. પન્નાલાલ પટેલે જ આ ફિલ્મના સંવાદો પણ લખ્યા.

સંગીત

Untitled

All lyrics are written by વેણીભાઈ પુરોહિત; all music is composed by દિલિપ ધોળકિયા.

ગીત યાદી

ક્રમ	શીર્ષક	ગીત	ગાયકો	અવધિ
1.	"લુચ્ચાં રે લુચ્ચાં"	વેણીભાઈ પુરોહીત	ઈસ્માઈલ વાલેરા	૩:૧૮
2.	"આ મસ્ત ઘટાઓ શ્રાવણની"	વેણીભાઈ પુરોહિત	ઈસ્માઈલ વાલેરા	૩:૨૮
3.	"મુને અંધારે બોલાવે"	વેણીભાઈ પુરોહિત	હંસા દવે	૩:૨૭
4.	"પગલુ પાગલ મન આત્વનું"	વેણીભાઈ પુરોહિત	હંસા દવે	૩:૩૩
કુલ અવધિ:				૧૩.૪૬

આવકાર

આ ફિલ્મ આર્થિક રીતે સફળ રહી હતી અને વિવેચકોએ પણ વખાણી હતી. ફિલ્મ વિવેચક અમૃત ગંગરે આ ફિલ્મને ગુજરાતી ફિલ્મોની આકાશગંગાનો પ્રથમ સાચો ચમકારો ગણાવ્યો હતો.

હોમ-વિડિયો

મોસર બેયરે આ ફિલ્મની ડી.વી.ડી બહાર પાડી હતી. તે મૂળ ફિલ્મનું ટૂંકું સ્વરૂપ હતું. મૂળ ફિલ્મમાંથી ૧૨ મિનિટ જેટલો ભાગ કાપી ૧૩૬ મિનિટની ડી.વી.ડી. બનાવાઈ હતી.

અન્ય રૂપાંતરણ

આ ફિલ્મની સફળતા પછી પન્નાલાલ પટેલે વિસ્તારીને નવલકથા લખી, જેને ધારાવાહી રૂપે જનસત્તા વર્તમાન પત્રમાં ૧૯૭૦ દરમ્યાન છાપવામાં આવી હતી. તેમણે તે નવલકથા કાંતિલાલ રાઠોડને અર્પણ કરી હતી.

ઈનામો

૧૯૭૦માં પલ્લવી મહેતાને શિકાગો આંતરરાષ્ટ્રીય ફિલ્મ મેળામાં પુરસ્કાર મળ્યો હતો. આ ફિલ્મને ૧૭મા રાષ્ટ્રીય ફિલ્મ પુરસ્કારમાં સર્વોત્તમ ગુજરાતી ફિલ્મનો ખિતાબ મળ્યો હતો.

બાહ્ય કડીઓ

• કંકુ IMDb પર
• ગુજરાતી વિશ્વકોશમાં કંકુ (ચલચિત્ર).