ગુજરાતમાં કોવિડ-૧૯ રોગચાળો

ગુજરાતમાં કોરોનાવાયરસ એ કોરોનાવાયરસ રોગ ૨૦૧૯-૨૦ના ભાગરુપે નોવેલ-કોરોનાવાયરસને કારણે ફાટી નીકળ્યો હતો. ગુજરાતમાં ૧૯મી માર્ચ ૨૦૨૦નાં રોજ કોરોનાવાયરસના બે દર્દીઓ સુરત અને રાજકોટમાં મળી આવ્યાં હતાં.

પૃષ્ઠભૂમિ

મુખ્ય લેખ: કોરોનાવાયરસ રોગ ૨૦૧૯

નોવેલ કોરોનાવાયરસ કે સાર્સ કોરોનાવાયરસને કારણે સમગ્ર વિશ્વમાં અને ભારતમાં ૨૦૧૯-૨૦માં રોગચાળો ફાટી નીકળ્યો હતો. આ વાયરસ ચીનના વુહાન શહેરમાં ઉદ્ભવ્યો હતો અને ત્યારબાદ સમગ્ર વિશ્વમાં પ્રસર્યો હતો.

ગુજરાતમાં ૧૯મી માર્ચ સુધી કોઈ પણ સકારાત્મક (પોઝીટીવ) રીપોર્ટ આવ્યો ન હતો. સુરતમાં એક ૨૧ વર્ષની છોકરી કે જે ન્યુયોર્કથી આવેલી હતી અને રાજકોટમાં એક વ્યક્તિ કે જે મદીનાથી આવ્યા હતા તેમનો રીપોર્ટ પોઝીટીવ આવ્યો હતો. ત્યારબાદ ૨૦મી માર્ચે અમદાવાદમાં ત્રણ અને વડોદરામાં બે રીપોર્ટ પોઝીટીવ નોંધાયા હતા; જેમાં બધા વિદેશથી પ્રવાસ કરી આવ્યાં હતાં.

પગલાં

૩૧મી માર્ચ સુધી ગુજરાત સરકાર દ્વારા તમામ શાળા-કોલેજો બંધ કરવાનો હુકમ ૧૫મી માર્ચે આપવામાં આવ્યો હતો. વિદ્યાર્થીઓનું ભણવાનું ન બગડે તેથી ટીવી પર પ્રસારણ કરવાનું જાહેર કરાયું હતું. ભારતના વડાપ્રધાન નરેન્દ્ર મોદીએ ૧૯મી તારીખે લોકોને ૨૨મીના રોજ સવારના ૭થી લઈને રાતના ૯ સુધી "જનતા કર્ફ્યુ" જાળવવાની અપીલ કરી હતી. સુરતમાં તે જ દિવસે ૧૪૪ની કલમ લાગુ કરવામાં આવી હતી.

ઉપચાર

મુખ્ય લેખ: કોરોનાવાયરસ રોગ ૨૦૧૯ § ફેલાવો અટકાવવાના ઉપાયો

કોરોનાનો કોઈ ઉપચાર શોધાયો નથી. અનિવાર્ય કારણોસર ઘરની બહાર ન નીકળવાનું અને હાથને વારંવાર સાબુથી ધોવાનું સૂચન અપાયું છે. સાથે જ તેનો ફેલાવો અટકાવવા માટે મોંઢા, નાક અને આંખને હાથને ન અડકવાનું જણાવ્યું છે.