ભાલચંદ્ર નેમાડે

ભાલચંદ્ર નેમાડે
જન્મ	૧૯૩૮ સનગાવી, રાવેર, મહારાષ્ટ્ર
વ્યવસાય	લેખક
રાષ્ટ્રીયતા	ભારતીય
નોંધપાત્ર પુરસ્કારો	સાહિત્ય અકાદમી એવોર્ડ (૧૯૯૧) * પદ્મશ્રી (૨૦૧૩) * જ્ઞાનપીઠ એવોર્ડ (૨૦૧૪)

ભાલચંદ્ર વનાજી નેમાડે (भालचंद्र वनाजी नेमाडे) (જન્મ ૧૯૩૮) એક મરાઠી લેખક છે. તેઓ તેમના "હિંદુ" અને "કોસલ" નામના પુસ્તકો માટે જાણીતા છે. આ સિવાય તેમની નવલથા "હિંદુ જગાચી સમૃદ્ધિ અડગળ" પણ જાણીતી છે. આ નવલથા માટે તેમને ૨૦૧૪નો જ્ઞાનપીઠ એવોર્ડ મળ્યો છે.

જીવન

તેમનો જન્મ મહારાષ્ટ્રના ખાનદેશમાં આવેલા સનગાવી ગામમાં થયો હતો. તેમણે પુણેમાં આવેલી ફર્ગ્યુસન કોલેજમાંથી સ્નાતક સુધી અભ્યાસ કર્યો. ત્યારબાદ તેમણે ડેક્કન કોલેજમાંથી ભાષાશાસ્ત્રમાં અને મુંબઈ વિદ્યાપીઠમાંથી અંગ્રેજી વિષયમાં અનુસ્નાતકની પદવી મેળવી. તેમણે ઉત્તર મરાઠવાડામાંથી પી. એચ.ડી. તથા ડી.લીટ.ની પદવી મેળવી.

લંડનની સ્કુલ ઓફ ઓરિયેન્ટલ એન્ડ સ્ટડીઝ સહિત અન્ય અનેક સંસ્થાઓમાં તેમણે અંગ્રેજી, મરાઠી અને સાહિત્ય સમાલોચના જેવા વિષયો શીખવાડ્યા છે. મુંબઈ વિદ્યાપીઠની સાહિત્ય સમાલોચન વિભાગની ગુરુદેવ ટાગોર ચેર પરથી તેઓ રિટાયર થયા. નેમાડે ૧૯૬૦ના મરાઠી સામયિક "વાચા"ના તંત્રી રહી ચૂક્યા છે. ૧૯૯૦માં તેમની રચના "ટીકા સ્વયંવર" માટે તેમને સાહિત્ય અકાદમી પુરસ્કાર મળ્યો હતો. ૬ ફેબ્રુઆરી ૨૦૧૫ના દિવસે તેમને જ્ઞાનપીઠ એવોર્ડ મળ્યો.