સભ્ય:KartikMistry/sandbox/દ.ગુ.

વિકિપીડિયામાંથી
દક્ષિણ ગુજરાત

Dakshin Gujarat
ક્ષેત્ર
ગુજરાતના દક્ષિણ ભાગના જિલ્લાઓ
ગુજરાતના દક્ષિણ ભાગના જિલ્લાઓ
દેશ ભારત
રાજ્યગુજરાત
વસ્તી
 (૨૦૧૧)
 • કુલ૧,૧૭,૦૩,૦૦૪
સમય વિસ્તારUTC+૫:૩૦ (IST)
વાહન નોંધણીGJ
સૌથી મોટું શહેરસુરત
વિભાગ મથકસુરત
વેબસાઇટgujaratindia.com

દક્ષિણ ગુજરાત[૧] ભારતના ગુજરાત રાજ્યનો એક પ્રદેશ છે. આ પ્રદેશ ભારતના સૌથી ગીચ વસ્તી વિસ્તારોમાંનો એક છે. આ ક્ષેત્રનો પશ્ચિમી વિસ્તાર લગભગ દરિયાઇ છે અને તે કાંઠા વિસ્તાર તરીકે ઓળખાય છે. તેનો પૂર્વીય ભાગ ડુંગર વિસ્તાર તરીકે પણ ઓળખાય છે. જે સમુદ્ર સપાટીથી ૧૦૦ થી ૧૦૦૦ મીટરની ઊંચાઈ ધરાવે છે, તેનું સૌથી ઊંચુ શિખર છે જે ડાંગ જિલ્લાના સાપુતારામાં આવેલું છે.

મુખ્યાલય અને જિલ્લાઓ[ફેરફાર કરો]

સુરત આ પ્રદેશનું સૌથી મોટું શહેર છે, અને ગુજરાતનું બીજું સૌથી મોટું અને ભારતનું આઠમું સૌથી મોટું શહેર છે. તે દક્ષિણ ગુજરાત પ્રદેશનું મુખ્યમથક પણ છે. આ પ્રદેશના જિલ્લાઓમાં સુરત જિલ્લો, ભરૂચ જિલ્લો, નવસારી જિલ્લો, ડાંગ જિલ્લો, વલસાડ જિલ્લો, નર્મદા જિલ્લો અને નવરચિત તાપી જિલ્લો છે. મહત્વપૂર્ણ શહેરોમાં ભરૂચ, અંકલેશ્વર, નવસારી, વ્યારા, વલસાડ, બારડોલી, વાપી, જંબુસર, બીલીમોરા, રાજપીપલા અને સોનગઢ નો સમાવેશ થાય છે.

પ્રવાસન સ્થાનો[ફેરફાર કરો]

  • સાપુતારા - સુરતથી ૧૭૨ કિ.મી. દૂર આવેલું આ એક ગિરિ મથક છે. તે દક્ષિણ ગુજરાતની સહયાદ્રી પર્વતમાળાઓ પર આવેલું ગુજરાતનું એકમાત્ર ગિરિ મથક (હિલ-સ્ટેશન) છે. આહવા, ગીરા ધોધ, અભયારણ્ય, ટેબલ ટોપ, સનસેટ પોઇન્ટ, બોટિંગ, રોપ-વે, પેરાગ્લાઈડિંગ વગેરે સાપુતારાના મુખ્ય આકર્ષણ છે.
  • દાંડી - સુરતથી ૪૫ કિમી દૂર, દાંડી સત્યાગ્રહ માટે પ્રચલિત, આ એક જાણીતી ચોપાટી છે. બ્રિટીશ યુગ દરમિયાન મહાત્મા ગાંધી દ્વારા ૧૯૩૦માં અહીં મીઠા પર લગાવવામાં આવેલા કર વિરુદ્ધ સત્યાગ્રહ યોજવામાં આવ્યો હતો.
  • ઉભરાટ બીચ - સુરતથી ૪૫ કિ.મી. અને નવસારીથી 30 કિ. મી. દૂર આવેલ એક પ્રસિદ્ધ બીચ છે.
  • ડુમસ બીચ - સુરત શહેરમાં આવેલો આ પ્રસિદ્ધ બીચ છે.
  • સુંવાળી બીચ - સુરત મુખ્ય શહેરથી ૩૫ કિ.મી. દૂર આવેલો આ જાણીતો બીચ છે.
  • તિથલ બીચ - સુરતથી ૧૦૦ કિમી અને વલસાડથી ૭ કિમી દૂર્ આવેલ આ એક પ્રસિદ્ધ બીચ છે.
  • ઉમરગામ - આ એક પ્રસિદ્ધ સ્થળ છે જ્યાં પૌરાણિક નાટક /કથા શ્રેણી ના શુટિંગ માટેનો સ્ટુડિયો છે. (બીઆર ચોપરા દ્વારા નિર્મિત મહાભારતનું શુટિંગ અહીં થયું હતું.)
  • બરુમલા-ધરમપુર-વલસાડ- અહીં શંકર ભગવાનનું પ્રખ્યાત મંદિર છે.
  • કબીરવડ - કબીરવડ નર્મદા નદીના નાના નદી ટાપુ પર આવેલું એક વડનું વૃક્ષ છે. તે ભરૂચ જિલ્લામાં છે.
  • સુરત - સુરત દક્ષિણ ગુજરાતનું વ્યાપારી અને આર્થિક કેન્દ્ર છે, તે તેના હીરા અને કાપડ ઉદ્યોગ માટે જાણીતું છે. સુરત એક્વેરિયમ, હેરિટેજ ગોપી તળાવ, ડુમસ બીચ, સુવાલી બીચ, શ્યામ પ્રસાદ મુખર્જી ઝૂ (સાર્થના ઝૂ), બોટનિકલ ગાર્ડન વગેરે સુરતમાં જોવાલયક જગ્યાઓ છે. સુરતનું અર્બન ઈન્ફ્રાસ્ટ્રક્ચર, મોલ, મલ્ટિપ્લેક્સ અને ગૌરવ પથ શહેરી જીવનના પ્રેમીઓ માટે આકર્ષક છે.

સંદર્ભ[ફેરફાર કરો]

  1. Verma, Priyarag (December 22, 2017). "Rahul Gandhi to Discuss Gujarat Assembly Election Results With Party Leaders". India.com.