ધબક

ધબક

સંપાદક(કો)	રશીદ મીર
વર્ગ	સાહિત્ય
આવૃત્તિ	ત્રિમાસિક
બંધારણ	Print
સ્થાપક	રશીદ મીર
સ્થાપના વર્ષ	૧૯૯૧
દેશ	ભારત
મુખ્ય કાર્યાલય	વડોદરા
ભાષા	ગુજરાતી

ધબક એ ગુજરાત, ભારતમાંથી પ્રકાશિત થતું ગુજરાતી ભાષાનું ત્રિમાસિક ગઝલ સામયિક છે. તેનું સંપાદન રશીદ મીર દ્વારા કરવામાં આવે છે. તે ગુજરાતી ગઝલના વિકાસ, પ્રચાર અને તેના સ્વરૂપને સમર્પિત છે.

ઇતિહાસ

ધબકની સ્થાપના ૧૯૯૧માં રશિદ મીર દ્વારા ગુજરાતી લેખક જયંત પાઠકના સૂચનથી કરવામાં આવી હતી. પ્રવિણ દરજીએ પત્રિકાનું નામ સૂચવ્યું હતું. ‘ગઝલને જ વરેલું ત્રૈમાસિક’ એ તેનો મુદ્રાલેખ છે.

વિષયવસ્તુ

ધબક ગઝલ, વિવેચન અને ગઝલસંગ્રહની સમીક્ષા, જીવનચરિત્ર અને ગઝલકારોની મુલાકાતો પ્રકાશિત કરે છે. તે ઉર્દૂ ગઝલના કવિઓ અને તેમની કૃતિઓ પર પણ મહત્વપૂર્ણ લેખો પ્રકાશિત કરે છે. ‘પ્રયોગશીલ ગઝલ વિશેષાંક’ (સપ્ટેમ્બર ૧૯૯૨), ‘ફારસી કાવ્યશાસ્ત્ર વિશેષાંક’ (માર્ચ ૧૯૯૫), ‘શૂન્ય પાલનપુરી વિશેષાંક’ (જૂન ૧૯૯૯) એ તેના ખૂબ જ આવકાર પામેલા ગઝલ વિશેષાંકો છે.

આ પણ જુઓ

• ગઝલવિશ્વ, ત્રિમાસિક ગુજરાતી ગઝલ સામયિક
• શબ્દસૃષ્ટિ, ગુજરાતી સાહિત્ય સામયિક
• કવિલોક, ગુજરાતી ભાષાનું દ્વિમાસિક કવિતાનું સામયિક