રાણી સિપ્રીની મસ્જીદ

રાણી સીપ્રીની મસ્જીદ
રાણી સીપ્રીની મસ્જીદ
ધર્મ
જોડાણ	ઇસ્લામ
સ્થાન
સ્થાન	અમદાવાદ, ગુજરાત, ભારત
અક્ષાંશ-રેખાંશ	23.017222°N 72.590278°E / 23.017222; 72.590278
સ્થાપત્ય
સ્થાપત્ય પ્રકાર	મસ્જીદ
સ્થાપત્ય શૈલી	ઇસ્લામીક વાસ્તુ અને મારુ ગુર્જર વાસ્તુ
પૂર્ણ તારીખ	૧૫૧૪
લાક્ષણિકતાઓ
લંબાઈ	54 ft (16 m)
ઊંચાઇ (મહત્તમ)	50 ft (15 m)

રાણી સિપ્રીની મસ્જીદ અથવા મસ્જીદ-એ-નગીના, અથવા પૂર્વે રાની અસ્નીની મસ્જીદ એ મધ્યયુગીન ભારતના ગુજરાતમાં અમદાવાદ શહેરની કોટ વિસ્તારમાં આવેલી મસ્જિદ છે. આ મસ્જીદની સ્થાપના ગુજરાતના શાસક, મહમદ બેગડાની હિંદુ મહારાણી, રાણી સિપ્રી દ્વારા ૧૫૧૪ માં કરવામાં આવી હતી. તેની દીવાલો પર જટિલ જાળીદાર કોતરણીઓને કારણે તેને મસ્જિદ-એ-નગીના (મસ્જિદના રત્ન) તરીકે પણ ઓળખવામાં આવે છે. ૨૦૦૬-૦૭ માં, અમદાવાદ મ્યુનિસિપલ કોર્પોરેશને રસ્તાના વિસ્તરણ માટે આ સ્મારકનો ભાગ તોડી નાખવાની દરખાસ્ત કરી હતી.

બાંધકામ

આ મસ્જિદનું નામ સુલતાન મહમદ બેગડાની હિંદુ રાણી, રાણી સિપ્રિના નામ પરથી રાખવામાં આવ્યું છે. ઈ. સ. ૧૫૧૪ માં જ્યારે તેના પુત્રને કોઈ દુષ્કર્મ માટે રાજાએ મારી નાખ્યો ત્યારે રાણીએ આ મસ્જિદ શરૂ કરાવી. તેણીના મૃત્યુ પછી રાણીને આ મસ્જિદમાં દફનાવવામાં આવી હતી. મસ્જીદની અંદર, એક જનાના પણ છે, જે મહિલાઓની પ્રાર્થના માટે એક અલગ વિસ્તાર છે.

સ્થાપત્ય

લહેરાતા છોડ અને ઝાડ દર્શાવતી જાળીદાર કોતરણી આ સ્મારકનું મુખ્ય આકર્ષણ છે. સીદી સૈયદની જાળી અને સરખેજ રોઝા જેવા શહેરના અન્ય ઇસ્લામિક સ્થાપત્ય સ્મારકો સમાન આ જાળીનું કામ પણ જટીલ છે

ચિત્રો

• 
  રાણી સિપ્રીની મસ્જિદ
• 
  મકબરાનું ચિત્ર, ૧૮૯૦
• 
  સમાધિના પાયા પરની કોતરણી
• 
  મસ્જિદ અને સમાધિ
• 
  મસ્જિદનો દક્ષિણ છેડો, 1866