વિક્રમ સંવત

વિક્રમ સંવત એ હિંદુ વૈદિક પંચાંગની એક પ્રણાલી પ્રમાણે વર્ષનું નામ છે. ખાસ કરીને ગુજરાતી પંચાંગ વિક્રમ સંવતને અનુસરે છે. એક માન્યતા પ્રમાણે વિક્રમાદિત્યે શક રાજાઓને હરાવી ને અવન્તિ દેશને મુક્ત કર્યો અની યાદમા આ સંવત શરુ કરવામા આવ્યો હતો. ભારતીય ગુજરાતમાં સોલંકી રાજાઓના સમયથી વિક્રમ સંવત પ્રચલીત રહ્યો છે. આ પંચાંગ મુજબ વર્ષના બાર મહિનાઓ હોય છે. જેના દિવસોની ગણતરી ચંદ્રની કળાને આધારે કરવામાંઆવે છે. ગુજરાતી પંચાંગ મુજબ દરેક મહિનાની મધ્યમાં પૂનમ આવે છે, જ્યારે છેલ્લા દિવસે અમાસ આવે છે. દરેક મહિનામાં બે પખવાડિયાં હોય છે.

૨૦૦૮માં વિક્રમ સંવંતનું ૨૦૬૪મું વર્ષ ચાલે છે. ગ્રેગોરીયન પંચાંગની તારીખ ૨૯મી ઓક્ટોબર ૨૦૦૮થી વિક્રમ સંવંત ૨૦૬૫ના વર્ષની શરુઆત થશે. આ વિક્રમ સંવંત મુજબ વર્ષના મહિનાઓ નીચે મુજબ હોય છે.

• પ્રથમ કારતક મહિનો

• દ્વિતીય માગશર મહિનો

• તૃતીય પોષ મહિનો

• ચોથો મહા મહિનો

• પાંચમો ફાગણ મહિનો

• છઠ્ઠો ચૈત્ર મહિનો

• સાતમો વૈશાખ મહિનો

• આઠમો જેઠ મહિનો

• નવમો અષાઢ મહિનો

• દસમો શ્રાવણ મહિનો

• અગિયારમો ભાદરવો મહિનો

• બારમો આસો મહિનો