ધ્વનિત ઠાકર

ધ્વનિત ઠાકર
જન્મની વિગત	અમદાવાદ, ગુજરાત, ભારત
શિક્ષણ સંસ્થા	શેઠ સી. એન. વિદ્યાલય એમ. જી. સાયન્સ કોલેજ
વ્યવસાય	અભિનેતા, રેડિયો સંચાલક, ગાયક
વેબસાઇટ	અધિકૃત વેબસાઇટ

ધ્વનિત ઠાકર એ ગુજરાતના અમદાવાદના અભિનેતા અને ગાયક છે. તેઓ 2003 થી 2021 રેડિયો મિર્ચી દ્વારા રજુ થતા રેડિયો કાર્યક્રમોના સંચાલક હતા.

પ્રારંભિક જીવન

તેમના માતા-પિતા નીતાબેન અને હરીશકુમાર ઠાકર છે. તેમણે શેઠ સી. એન. વિદ્યાલય ખાતે અભ્યાસ કર્યો છે. તેઓ બાયોટેકનોલોજીમાં સ્નાતક છે. તેમના યુવાકાળ દરમિયાન જ તેમના પિતાનું અવસાન થતા તેમની ભારતીય જીવનવીમા નિગમ (LIC)ની નોકરી તેમણે સ્વીકારી લીધી જ્યાં તેમણે ત્રણ વરસ કામ કર્યું. આર્થિક મુશ્કેલીઓનો સામનો કરતા કરતા તેમણે ૨૦૦૩માં રેડિયો મિર્ચીની પ્રથમ પ્રતિભાશોધ સ્પર્ધામાં ભાગ લીધો. કોઈ પ્રકારની તાલીમ લીધી ન હોવા છતાં તેઓ ૧૫૦૦થી વધુ સ્પર્ધકો સામે જીતી ગયા.

કારકિર્દી

ધ્વનિત ઠાકર રેડિયો મિર્ચી પર સવાર અને સાંજના રેડિયો કાર્યક્રમોનું સંચાલન કરે છે. તેઓ રેડિયો જિંગલ્સ પણ બનાવે છે. ૨૦૦૯માં તેમણે તેમનું પ્રથમ સંગીત આલ્બમ, મજ્જાની લાઈફ, રજુ કર્યું જે અત્યંત સફળ રહ્યું. ૨૦૧૩માં તેમણે ક્લિક કર! આલ્બમ માટે એક ગીત ગાયું હતું. તેમણે ઘણી ગુજરાતી ફિલ્મોમાં ગીતો ગાયા છે જેમકે કેવી રીતે જઈશ, બેટર હાફ અને મોહનના મન્કીઝ. તેઓ અહમદાબાદ મિરરમાં ધ્વનિત સબ જાનતા હૈ અને નવગુજરાત સમયમાં જસ્ટ ધ્વનિત નામે કટારો લખે છે. તેઓ પ્રવાસન કંપની કોક્સ એન્ડ કિંગ્સના બ્રાંડ એમ્બેસેડર પણ રહી ચુક્યા છે. તેઓએ ગુજરાત સરકાર માટે ડોક્યુમેન્ટરી ફિલ્મો પણ બનાવી છે.

ધ્વનિતે ૨૦૧૭માં ફૈઝલ હાશમી દિગ્દર્શિત ગુજરાતી ફિલ્મ વિટામીન શી ફિલ્મ દ્વારા અભિનયના ક્ષેત્રે પ્રદાર્પણ કર્યું.

ચલચિત્ર અભિનય

વર્ષ	ચલચિત્ર	પાત્ર	નિર્દેશક	નોંધ
૨૦૧૬	મિશન મમ્મી	પોતે	આશિષ કક્કડ	ઝલક અભિનય
૨૦૧૭	વિટામીન શી	જીગર	ફૈઝલ હાશમી
૨૦૧૯	શોર્ટ સર્કિટ	સમય	ફૈઝલ હાશમી
૨૦૨૨	પેટીપેક		કે. આર. દેવમણિ

સન્માન

તેઓ શ્રેષ્ઠ ગુજરાતી રેડીઓ જોકીનો એવોર્ડ અને શ્રેષ્ઠ કાર્યક્રમનો એવોર્ડ (ગુરુવાર ગુર્જરી અને હેલો અમદાવાદ) ઇન્ડિયા રેડિયો ફોરમ એવોર્ડ્સ ખાતે ૨૦૦૯, ૨૦૧૦ અને ૨૦૧૫માં જીત્યા હતા.

બાહ્ય કડીઓ

• Official website સંગ્રહિત ૨૦૧૭-૦૩-૩૦ ના રોજ વેબેક મશિન
• Dhvanit on Radio Mirchi
• Dhvanit's Official Facebook Page
• Dhvanit's Official Twitter
• ધ્વનિત ઠાકર ઇન્ટરનેટ મૂવી ડેટાબેઝ પર