રાગિણી શાહ
રાગિણી શાહ | |
|---|---|
| જન્મ | ૧૬ ઓક્ટોબર ૧૯૫૮  મુંબઈ |
રાગિણી શાહ (જન્મ: ૧૬ ઓક્ટોબર ૧૯૫૮) એ એક ભારતીય ફિલ્મ, રંગમંચ અને ટેલિવિઝન અભિનેત્રી છે, અને ગુજરાતી રંગભૂમિની પીઢ અભિનેત્રી છે. ભારતીય ટેલિવિઝન પર તેમણે ઘણી સહાયક ભૂમિકા ભજવી છે, જેમાં રોજીંદી હિન્દી ધારાવાહિક સરસ્વતીચંદ્રમાં દુગ્બાના તેમના અભિનય માટે તેમને યાદ કરવામાં આવે છે.[૧]
પ્રારંભિક જીવન
[ફેરફાર કરો]રાગિણીનો પરિવાર ગુજરાતના મહેસાણાના વતની છે, પરંતુ તેમનો જન્મ અને ઉછેર મુંબઈમાં થયો હતો. રાગિણીના નાની અને તેમની માતા બંને ગુજરાતી નાટકોની જાણીતી અભિનેત્રીઓ હતી, અને તેમના પિતા પણ નાટકોમાં સંગીત નિર્દેશક (મ્યુઝિક ડિરેક્ટર) હતાં. તેણીનો પરિવાર ૧૯૩૦ ના દાયકાથી મનોરંજન ઉદ્યોગ સાથે સંકળાયેલ છે.[૨]
કારકિર્દી
[ફેરફાર કરો]તેણીએ ૫૦ થી વધુ ગુજરાતી ફિલ્મોમાં અભિનય આપ્યો છે. તેઓ એક નિર્દેશક પણ છે. ગુજરાતી ઉદ્યોગમાં પુનરાવર્તિત ભૂમિકાઓ અને નાણાકીય મર્યાદાઓને લીધે, તેમણે મુંબઇ સ્થળાંતર કર્યું, જ્યાં તેમણે કેટલીક હિન્દી ટેલિવિઝન ધારાવાહિકો અને જીવંત ભૂમિકાઓ કરવા માંડી. તેમણે ગુજરાતી ભાષાના ટીવી ધારાવાહિક, મોટી બા માં મુખ્ય ભૂમિકામાં ભજવી હતી, જે ઇટીવી ગુજરાતી પર પ્રસારિત કરવામાં આવતી હતી.[૨]
રાગિણીએ ઘણાં હિન્દી ટીવી નાટ્યાત્મક ધારાવાહિકોમાં ભૂમિકા ભજવી છે. ૧૯૯૦ ના દાયકામાં ચાણક્ય નામની હિંદી ધારાવાહિક થકી તેમણે હિંદી ધારાવાહિક ક્ષેત્રે પદાર્પણ કર્યું. આ ધારાવાહિક દુરદર્શન પર પ્રસારિત થતી હતી. સોની ટીવી પર ૧૯૯૯માં એક મહલ હો સપનો કા નામની હિંદી ધારાવાહિકમાં તે રશ્મિ શેખર નાણાવટીની ભૂમિકામાં જોવા મળ્યા હતા, જે ભારતીય ટેલિવિઝન પરના સૌથી પ્રખ્યાત કૉમેડી-ધારાવાહિકોમાંની એક છે. ઈ.સ. ૨૦૦૧ માં, તેમણે ચંદન કા પલના રેશમ કી દોરીમાં ભૂમિકા ભજવી, ત્યાર પછી વિવિધ હિન્દી રોજીંદી ધારાવાહિકોમાં સહાયક અને માતાની ભૂમિકાઓ ભજવી હતી. શાહને રોમાંચક ધારાવાહિક નાટક સરસ્વતીચંદ્ર (૨૦૧૩–૧૪) માં દુગ્બાની ભૂમિકા માટે વ્યાપકપણે યાદ કરવામાં આવે છે,[૩] આ ધારાવાહિક તે જ નામની નવલકથા પર આધારિત હતી; તેમણે દીયા ઔર બાતી હમ (૨૦૧૧–૧૬) માં માં-સાની ભૂમિકા ભજવી હતી, જે ભારતીય ટેલિવિઝન પરના ઉચ્ચ ક્રમાંકિત શોમાંનો એક છે.[૪]
વિનોદ ગણાત્રાના નિર્દેશનમાં, હારુન અરુણ (૨૦૦૯) માં તેમની ભૂમિકા હતી. શાહે આખા ભારતમાં, યુકે અને યુએસએમાં પણ જીવંત અભિનય આપ્યો છે.[૨]
મે ૨૦૧૯ સુધી, રાગિણી શાહ સ્ટાર પ્લસ ચેનલ પર નામકરણ નામની ધારાવાહિકમાં દયાવંતી મહેતાની સમાંતર મુખ્ય ભૂમિકા નિભાવી રહી છે. દિગ્દર્શક મહેશ ભટ્ટે ભૂતપૂર્વ અભિનેત્રી રીમા લાગૂના અચાનક નિધન પછી શાહનો સંપર્ક કર્યો હતો, જે અગાઉ તે જ ભૂમિકા ભજવતી હતી.[૫]
અંગત જીવન
[ફેરફાર કરો]રાગિણીએ એક્ટર-ડિરેક્ટર દીપક ઘીવાલા સાથે લગ્ન કર્યા છે, જેની સાથે તેણે ગુલાલ નાટકમાં કામ કર્યું હતું. ઘીવાલાએ જો જો મોડા ના પડતા અને ગ્રહણ જેવા ગુજરાતી શો નિર્દેશિત કર્યા છે.
ફિલ્મોગ્રાફી
[ફેરફાર કરો]ટેલિવિઝન
[ફેરફાર કરો]- મોટી બા (ઇટીવી ગુજરાતી પરની ગુજરાતી સીરીયલ)
- ચાણક્ય
- આતિ રહેંગી બહારેં
- શ્રીમતી તરીકે ચંદન કા પલના રેશમ કી ડોરી જાનકી બિમાની
- એક મહેલ હો સપનો કા રશ્મિ શેખર નાણાવટી તરીકે
- મેરા સસુરાલ
- દીયા ઔર બાતી હમ માસા [૬]
- ગુલાલ
- સરસ્વતીચન્દ્ર માં દુર્ગાબા
- દયાવંતી મહેતા તરીકે નામકરણમાં
- તુ તુ મેં મૈં દેવીકા સાસુમા તરીકે
અમુક ફિલ્મો
[ફેરફાર કરો]- ડાકુ રાણી ગંગા (૧૯૭૬, પ્રથમ ગુજરાતી ફિલ્મ)
- હારૂન અરુણ (૨૦૦૯, ગુજરાતી)
- હાર્દિક અભિનંદન (૨૦૧૬, ગુજરાતી ફિલ્મ)
- દાદા હો દિકરી - ગુજરાતી ફિલ્મ
સંદર્ભ
[ફેરફાર કરો]- ↑ "Actor Ragini Shah has been roped for Saraswatichandra". મૂળ માંથી 2014-08-19 પર સંગ્રહિત. મેળવેલ 2020-03-22.
{{cite web}}: Check date values in:|access-date=and|archive-date=(મદદ) - 1 2 3 Ragini Shah
- ↑ "Actor Ragini Shah has been roped for Saraswatichandra". મૂળ માંથી 2014-08-19 પર સંગ્રહિત. મેળવેલ 2020-03-22.
{{cite web}}: Check date values in:|access-date=and|archive-date=(મદદ) - ↑ Ragini Shah Enters into Diya Aur Baati Hum
- ↑ Ragini Shah to play Dayavanti Mehta’s role made famous by Reema Lagoo in Naamkarann: Know more about Gujarati actress!
- ↑ "Ragini Shah and Komal Sharma to comeback in Diya Aur Baati Hum!". મૂળ માંથી 2020-03-22 પર સંગ્રહિત. મેળવેલ 2020-03-22.
{{cite web}}: Check date values in:|access-date=and|archive-date=(મદદ)