હર્ષ બ્રહ્મભટ્ટ

હર્ષ બ્રહ્મભટ્ટ
ગુજરાતી સાહિત્ય પરિષદ ખાતે, જૂન ૨૦૧૬
જન્મ	હર્ષ વાડીલાલ બ્રહ્મભટ્ટ ૩૧ જુલાઇ ૧૯૫૪ મહેસાણા, ગુજરાત
વ્યવસાય	કવિ, લેખક
ભાષા	ગુજરાતી, ઉર્દૂ
રાષ્ટ્રીયતા	ભારતીય
શિક્ષણ	એમ.એસસી
શિક્ષણ સંસ્થા	ગુજરાત યુનિવર્સિટી
મુખ્ય રચનાઓ	જીવનનો રીયાઝ (૨૦૧૦) ઝાકળ ને તડકાની વચ્ચે
મુખ્ય પુરસ્કારો	શયદા પુરસ્કાર (૨૦૧૦) કલાપી પુરસ્કાર (૨૦૧૨) ઉમા-સ્નેહરશ્મિ પુરસ્કાર (૨૦૧૨-૨૦૧૩) કુમાર સુવર્ણ ચંદ્રક (૨૦૧૫) ધનજી કાનજી ગાંધી સુવર્ણ ચંદ્રક (૨૦૧૫)
સહી

હર્ષ બ્રહ્મભટ્ટ (જન્મ: ૩૧ જુલાઈ ૧૯૫૪‌) ગુજરાતી કવિ, ગઝલકાર અને લેખક છે.

જીવન

તેમનો જન્મ મહેસાણામાં થયો હતો. તેઓ અમદાવાદમાં ગુજરાત સરકારના વહીવટી વિભાગમાં ફરજ બજાવીને નિવૃત્ત થયા છે અને હાલમાં રીલાયન્સ ઇન્ડસ્ટ્રીઝમાં સલાહકાર છે.

સર્જન

એમણે એકલતાની ભીડમાં, અંદર દીવાદાંડી, જીવનનો રીયાઝ (૨૦૧૦), અને ઝાકળ ને તડકાની વચ્ચે જેવા કાવ્ય સંગ્રહો આપ્યા છે. ગુજરાતી તથા ઉર્દૂ એમ બંને ભાષાઓમાં તેઓ ગઝલોની રચના કરે છે. "કન્દીલ" એમનો ઉર્દૂ શાયરીઓનો સંગ્રહ છે.

બાહ્ય કડીઓ

• હર્ષ બ્રહ્મભટ્ટ ગુજલિટ પર