વિષ્ણુ પુરાણ

વિષ્ણુ પુરાણ
વિષ્ણુ પુરાણનું મુખપૃષ્ઠ
માહિતી
ધર્મ	હિંદુ ધર્મ
લેખક	વ્યાસ, પરાશર
ભાષા	સંસ્કૃત
શ્લોકો	૨૪,૦૦૦

વિષ્ણુ પુરાણ હિંદૂ ધર્મના ૧૮ મહાપુરાણમાંથી એક છે. જે ભગવાન વિષ્ણુ ને સમર્પિત છે. આ પુરાણ સૌથી પ્રાચીન અને પ્રસિદ્ધ પુરાણો માંથી એક છે. મહર્ષિ વ્યાસ રચિત આ પુરાણમાં ભગવાન વિષ્ણુ અને તેમના પ્રહલાદ, નારદ વગેરે ભક્તો ની કથાઓ સુપેરે આલેખાઈ છે. આ સિવાય આ પુરાણમાં વિષ્ણુજી ની પૂજા વિધિ , વર્ણાશ્રમ ધર્મ, જ્યોતિષ, વિજ્ઞાન, ઇતિહાસ, વંશાવળી, ભૂગોળ, બ્રહ્માંડ ઉત્પત્તિ, વગેરે ની માહિતીઓ આપવામાં આવી છે.

આ પુરાણમાં ભગવાન વિષ્ણુ ને સર્વોપરી ભગવાન તરીકે વર્ણવ્યા હોવાથી વૈષ્ણવ સંપ્રદાયોમાં આ પુરાણનું મહત્વ સવિશેષ છે. આ પુરાણ વિષ્ણુ પરખ હોવા છતાં આમા શિવજી ની કથાઓ પણ સુંદર રીતે આલેખાઈ છે. પદ્મ પુરાણ આ પુરાણ ને સાત્વિક પુરાણ તરીકે વ્યાખ્યાયિત કરે છે.