ધાંધલપુરની વાવ

ધાંધલપુરની વાવ ગુજરાતના સુરેન્દ્રનગર જિલ્લાના સાયલા તાલુકાના ધાંધલપુર ગામે આવેલી એક પ્રાચીન વાવ છે. વાવ ગામની બહાર પશ્ચિમ ભાગમાં આવેલી છે.

ઈતિહાસ

સિદ્ધરાજ જયસિંહના શાસનમાં ધાંધલપુર અણહિલવાડ રાજ્યનું છેવાડાનું નગર હતું. કહેવાય છે કે આ રાજ્યનો જન્મ ધાંધલપુરમાં થયો હતો.

સ્થાપત્ય

આ વાવ પૂર્વ-પશ્ચિમ દિશામાં--કૂવો પૂર્વ દિશામાં અને પ્રવેશ પશ્ચિમ દિશામાં-- આવેલી છે. પ્રવેશ કરતાં ઉત્તરની બાજુએ એક નવી બનેલી નાની દેરી આવેલી છે. વાવની દક્ષિણ દિશામાં ધુંધળીનાથનું ૩ મીટર ઊંચું બાવલું પણ ઉભું કરવામાં આવ્યું છે.

આ વાવમાં ત્રણ કૂટો છે જે પૈકી ત્રીજો ત્રણ માળ ઊંડો છે. આ કૂટો ચાર સ્તંભો અને ચાર અર્ધ-સ્તંભો વડે લંબચોરસાકાર રીતે બનાવવામાં આવ્યા છે. કૂટનો સૌથી ઉપરનો મંડપ પિરામીડ આકારના ત્રણ છતથી ઢંકાયેલો છે. આ ત્રણ છતોને નીચે મંડપમાં પૂર્ણ ખીલેલાં કમળની જેમ બનાવવામાં આવ્યાં છે.

આખી વાવમાં અલંકૃતીકરણ અને સુશોભન માત્ર છતમાં જોવા મળે છે. સ્તંભો અને અર્ધ-સ્તંભો મિશ્રક પ્રકારના છે તેથી સરળ છે.