રેવા (ચલચિત્ર)

રેવા (ગુજરાતી ફિલ્મ)
દિગ્દર્શક	રાહુલ ભોલે વિનીત કનોજીયા
લેખક	રાહુલ ભોલે વિનીત કનોજીયા
નિર્માતા	પરેશ વોરા
કલાકારો	ચેતન ધાનાણી મોનલ ગજ્જર યતિન કાર્યેકર મુનિ ઝા દયાશંકર પાંડે અભિનય બેંકર
છબીકલા	સુરજ સી. કુરાદે
સંપાદન	રાહુલ ભોલે વિનીત કનોજીયા
સંગીત	અમર ખાંડા
નિર્માણ	બ્રેઇન બોક્ષ સ્ટુડીઓ બરોડા ટોકીઝ
વિતરણ	એએ ફિલ્મ્સ
રજૂઆત તારીખ	૬ એપ્રિલ ૨૦૧૮
અવધિ	૧૫૮ મિનિટ
દેશ	ભારત
ભાષા	ગુજરાતી
બજેટ	$૪૪૧૦૦૩
બોક્સ ઓફિસ	₹૩ crore (US$૩,૯૦,૦૦૦)

રેવા એ વર્ષ ૨૦૧૮માં પ્રસ્તુત થયેલી એક ગુજરાતી ફિલ્મ છે. બ્રેઈનબોક્ષ અને વડોદરા ટોકીઝ દ્વારા પ્રસ્તુત કરાયેલી આ ફિલ્મના મુખ્ય કલાકારો ચેતન ધાનાણી અને મોનલ ગજ્જર છે. આ ફિલ્મ ગુજરાતી નવલકથાકાર ધ્રુવ ભટ્ટની ૧૯૯૮માં પ્રગટ થયેલી નવલકથા તત્ત્વમસિ પર આધારિત છે. ફિલ્મનું દિગ્દર્શન રાહુલ ભોલે અને વિનીત કનોજીયા દ્વારા કરવામાં આવ્યું છે. આ ફિલ્મ ૬૬મા રાષ્ટ્રીય ફિલ્મ પુરસ્કારોમાં ગુજરાતી ભાષાની સર્વશ્રેષ્ઠ ફિલ્મ તરીકે પુરસ્કૃત કરવામાં આવી છે.

કથા

કરણ એક ૨૫ વર્ષીય અમેરિકન NRI છે. વારસામાં મળેલી સુખસાહ્યબી અને ખર્ચાળ જીવનશૈલી તેના જીવનનું એકમાત્ર કેન્દ્રબિંદુ છે. અચાનક તેના દાદાનું અવસાન થઈ જાય છે. તેના દાદાએ તેમની તમામ સંપત્તિ ભારતમાં નર્મદા નદીને કિનારે આવેલા એક આશ્રમને દાન આપી દીધી છે. આશ્રમના ટ્રસ્ટીઓના હસ્તાક્ષરવાળુ "ના વાંધા પ્રમાણપત્ર" આ સંપત્તિ પાછી મેળવવાનો એક માત્ર રસ્તો છે. આ પ્રકારે સંપત્તિ પાછી મેળવવાના લક્ષ્ય સાથે કરણ ભારતની મુલાકાતે આવે છે. ટ્રસ્ટીઓને રાજી કરવાના પ્રયાસોમાં તે નિયતિની ઘટમાળમાં ગુંથાતો જાય છે. અને અહીંથી તેના ભીતરની એક અનંત યાત્રાનો પ્રારંભ થાય છે.

કલાકાર

• ચેતન ધાનાણી
• મોનલ ગજ્જર
• યતિન કાર્યેકર
• મુનિ ઝા
• દયાશંકર પાંડે
• અભિનય બેંકર
• સેજલ શાહ
• અતુલ મહાલે
• સુભાષ બ્રહ્મભટ્ટ
• ફિરોજ ભગત
• રૂપા બોરગાંવકર
• પ્રશાન્ત બારોટ
• મલ્હાર ઠાકર - વિશેષ ઉપસ્થિતિ

પ્રસ્તુતિ

આ ફિલ્મ ગુજરાતી નવલકથાકાર ધ્રુવ ભટ્ટની ૧૯૯૮માં પ્રગટ થયેલી નવલકથા તત્ત્વમસિ પર આધારિત છે.ફિલ્મના દિગ્દર્શક માટે પાત્રોની સંખ્યા અને કથાનું હાર્દ તથા તેની પાછળનું દર્શન એક પડકાર હતો. આથી લેખકે તેમને કથામાં સુધારાવધારા કરવાની અનુમતિ આપી હતી. ફિલ્મની પટકથા દિગ્દર્શકો દ્વારા જ લખવામાં આવી હતી. આ ફિલ્મનું શુટિંગ ગુજરાત અને મહારાષ્ટ્રના નર્મદા નદીને કિનારે આવેલા ભેડાઘાટ, ગૌરીઘાટ, મહેશ્વર ઘાટ અને માંગરોલ જેવા ૧૫ જેટલા અલગ અલગ સ્થાનો પર કરવામાં આવ્યું હતું.

ગીત-સંગીત

ફિલ્મનું સંગીત અમર ખાંડાએ આપ્યું હતું તથા ૩ માર્ચ ૨૦૧૮ ના રોજ રીલીઝ કરવામાં આવ્યું હતું.

ગીત નંબર

ક્રમ	શીર્ષક	ગીત	ગાયક	અવધિ
1.	"મા રેવા"	ચેતન ધાનાણી	કિર્તીદાન ગઢવી	૩:૨૨
2.	"રેવા શિર્ષક ગીત"	ચેતન ધાનાણી	દિવ્ય કુમાર	૩:૪૨
3.	"નમામિ દેવી નર્મદે"	ચેતન ધાનાણી, પરંપરાગત શ્લોક	ભવ્ય પંડિત, શલાકાઅ રેડકર, શ્રીરામ ઐયર	૪:૧૨
4.	"સંગીત જલસો (દરસ પિયા સી)"	પંકજ ત્રિવેદી	અર્પિતા મુખર્જી	૫:૦૫
5.	"ઊઠ જાગ મુસાફિર"	ચેતન ધાનાણી	શહજાન મુજીબ, અર્ચના શ્રીકાંત	૩:૪૩
6.	"કાળો ભમ્મરિયો"	લોકગીત	આરોહી માત્રે	૨:૪૪
કુલ અવધિ:				૨૧:૩૫

રજૂઆત

ફિલ્મ ૬ એપ્રિલ ૨૦૧૮ના રોજ મહારાષ્ટ્ર અને ગુજરાતમાં રજૂ કરવામાં આવી હતી. ફિલ્મએ બોક્સ ઓફિસ પર ₹૩ crore (US$૩,૯૦,૦૦૦)થી વધુની કમાણી કરી હતી

આવકાર

ફિલ્મની શરૂઆત સકારાત્મક થઈ હતી. ટાઈમ્સ ઓફ ઈન્ડિયાના શ્રુતિ જાંભેકરે ફિલ્મને પાંચમાંથી ૩.૫નું રેટિંગ્સ આપ્યું હતું. તેમણે વાર્તાબીજ, કથાગુંથણી, છાયાંકન (સિનેમેટોગ્રાફી) તથા ફિલ્મ નિષ્પાદનની પ્રશંસા કરી. પરંતુ ફિલ્મની લંબાઈની ટીકા કરી. દેશ ગુજરાતે પણ ફિલ્મને પાંચમાંથી ૩.૫નું રેટિંગ્સ આપ્યું હતું. ફિલ્મનું સંગીત ખૂબ વખણાયું હતું.

આ ફિલ્મએ વર્ષ ૨૦૧૮ની ગુજરાતી ભાષાની સર્વશ્રેષ્ઠ ફિલ્મ તરીકેનો રાષ્ટ્રીય ફિલ્મ પુરસ્કાર મેળવ્યો હતો.

આ પણ જુઓ

• ગુજરાતી ફિલ્મોની યાદી

બાહ્ય કડીઓ

• રેવા IMDb પર
• રેવા ફિલ્મનું અધિકારીક ઓડિયો યુટ્યુબ પર