નરેશ કનોડિયા

વિકિપીડિયામાંથી
દિશાશોધન પર જાઓ શોધ પર જાઓ
નરેશ કનોડિયા
જન્મ૨૦ ઓગસ્ટ ૧૯૪૩ Edit this on Wikidata
મહેસાણા જિલ્લો Edit this on Wikidata
મૃત્યુ૨૭ ઓક્ટોબર ૨૦૨૦ Edit this on Wikidata
અમદાવાદ Edit this on Wikidata
પુરસ્કારો

નરેશ કનોડિયા (૨૦ ઓગસ્ટ ૧૯૪૩ - ૨૭ ઓક્ટોબર ૨૦૨૦) ગુજરાતી ચલચિત્ર જગતનાં પીઢ કલાકાર હતા.[૧]

જીવન[ફેરફાર કરો]

તેમનો જન્મ ગુજરાત રાજ્યનાં કનોડા ગામે ૨૦ ઓગસ્ટ ૧૯૪૩ના રોજ થયો હતો.[૨] તેઓ ખ્યાતનામ ગુજરાતી ગાયક અને સંગીતકાર મહેશ કનોડિયાના નાનાભાઈ હતા.

૨૭ ઓક્ટોબર ૨૦૨૦ના રોજ યુ.એન. મહેતા ઇન્સ્ટિટ્યુટ ઓફ કાર્ડિઓલોજી એન્ડ રીસર્ચ સેન્ટર, અમદાવાદ ખાતે તેમનું અવસાન કોવિડ-૧૯ના કારણે થયું હતું.[૩][૪] તેમના ભાઇ મહેશ ૨ દિવસ પહેલા અવસાન પામ્યા હતા.[૫]

કારકિર્દી[ફેરફાર કરો]

નરેશ કનોડિયાની કારકિર્દીનો વ્યાપ આશરે ૪૦ વર્ષોનો છે, આ દરમિયાન તેમણે ઘણી આગળ પડતી અભિનેત્રીઓ જેવી કે, સ્નેહલતા, અરુણા ઈરાની, રોમા માણેક વગેરે ૭૨ અભિનેત્રીઓ સાથે કામ કર્યું છે. તેમણે કારકિર્દીની શરૂઆત ચલચિત્ર વેલીને આવ્યા ફૂલ થી કરી હતી. તેઓ મહેશકુમાર એન્ડ પાર્ટીમાં જોની જૂનિયરના ઉપનામે છેલ્લાં ચાલીસેક વર્ષોથી રજૂઆત કરતા હતા.

નરેશ કનોડિયાના કેટલાંક જાણીતા ચલચિત્રોમાં જોગ સંજોગ, કંકુની કિંમત, ઢોલા મારૂ, મેરૂમાલણ, વણજારી વાવ, જુગલ જોડી વગેરે છે. તેમણે ૧૨૫ ગુજરાતી ચલચિત્રોમાં મુખ્ય અભિનેતા અને સહાયક અભિનેતા તરીકે કામ કરવા ઉપરાંત પોતાના મોટાભાઈ મહેશ કનોડિયા સાથે જોડી બનાવીને ૧૫૦ જેટલી ફિલ્મોમાં સંગીત આપ્યું છે. તેમનો પુત્ર હિતુ કનોડિયા પણ ગુજરાતી ચલચિત્રનો કલાકાર છે. નરેશ કનોડિયા ઉપેન્દ્ર ત્રિવેદી, અસરાની, કિરણ કુમાર વગેરે સાથે ગુજરાતી ચલચિત્ર જગતની એ જુની પેઢીનું પ્રતિનિધિત્વ કરે છે જેણે ૧૯૮૦ અને ૧૯૯૦નાં દાયકામાં ઘણાં સફળ ચલચિત્રો આપ્યાં.

તેઓ ગુજરાતના કરજણ વિધાનસભા મતક્ષેત્રમાંથી વિધાન સભાના સભ્ય પણ રહી ચૂક્યા છે.[૬][૭]

તેમનું જીવનવૃત્તાંત સૌના હ્રદયમાં હંમેશ: મહેશ-નરેશ તરીકે ૨૦૧૧માં પ્રકાશિત થયું હતું.[૮]

ચલચિત્રો[ફેરફાર કરો]

ચલચિત્ર નોંધ
જોગ-સંજોગ
હિરણને કાંઠે
મેરૂ માલણ
ઢોલા મારૂ
માબાપને ભૂલશો નહી ઉપેન્દ્ર ત્રિવેદી સાથે
મોતી વેરાણા ચોકમાં
પાલવડે બાંધી પ્રીત
ભાથીજી મહારાજ
પરદેશી મણિયારો
વણઝારી વાવ
તમે રે ચંપો ને અમે કેળ
જુગલ જોડી અસરાની સાથે
તાનારીરી
વેણીને આવ્યાં ફૂલ
જીગર અને અમી સંજીવ કુમાર સાથે
કડલાની જોડ કિરણ કુમાર સાથે
સાયબા મોરા કિરણકુમાર સાથે
રાજકુંવર અરવિંદકુમાર સાથે
ટહુકે સાજણ સાંભરે
લોહી ભીની ચુંદ્ડી
વીર બાવાવાળો
કંકુની કિંમત ડેની, વિનોદ મેહરા અને બિંદીયા ગોસ્વામી સાથે
સંત સવૈયાનાથ
હિરલ હમીર
શરદ પૂનમની રાત પુનીત ઈસ્સર સાથે
રાજ રાજવણ
મારે ટોડલે બેઠો મોર
ઢોલી
ઝુલણ મોરલી
ગોવાળીયો હીતુ કનોડીયા સાથે
ધંતીયા ઓપન
બાપ ધમાલ, દીકરા કમાલ હીતુ કનોડીયા સાથે
જોડે રહેજો રાજ
પારસ પદમણી રાજીવ સાથે
કાળજાનો કટકો રણજીત રાજ સાથે
બેની હું તો બાર બાર વરસે આવીયો
વટ વચન ને વેર
લાડી લાખની સાયબો સવા લાખનો
કેશર ચંદન
નર્મદાને કાંઠે
મહેંદી રંગ લાગ્યો
વિશ્વકર્મા
રાજ રતન
સાજણ હૈયે સાંભરે મણિરાજ બારોટ સાથે
પંખીડા ઓ પંખીડા
તારી મહેંદી મારે હાથ
ઉજળી મેરામણ
વટનો કટકો અરૂણ ગોવિલ સાથે
ઉંચા ખોરડાની ખાનદાની
દુ:ખડા ખમે ઇ દીકરી
સોનલ સુંદરી
શેરને માથે સવાશેર દિપક ઘીવાળા સાથે
ગરવો ગુજરાતી
ઊંચી મેડીના ઊંચા મોલ
અખંડ ચુડલો
મેરૂ મુળાંદે
શ્રી નાગદેવ કૃપા
પ્રીત પાંગરે ચોરી ચોરી
આંગણિયા સજાવો રાજ
દોઢ ડાહ્યા
દલડું લાગ્યું સાયબાના દેશમાં
મન સાયબાની મેડીએ
રૂડો રબારી
હાલો આપણા મલકમાં
સૌભાગ્ય સિંદુર નિરૂપા રોય સાથે
ઓઢું તો ઓઢું તારી ચુંદડી
छोटा आदमी હિંદી
પરભવની પ્રીત
સાજણ તારા સંભારણા
રઢિયાળી રાત
મરદનો માંડવો
ઢોલી તારો ઢોલ વાગે
પટેલની પટેલાઇ ઠાકોરની ખાનદાની
ઢોલામારુ રાજસ્થાની
ધરમભાઈ રાજસ્થાની
બીરો હોવે તો ઐસો ઊંચી મેડીના ઊંચા મોલનું રાજસ્થાની ડબિંગ
હિરલ હમીર હિંદી ડબિંગ

એવોર્ડ[ફેરફાર કરો]

ગુજરાત સરકાર દ્વારા ગુજરાતી ફિલ્મના કલાકાર કસબીઓને અપાતા એવોર્ડ પૈકી નીચેની વિગતે નરેશ કનોડિયાને એવોર્ડ પ્રાપ્ત થયેલ છે.

  • શ્રેષ્ઠ સંગીત માટેનો એવોર્ડ ફિલ્મ તાનારીરી માટે (૧૯૭૪-૭૫) (સંગીતકાર તરીકે)
  • શ્રેષ્ઠ ગુજરાતી અભિનેતા માટેનો એવોર્ડ ફિલ્મ જોગ સંજોગ માટે (૧૯૮૦-૮૧)
  • દ્વિતીય શ્રેષ્ઠ ફિલ્મ માટેનો એવોર્ડ ફિલ્મ જોગ સંજોગ માટે (૧૯૮૦-૮૧) (નિર્માતા તરીકે)
  • શ્રેષ્ઠ સંગીત માટેનો એવોર્ડ ફિલ્મ જોગ સંજોગ માટે (૧૯૮૦-૮૧) (સંગીતકાર તરીકે)
  • શ્રેષ્ઠ સંગીત માટેનો એવોર્ડ ફિલ્મ લાજુ લાખણ માટે (૧૯૯૧-૯૨) (સંગીતકાર તરીકે)
  • દાદાસાહેબ ફાળકે એકેડમી એવોર્ડ (૨૦૧૨).[૯]
  • પદ્મશ્રી (૨૦૨૧)[૧૦]

સંદર્ભ[ફેરફાર કરો]

  1. Pandya, Kaushik (૨૦૦૭). A journey to the glorious Gujarat. Akshara Prakashan. પાનું ૩૨. ISBN 978-81-7057-085-1. મેળવેલ ૨૫ એપ્રિલ ૨૦૧૧.
  2. "Gujarati actor Naresh Kanodia found Corona positive". News Track (Englishમાં). 2020-10-21. મેળવેલ 2021-06-01.CS1 maint: unrecognized language (link)
  3. "Naresh Kanodia: Actor-turned-politician Naresh Kanodia, who worked in over 100 Gujarati films, dies at 77". The Times of India. 2020-10-27. મેળવેલ 2020-10-27.
  4. "अभिनेता से नेता बने नरेश कनोडिया का 77 साल की उम्र में कोरोना से निधन". Amar Ujala (હિન્દીમાં). મેળવેલ 2020-10-27.
  5. "Veteran Gujarati Film Musician, Former MP Mahesh Kanodia Dies At 83". NDTV.com. મેળવેલ 2020-10-27.
  6. "Now BJP politican [sic] cum actor Naresh Kanodia to be part of jury to select India's official entry to Oscars: Report". dna. ૨૪ ઓગસ્ટ ૨૦૧૫. મેળવેલ ૨૧ જુલાઇ ૨૦૧૭.
  7. Paniker, Shruti (૨૪ ઓગસ્ટ ૨૦૧૫). "And the Oscar goes to… Gujarati BJP man in jury". Mumbai Mirror. મેળવેલ ૨૧ જુલાઇ ૨૦૧૭.
  8. "Album:Modi releases book of Mahesh and Naresh Kanodia". DeshGujarat. ૨૮ જાન્યુઆરી ૨૦૧૧. મેળવેલ ૨૧ જુલાઇ ૨૦૧૭.
  9. "Naresh Kanodia gets award instituted by Phalke Academy | Ahmedabad News - Times of India". The Times of India (અંગ્રેજીમાં). મેળવેલ 2020-10-27.
  10. "Keshubhai Patel conferred with Padma Bhushan, Naresh Mahesh Kanodia Padmashri posthumous". DeshGujarat (અંગ્રેજીમાં). 2021-01-25. મેળવેલ 2021-05-30.

બાહ્ય કડીઓ[ફેરફાર કરો]