માત્રી વાવ

માત્રી વાવ સુરેન્દ્રનગર જિલ્લાના ધ્રાંગધ્રા તાલુકાના કંકાવતી ગામમાં આવેલી એક ઐતિહાસિક વાવ છે. વાવનું નામ સ્થાનિકો દ્વારા માત્રી માતા-કે જેમની અંદર મૂર્તિ છે- પરથી પાડવામાં આવ્યું છે. આ વાવની ખાસિયત એ છે કે તેને તળાવની અંદર બનાવવામાં આવી છે.

સ્થાપત્ય

આ વાવ અન્ય વાવ જેવી જ છે પણ છતાં અલગ છે કારણ કે તે ચારે બાજુથી તળાવથી ઘેરાયેલી છે. કૂવા સુધી જવાની પરસાળ ભૂગર્ભમાં નહીં પણ તળાવના પટ્ટા પર બનાવવામાં આવી છે. દુષ્કાળમાં ક્યારેક તળાવનું પાણી સુકાઈ જાય તો વટેમાર્ગુઓને વિસામો તથા કૂવામાંનું પાણી મળી રહે તેથી આવું બાંધકામ થયું હોવાનું શક્ય છે. વાવ મોટે ભાગે પાણીમાં જ રહે છે.

વાવ પૂર્વ-પશ્ચિમ દિશામાં પ્રસરેલી છે એટલે કે પૂર્વ દિશામાં પ્રવેશ તથા પરસાળ છે અને પશ્ચિમ દિશામાં કૂવો આવેલો છે. વાવમાં પાંચ કૂટ અને ચાર સહાયક ઢાંચા આવેલા છે.