પ્રબોધકાંત પંડ્યા

પ્રબોધકાંત પંડ્યા
મૃત્યુ	૨૨ ઓગસ્ટ ૨૦૨૧  અમદાવાદ
વ્યવસાય	રાજકારણી
રાજકીય પક્ષ	ભારતીય જનતા પાર્ટી, ગુજરાત પરિવર્તન પાર્ટી
પદની વિગત	વિધાનસભ્ય - ગુજરાત વિધાનસભા

પ્રબોધકાંત દામોદરદાસ પંડ્યા (૧૯૪૩/૧૯૪૪ – ૨૨ ઓગસ્ટ ૨૦૨૧) ગુજરાતના રાજકારણી હતા.

રાજકીય કારકિર્દી

પંડ્યા ૧૯૮૫થી ૧૯૯૦ સુધી જનતા પાર્ટીના સભ્ય તરીકે, ૧૯૯૦થી ૧૯૯૫ જનતા દળના સભ્ય તરીકે અને ૨૦૦૨થી ૨૦૦૭ ભારતીય જનતા પાર્ટી (ભાજપ) ના સભ્ય તરીકે સંતરામપુર બેઠકથી ગુજરાત વિધાનસભાના ધારાસભ્ય હતા. તેઓ ચીમનભાઈ પટેલની સરકારમાં ગૃહ અને શિક્ષણ વિભાગના રાજ્યકક્ષાના મંત્રી તરીકે ફરજ બજાવતા હતા. ૨૦૧૨માં તેઓ ભાજપ છોડીને ગુજરાત પરિવર્તન પાર્ટીમાં જોડાયા હતા. તેઓ લુણાવાડા બેઠક પરથી ૨૦૧૨ની ગુજરાત વિધાનસભાની ચૂંટણી લડ્યા હતા અને હારી ગયા હતા.

તેમણે ગુજરાતના કડાણા તાલુકાના નંદીનાથ મહાદેવ મંદિરના વિકાસ માટે કામ કર્યું હતું.

મૃત્યુ

૨૨ ઓગસ્ટ ૨૦૨૧ના રોજ અમદાવાદ ખાતે ૭૭ વર્ષની વયે તેમનું અવસાન થયું હતું. તેમના વતન કડાણા તાલુકાના જગુના મુવાડા ગામે તેમના અંતિમ સંસ્કાર કરવામાં આવ્યા હતા.