મણિનગરની વાવ

મણિનગરની વાવ અમદાવાદ શહેરના મણિનગર વિસ્તારમાં ઉત્તમનગર બગીચાની નજીક આવેલી એક વાવ છે. આ વાવ એક સમયમાં જમીનની નીચે દટાયેલી હતી પરંતુ અમદાવાદ મ્યુનિસિપલ કોર્પોરેશને તેનો જીર્ણોદ્ધાર કર્યો છે. અત્યારે વાવમાં આજુબાજુના રહીશો દ્વારા કચરો ફેંકવામાં આવે છે તથા તેની જાળવણીનો અભાવ છે.

સ્થાપત્ય

વાવમાં પ્રવેશતાં જ એક કૂટ આવે છે જેના પછી બે અર્ધ-કૂટ આવે છે જેને માળખાની સહાય માટે બનાવ્યાં હોઈ શકે છે. વાવનું મૂળ બાંધકામ ઇંટ અને ચૂનાથી કરવામાં આવ્યું હતું; જીર્ણોદ્ધાર વખતે પણ ભીંત ઉપર ચૂનાનું પ્લાસ્ટર લગાવવામાં આવેલું છે. આ વાવનું બાંધકામ તદ્દન સાદું તેમજ કોતરણીરહિત છે; માત્ર પગથિયાં પર ચતુષ્કોણીય હીરાની ભાત પાડેલી છે.

હાલની પરિસ્થિતિ

વાવમાં આજુબાજુના રહીશો દ્વાર કચરો ફેંકવામાં આવે છે, વાવમાં ગંદું પાણી ભરાયેલું રહે છે અને તેની જાળવણીનો એકંદરે અભાવ છે.