ખોડિયાર માતાની વાવ, બાપુનગર

ખોડિયાર માતાની વાવ અમદાવાદ શહેરના બાપુનગર વિસ્તારમાં આવેલી મુઘલકાલીન વાવ છે. અમદાવાદ મ્યુનિસિપલ કોર્પોરેશને તેની સારસંભાળ લેવાના પ્રયત્નો કર્યા છે તેથી તેનું બાંધકામ અડીખમ છે.

સ્થાપત્ય

આ વાવમાં ત્રણ કૂટો આવેલાં છે તથા તેનો પ્રવેશદ્વાર દક્ષિણામુખ છે. આ વાવ અલંકૃત નથી અને તેના ગોખલા અને દિવાલ ઉપર માત્ર પાયાની વિગતો આવેલી છે. વાવના પ્રવેશદ્વાર પર બે તોડ આવેલા છે, જેની ટોચ અણીદાર છે તેમ જ આ તોડમાં દિવો મૂકવાના ગોખલા આવેલા છે.

કૂવાનું બાંધકામ રેતિયા પથ્થરથી બનાવવામાં આવ્યું છે. કમાન અને બાજુની દિવાલો ચૂના તથા ઇંટથી બનાવવામાં આવી છે. પહેલા કૂટને સહાય કરતી કમાનો પર સંપૂર્ણ ખીલેલાં કમળો કંડારેલાં છે.