ધ્રુવ ભટ્ટ

ધ્રુવ પ્રબોધરાય ભટ્ટ
ધ્રુવ ભટ્ટ
જન્મ	ધ્રુવ પ્રબોધરાય ભટ્ટ ૮ મે, ૧૯૪૭ નીંગાળા, ભાવનગર
રાષ્ટ્રીયતા	ભારતીય
મુખ્ય રચના(ઓ)	તત્વમસિ, અકૂપાર, સમુદ્રાન્તિકે
મુખ્ય પુરસ્કારો	સાહિત્ય અકાદમી પુરસ્કાર ૨૦૦૨
જીવનસાથી	દિવ્યા ભટ્ટ
સંતાનો	દેવવ્રત (પુત્ર) શિવાની (પુત્રી)

ધ્રુવ પ્રબોધરાય ભટ્ટ (જન્મ: ૮ મે, ૧૯૪૭) ગુજરાતી ભાષાના લેખક અને કવિ છે.

જીવન

ધ્રુવ ભટ્ટનો જન્મ ૮ મે, ૧૯૪૭ના રોજ ભાવનગર જિલ્લાના નીંગાળામાં થયો હતો. તેમનો અભ્યાસ વિવિધ જગ્યાએ થયો. તેઓએ જાફરાબાદમાં ૧ થી ૪ ધોરણ અને કેશોદમાંથી મેટ્રિકનો અભ્યાસ કર્યો હતો. ત્યારબાદ તેમણે વાણિજ્યમાં બીજા વર્ષ સુધીના અભ્યાસ બાદ વધુ અભ્યાસ પડતો મૂક્યો હતો.

સર્જન

તેમની પ્રથમ નવલકથા અગ્નિકન્યા ૧૯૮૮માં પ્રકાશિત થયું હતું, જે મહાભારત પર આધારિત હતું. ખોવાયેલું નગર તેમનું બાળકો માટેનું પુસ્તક છે, જે ૧૯૮૦માં પ્રકાશિત થયું હતું.

ધ્રુવ ભટ્ટના પુસ્તકોનો હિંદી, મરાઠી અને અંગ્રેજીમાં અનુવાદ થયેલો છે. તેમનાં સર્જનની યાદી નીચે પ્રમાણે છે:

પુસ્તકો

આ યાદી અપૂર્ણ છે; તમે તેને વિસ્તૃત કરી શકો છો.

પુસ્તક	વર્ષ	પ્રકાશક	પુરસ્કાર/નોંધ
ખોવાયેલું નગર	૧૯૮૪		બાળ સાહિત્ય
અગ્નિકન્યા	૧૯૮૮	હર્ષ પ્રકાશન
સમુદ્રાન્તિકે	૧૯૯૩	ગુર્જર ગ્રંથરત્ન કાર્યાલય
તત્વમસિ	૧૯૯૮		સાહિત્ય અકાદમી પુરસ્કાર (દિલ્હી)
અતરાપી	૨૦૦૧
ગાય તેનાં ગીત	૨૦૦૩		કાવ્ય સંગ્રહ
કર્ણલોક	૨૦૦૫
અકૂપાર	૨૦૧૧	ગુર્જર ગ્રંથરત્ન કાર્યાલય
લવલી પાન હાઉસ	૨૦૧૨
તિમિરપંથી	૨૦૧૫	ન્યૂઝહન્ટ / WBG પબ્લિકેશન
શ્રુનવંતુ			કાવ્ય સંગ્રહ

અન્ય

તેમના પુસ્તક અકૂપાર પરથી એ જ નામનું નાટક અદિતિ દેસાઈના દિગ્દર્શનમાં બનાવવામાં આવ્યું છે. આ નાટકને ટ્રાન્સમીડિયા અવોર્ડ સમારંભ ૨૦૧૩માં બે પુરસ્કારો મળ્યા હતા. તેમના પુસ્તક તત્વમસિ પરથી ગુજરાતી ચલચિત્ર રેવા ૨૦૧૮માં રજૂ થયું હતું.

પુરસ્કાર

તેમની નવલકથા તત્વમસિ માટે તેમને ૨૦૦૨માં સાહિત્ય અકાદમી પુરસ્કાર પ્રાપ્ત થયો હતો.

બાહ્ય કડીઓ

• ધ્રુવ ભટ્ટની કેટલીક રચનાઓ