ચંડોળા તળાવ

ચંડોળા તળાવ

ચંડોળા તળાવ

ચંડોળા તળાવ અમદાવાદ, ગુજરાત રાજ્ય, ભારતમાં દાણી લીમડા માર્ગ નજીક આવેલું ૧૨૦૦ હેક્ટરમાં ફેલાયેલું તળાવ છે. તે ગોળ આકાર ધરાવે છે અને અનેક પ્રજાતિના પક્ષીઓનું નિવાસસ્થાન છે. સાંજના સમયે લોકો પ્રવાસન માટે તેની મુલાકાત લે છે.

ઇતિહાસ

ચંડોળા તળાવ અમદાવાદના મુઘલ સુલ્તાનની પત્ની તાજ ખાન નરી અલી દ્વારા બનાવવામાં આવ્યું હતું. આશા ભીલે આશાવલની સ્થાપના કરી ત્યારે તે અસ્તિત્વમાં હતું. માર્ચ, ૧૯૩૦માં ઐતિહાસિક દાંડી કૂચના માર્ગમાં મહાત્મા ગાંધી તળાવની બાજુમાં પીપળાના મોટા ઝાડની નીચે રોકાયા હતા. તે સમયે ચંડોળા તળાવ નાનું અને કાદવ ધરાવતું તળાવ હતું.

વપરાશ

તળાવના પાણીનો સિંચાઇ અને ઔદ્યોગિક વપરાશ માટે થાય છે. તેનું પાણી ખેતી તેમજ તેલ અને પ્લાસ્ટિકના કચરાના નિકાલ માટે પણ વપરાય છે.

ખારીકટ નહેર ગુજરાતની સૌથી જૂની સિંચાઇ યોજના છે જે ૧૨૦૦થી વધુ વિસ્તારમાં ચંડોળા તળાવ નજીક ફેલાયેલા ચોખાના ખેતરોને પાણી પૂરુ પાડવા માટે બનાવવામાં આવી હતી.

પ્રદૂષણ અને દબાણ

તળાવની આજુ-બાજુ મોટા પ્રમાણમાં દબાણ થયું છે. તળાવને પાણી પૂરું પાડતી ખારીકટ નહેર કચરાથી પ્રદૂષિત થઇને ભરાઇ ગઇ છે.

અમદાવાદ મ્યુનિસિપલ કોર્પોરેશન દ્વારા ચંડોળા તળાવનો વિકાસ કરવાનો પ્રસ્તાવ રજૂ કરવામાં આવ્યો છે. આ કામ માટે તળાવ અને આજુ-બાજુમાંથી કચરો સાફ કરવા માટેના ટેન્ડર મંગાવવામાં આવ્યા છે.

આ પણ જુઓ

• કાંકરિયા તળાવ
• વસ્ત્રાપુર તળાવ

બાહ્ય કડીઓ

• ચંડોળા તળાવ ahmedabad.org.uk પર
• ચંડોળા તળાવ ahmedabad.clickindia.com પર
• ચંડોળા તળાવ touristplaces.org પર