પાઘડી
Jump to navigation
Jump to search
પાઘડી એ માથા પર બાંધીને પહેરવાનું પરિધાન અથવા પહેરવેશ છે. માથા પર પાઘડી ધારણ કરવાનું શીખ લોકોના પાંચ ઓળખ માટેનાં ચિહ્નોમાંથી એક છે. પાઘડી વિશ્વના અનેક સમાજોમાં પ્રચલિત હતી. ભારત દેશમાં પણ પાઘડીનું ઘણું ચલણ હતું અને બધાજ વર્ગના લોકો પાઘડી ધારણ કરતા હતા. એ સમયમાં લોકો પાઘડીનો આકાર જોઇને એની પ્રાદેશિક અને ધંધાકીય ઓળખ કરી શકતા હતા. અંગ્રેજોના આગમન પછીના સમયમાં આ પરિસ્થિતિમાં ધીરે-ધીરે ઓટ આવી.
ગુજરાત રાજ્યમાં પણ પાઘડી પહેરવાની પરંપરા ઘણી જ પ્રચલિત હતી. વર્તમાન સમયમાં પણ અહીંના ભાતિગળ મેળાઓમાં પાઘડી પહેરેલા પુરુષો જોવા મળે છે. ગુજરાતી લોકગીતો, વાર્તાઓ, કહેવતો વગેરેમાં પણ પાઘડીનો ઉલ્લેખ અવારનવાર થયેલો જોવા મળે છે.
