મહુડી

મહુડી
—  ગામ  —
મહુડી જૈન મંદિર
મહુડી  મહુડીનું ગુજરાત અને ભારતમાં સ્થાન
અક્ષાંશ-રેખાંશ	23°13′29″N 72°38′47″E
દેશ	ભારત
રાજ્ય	ગુજરાત
જિલ્લો	ગાંધીનગર
તાલુકો	માણસા
અધિકૃત ભાષા(ઓ)	ગુજરાતી,હિંદી[૧]
સમય ક્ષેત્ર	ભારતીય માનક સમય (+૦૫:૩૦)
સગવડો	પ્રાથમિક શાળા, પંચાયતઘર, આંગણવાડી, દૂધની ડેરી
મુખ્ય વ્યવસાય	ખેતી, ખેતમજૂરી, પશુપાલન
મુખ્ય ખેત-ઉત્પાદનો	ઘઉં, બાજરી, કપાસ, દિવેલી, શાકભાજી

મહુડી (તા. માણસા) ભારત દેશના પશ્ચિમ ભાગમાં આવેલા ગુજરાત રાજ્યના મધ્ય ભાગમાં આવેલા ગાંધીનગર જિલ્લામાં આવેલા કુલ ૪ (ચાર) તાલુકાઓ પૈકીના એક એવા માણસા તાલુકામાં આવેલું એક ગામ છે. મહુડી ગામના લોકોનો મુખ્ય વ્યવસાય ખેતી, ખેતમજૂરી તેમ જ પશુપાલન છે. આ ગામમાં મુખ્યત્વે ઘઉં, બાજરી, કપાસ, દિવેલી, રાઇ, તમાકુ તેમ જ શાકભાજીના પાકની ખેતી કરવામાં આવે છે. આ ગામમાં પ્રાથમિક શાળા, પંચાયતઘર, આંગણવાડી તેમ જ દૂધની ડેરી જેવી સવલતો પ્રાપ્ય થયેલી છે.

મહુડી જૈન મંદિર

ઘંટાકર્ણ મહાવીર, મહુડી

મહુડી ખાતે ઘંટાકર્ણ મહાવીરનું ભવ્ય જૈન મંદિર સંકુલ આવેલું છે. અહીં આસ્થાળુઓ મોટી સંખ્યામાં દર્શન કરવા માટે આવતા હોય છે. આ તીર્થ સુખડીના પ્રસાદ માટે જાણીતું છે.

મહુડી ગાંધીનગરથી ૩૫ કિલોમીટર, અમદાવાદથી ૭૦ કિલોમીટર જેટલા અંતરે આવેલું છે. અહીથી નજીકનું મોટું મથક વિજાપુર ૬ કિલોમીટરના અંતરે આવેલું છે. પૌરાણિક કાળમાં આ સ્થળને મધુપુરી તરીકે ઓળખવામાં આવતું હતું.