હાર્ટી માર્ટ

હાર્ટી માર્ટ એન્ટરપ્રાઈઝ

ખાનગી કંપની
ઉદ્યોગ	છૂટક વ્યાપાર
સ્થાપના	૨૦૦૪
સ્થાપકો	નદીમ જાફરી
સ્થાનોની સંખ્યા	અમદાવાદ, સિદ્ધપુર, ધોળકા, મોરબી
કર્મચારીઓ	૧૪૦
વેબસાઇટ	https://heartymart.com

હાર્ટી માર્ટ એન્ટરપ્રાઈઝ એ નદીમ જાફરી દ્વારા સ્થાપિત ગ્રામીણ અને શહેરી રિટેલ શ્રુંખલા છે. હાર્ટી માર્ટનો કેસ સ્ટડી આઇ.આઇ.એમ. અમદાવાદ, આંત્રપ્રિન્યોરશિપ ડેવલપમેન્ટ ઇન્સ્ટિટ્યૂટ ઑફ ઇન્ડિયા અને અન્ય સંસ્થાઓમાં શીખવવામાં આવે છે.

નિરીક્ષણ

રિટેલ સ્ટોર તરીકે શરૂ કરેલ હાર્ટી માર્ટ એન્ટરપ્રાઈઝ વર્તમાનમાં ગ્રામીણ રોજગાર પર ધ્યાન કેન્દ્રિત કરી રહી છે. આ જૂથ હવે તરત તૈયાર થઈ શકે એવી બનાવેલી ખોરાકની વસ્તુ, મસાલા, તેજાના, ચા સાથે કામ કરી રહ્યું છે. તેમના મુખ્ય આઉટલેટ્સ અમદાવાદ, સિદ્ધપુર, ધોળકા, મોરબી અને ગુજરાતના વિવિધ ગ્રામીણ અને અર્ધ શહેરી વિસ્તારોમાં સ્થિત છે. ગુજરાતમાં લોકડાઉન દરમિયાન હાર્ટી માર્ટે મફત રાશન કિટ આપવા માટેની મહત્વની ભૂમિકા ભજવી હતી.

ઇતિહાસ

હાર્ટી માર્ટની શરૂઆત શ્રી જાફરી દ્વારા ૨૦૦૪માં અમદાવાદના જુહાપુરા ખાતે સુપર માર્કેટમાં કરવામાં આવી હતી. ગ્રામીણ લોકોને રોજગારી આપવા તેમજ તેમને આત્મનિર્ભર બનાવવા, જૂથે ઇલોલ, પીપોદર, કાકોશી, વડનગર અને ઇડર જેવા નાના શહેરોમાં સ્ટોર્સ શરૂ કર્યા હતા. સ્થાન અને અન્ય પરિબળોના આધારે આ સ્ટોર્સ ૬૦૦ ચોરસ ફૂટ સુધીના છે. તેમના અવિકસિત સંકલનને સુધારવા માટે તેઓએ સપ્લાય ચેઈન બિઝનેસ શરૂ કર્યો છે. હવે જૂથ બેકરી, HoReCa, ઉત્પાદન, મસાલા વગેરે જેવા વિવિધ વર્ટિકલ્સમાં વિગતવાર છે.