જેઠાભાઈ રાઠોડ

જેઠાભાઈ ભુરાભાઈ રાઠોડ
ગુજરાત વિધાનસભાના સભ્ય
પદ પર ૧૯૬૭ – ૧૯૭૧
પુરોગામી	માલજીભાઈ સંગ્રામભાઈ ડાભી
અનુગામી	માલજીભાઈ સંગ્રામભાઈ ડાભી
બેઠક	ખેડબ્રહ્મા
અંગત વિગતો
મૃત્યુ	૧૨ મે ૨૦૨૩ ટેબડા, સાબરકાંઠા જિલ્લો, ગુજરાત, ભારત
રાજકીય પક્ષ	સ્વતંત્ર પક્ષ
જીવનસાથી	શારદાબેન
સંતાનો	પાંચ પુત્ર, ચાર પુત્રી

જેઠાભાઈ ભુરાભાઈ રાઠોડ (મૃત્યુ ૧૨ મે ૨૦૨૩) ગુજરાત રાજ્યના ભારતીય રાજકારણી હતા જેમણે ૧૯૬૭ થી ૧૯૭૧ સુધી ખેડબ્રહ્માનું પ્રતિનિધિત્વ કરતા ગુજરાત વિધાનસભાના સભ્ય તરીકે સેવા આપી હતી.

કારકિર્દી

રાઠોડ ૧૯૬૭માં તાલુકા પંચાયતની ચુંટણી માત્ર ૧૯૫ મતથી હાર્યા હતા.

સ્વતંત્ર પક્ષના ઉમેદવાર તરીકે, રાઠોડે ૧૯૬૭ની ગુજરાત વિધાનસભાની ચૂંટણીમાં ભારતીય રાષ્ટ્રીય કોંગ્રેસના ઉમેદવારને ૧૭૦૦૦ મતોના તફાવતથી હરાવ્યા હતા. તેમણે ચૂંટણીમાં સાઇકલ પર પ્રચાર કર્યો હતો. તેમણે ૧૯૬૭ થી ૧૯૭૧ સુધી ખેડબ્રહ્માનું પ્રતિનિધિત્વ કરી ગુજરાત વિધાનસભાના સભ્ય તરીકે સેવા આપી હતી.

તેઓ વિધાનસભામાં હાજરી આપવા માટે રાજ્ય પરિવહનની બસનો ઉપયોગ કરતા હતા. તેઓએ તેમનું બાકીનું જીવન ગરીબીમાં વીતાવ્યું અને સરકારી સહાય માટે બીપીએલ કાર્ડ ધરાવતા હતા. તેમને કોઈ પેન્શન મળ્યું ન હતું.

ઉંમર સંબંધિત ટૂંકી માંદગી બાદ એક મહિના પછી, ૧૨ મે ૨૦૨૩ ના રોજ ટેબડા ગામમાં ૮૬ વર્ષની વયે તેમનું અવસાન થયું. તેમના મૃતદેહનો બીજા દિવસે તેમના ગામ નજીક સાબરમતી નદીના કિનારે અંતિમ સંસ્કાર કરવામાં આવ્યો હતો. તેમના અંતિમ સંસ્કારમાં ખેડબ્રહ્માના વર્તમાન ધારાસભ્ય તુષાર અમરસિંહ ચૌધરી અને અન્ય સ્થાનિક રાજકારણીઓએ હાજરી આપી હતી.

અંગત જીવન

રાઠોડ ગુજરાતમાં સાબરકાંઠા જિલ્લાના પોશીના તાલુકાના ટેબડા ગામમાં રહેતા હતા. તેમણે શારદાબેન સાથે લગ્ન કર્યા હતા. તેમને બીજી પત્ની પણ હતી. તેમને પાંચ પુત્રો અને ચાર પુત્રીઓ હતી.